انا بنت عندى 20 سنة مشكلتى ان زميلى فى الدراسة بيحبنى وعايز يتقدم لى بس ماما مش موافقة لانة معندوش امكانيات مادية وقبل ما ارتبط بيه واتعلق بيه كنت مخطوبة من واحد قريبنا قعدت الخطوبة 3سنين وكنت بحاول اقرب له او احبه بس كان تفكيره مختلف عن تفكيرى وحصلت بينا مشاكل وفسخنا الخطوبة بس ماما مكنتش عيزانى اسيبه وهو حاول يرجع لى كتير اوى بس انا رفضت
وبعدما سبته زميلى ده فتحنى فى الموضوع وقلى انه بيحبنى ومع الوقت اتعلقت بيه اوى وحبيته وكلم ماما قبل كده بس ماما مش عيزاه برده وحطت فى دماغها انى انا سبت خطيبى على شانه بس مش ده الى حصل وانا مش عارفة اعمل ايه انا حبيته اوى وهوكمان بيحبنى اوى وانا مقدرش استغنى عنه وهو انسان مؤدب ومحترم وبيخاف عليا اوى بس ماما مش عيزانى اعرفه تانى وبتقولى انه لسه بدرى عليه ومش موافقه عليه انا مش عارفة اعمل ايه
مشاكل الحب والزواج
زميلي عايز يتقدملي وماما مش موافقة
اضيف بتاريخ: Thursday, December 28th, 2017 في 03:26
كلمات مشاكل وحلول: الخطوبة, الدراسة, بنت, حب, شاب, فسخ الخطوبة, مخطوبة
كل شي قسمة ونصيب لازم تعرف امك بهذا الشي وتقتنع به واذا كان الشاب زميلك ابن حلال كويس وجاد في الارتباط بك فعليه ان يتقدم لااهلك حسب الاصول ولاظن امك ترفضه وتحاول اقناعها بانها توافق عليه او احد من اهلك اواقاربكم الذين لهم كلمة مسموعة عند امك يقنعوها بالموافقة على الشاب واللي فيه الخير يقدمه ربنا لكم ويجعله من نصيبك ان شاء الله