السلام عليكم انا فتاة عمري19 من ليبيا وامي مصرية واتقدملي قريب ماما قبل سنة ونص وهوا كمان صديق اخويا وبابا انا في البداية كنت رافضة جدا وبعدها اخواتي البنات قعدوا يقوللي كويس ومحترم وافقي عليه وكده وماما برضوا كانت تقولي كده بعدها انا وافقت بس ماكنتش اوزة اكلموا بعدها جتلي قريبتوا وقالتلي عاوز يتعرف عليك وانا كنت رافضة وقعدت تزن عليا لحد ماكلمتوا وتعلقنا ببعض جدا لكن ماخطبناش لسه وبعدها كانت ماما مسافره عشان تعالج وبعدما رجعت بعت لي ابويا عشان يخطبني وايلبسني الدبله وكده بابا قال لا انا مش هعمل خطوبة قبل ماجيبلي جواز السفر بتاعوا وهوا معندوش جواز سفر ومايقدرش يعمل لان هوا عليه حكم التجنيد يعني العسكرية في مصر وهارب منها يعني لو رجع مصر هيمسكوه ويخلوه يكمل الجيش اللي عليه ويحبسو عقوبة على هروبوا من الجيش يعني هياخد على الاقل 5 سنين وهوا عمره دلوقتي 26 وحكم التجنيد هيسقط من عليه بعد سن ال30 يعني كمان 4 سنين وانا ابويا عرف إني بتكلم معاه فحرمني من كل حاجة من الموبايل عواني انام عند قريبي خارج البيت وحرمني من حجات كتيرة وعلى فكرة ده موبايل اختي الي اصغر مني مش موبايلي وهيركبولها شريحة وانا كل مايشوفني حد بيقولي ازاي اخت اصغر منك عندها موبايل واتي لا وانا بتكسف اوي ومخنوقة وتعبت من المعاملة الوحشة وحرموني اسافر مصر مع إنه هوا موجود هنا في ليبيا ومعايا في نفس المدينة وهوا حاول مع بابا 4 مرات عشان يخطبني وبابا موصر على جواز السفر وهوا بعت لي بابا ناس منهم خالي وبعت اخواته هوا الكبار لما ماما وبابا سافروا الى مصر الفترة الي فاتت لان ابوه الله يرحموا وبعت امه الى امي وبعت مرات اخوه الي عايش هنا لان هوا عنده اخوه عايش هنا في ليبيا وعنده الجنسية الليبية بس هوا برضوا نفس حالتي اخوه مبهدلوا وبيتعبوا كتير معاه بس مرات اخوه كويسه معاه واليومين اللي فاتو بعت كمان بس بابا عاوز جواز السفر لان العقد في ليبيا الليبية على الاجنبي لابد من جواز سفر وهوا حاول يطلع جواز سفر كم مره بالفلوس ومانفعش ومش عارفين نعمل ايه تعبنا وانا اكثر مش عارفة اعمل ايه ساعدوني ارجوكم واسفة على الإطالة
طيب الشاب ماعندو جواز سفر طيب دخل ليببا ازاي وثاني حلجة ابوك معه الحق كيف هيتكب كتابه عليك وماعندو جواز لانو النظام يرفض الاجنبي اللي ماعندو جواز سفر من الزواج في ليببا لابد ان تعرفي الشي ده وتطلب من الشاب العودة لبلاده واستخراج جواز السفر له وممكن يكون له اعفاء من الجيش اذا جاب لهم تقرير طبي انه مريض او يعاني من اعاقة ويقبلوا اعفاءه من الجيش وتنتهي المشكلة اما مسالة انك تكلميه من وراءاهلك فهذا هو الغير الصحيح والغلط بعينه البنت المحترمة والمتربية ابدا ماتعملش كده وتحافظ على شرفها وسمعتها وسمعة اهلها وكرامتهم