انا عندي 20 سنه وجامعية واتقدملي انسان من سنه جارنا ولكن تعليمه اقل مني ووالديه متوفيين وهو كبير اخواته وكان فتح سوبر ماركت ووسع شغله وفتح سوبر ماركت ليه وسنترال واتقدملي بس انا رفضت واتقدم تاني بس ماما رفضت واتقدم تالت مره ووافقت ولكن ماما كانت رافضة علشان هو مش من مستوانا علي الرغم ان احنا ناس عادية لا فقيره ولا غنية وماما وافقت عليه وبعد مرور سنه حب وفسح وخروج وهدايا ماما رجعت رفضت وبنفس اسبابها وعايزاني لانسان جامعي وبتشتكي من كبر سنه لان عنده 30 سنه وهو كان متزوج لمدة سنه لانه اكتشف ان مراته بتسرقه واحنا اتأكدنا من ده وهو بيصلي وبيحبني بس عيبه انه عصبي وعنيد وحصلت مشاكل بينه وبين ماما وكان بيرجع يتأسفلها لان ماما بتتلكك له وهي دلوقتي قالتلي لو عايزاه انا مش هحضرلك فرح ومش هجيلك في بيتك بس والله انا بحبه اوي ومقدرش استغني عنه قولولي اعمل ايه انا تعبانة جدا ونفسيتي مدمرة
شوفي يابنتي الزواج سترة وعفة للبنت ولكن عليك حسن الاختيار للزوج من كل النواحي وده الشخص غيرمناسب لك لعدة اسباب منها كبرسنه وفارق المستوي التعليمي بينكما وثاني حاجة عصبي وعنيد حسب ماقلت عنه وصدقيني كلام امك عنه ورفضها له معها كل الحق فيماتقول لك اسمع كلامها فهي ادرى بمصلحتك اكثر من اي حد ثاني والف من يتمناكي ياست البنات نصيبك هتلاقيه مع ابن الحلال اللي يستاهلك ويقدرك ويصونك ويسعدك العمر كله