احساس بالذنب وخوف من معرفة امي بزواجي

في مشاكل بتحصل ممكن تبقي اغرب من الخيال بس بتحصل فعلا دي مشكلتي انا بنت عندي 24سنه وحيده معنديش اخوات ووالدي متوفي مليش في الدنيا غير والدتي وهي كمان وانا عندي 17 سنه وانا في اولي جامعه حبيت ابن خالي وهو معيد في الكليه بتاعتي كان حب ممكن يوصل لحد الكمال كان بالنسبه ليه الاب الي فقدته والاخ الي ملقتهوش والصديق الي ديما جنبي والحبيب الي مستحيل يتخلي عني بعد كده اتقدملي والدتي رفضت وكان رفض لا رجعه في لاسباب كتير مفيش مجال لزكرها المهم انا مقدرتش اني اسيبه ولا هو استمرينا مع بعض لمده 5 سنين بعد كده حصلت مشكله انه قلي لزم يكون في نهايه للموضوع ده يا نتجوز وميهمناش حد يا خلاص كل شي له نهايه انا فكرت انه شخص كويس خلاقا وعلميا وكل حاجه وفوق كل ده قريبي واكيد هيخاف عليه ورفض والدتي ملهوش مبرر وفعلا حصل ووافقت واتجوزنا وكان جواز شرعي لاني كنت بلغت السن الي يسمحلي بكده بس انا كان عندي شرط ان والدتي متعرفش حاجه عن الموضوع ده خوفا عليها وهو وافق يمكن ظروفي خلت الموضوع ده يكون سهل لان مكان عملي في مخافظه غير المحافظه الي فيها والدتي احنا متجوزين من حوالي سنتين وعيشين بس احساسي بالذنب مش بيسبني هو بيحاول يطمني ويقلي هيجي وقت ووالدتي تعرف واننا مغلطناش وانه اتقدملي اكتر من مره وهي الي بترفض كنت في الاول بسمع كلامه يمكن عشان حبي ليه كان كبير اول لكن كل مدي الموضوع عندي بيزيد وخصوصا اني عرفت اني مش هقددر اجيب اطفال حسيت ان ده بسبب اني عملت كده من غير رضاها وموفقتها انا حياتي اتقلبت جحيم من كتر احساسي بالذنب انا مش عارفه اعمل ايه اكمل معاه وهو وعدني انه هيكلم والدتي تاني وهو هيقلها بس انا خايفه عليها لو عرفت ممكن يكون رد فعلها يكون ايه ولا نسيب بعض وحتي ده انا مش قادره اعمله لاني بجد بحبه وهو بيحبني لدرجه انه واللهي مش همه موضوع الاطفال وكل الي عاوزه اني ابقي معاه

مشاكل وحلول ذات صلة

• اصدق كلام الناس ولا اللي متمسك بيا
• زعلت حبيبي وكدبت عليه ومش عارفة اصالحه
• بحبها ونفسي اخطبها بس حاسس انها بتعتبرني أخ او كزميل
• بحب بنت معايا في الكلية وخايف تضيع مني ..
• نفسى تحبنى زى ما بحبها
• معجبة بيه اقرب له ولا ابعد عنه؟
• مشكلتي احب ولد لكني انا احلى منه بكثير