السلام عليكم …انا فتاه عندى 27 سنة مهندسة واتمم دراساتى العليا ..تربيت فى اسرة جدتى لامى مع امى وجدتى وخلانى لانفصال ابى وامى وكان عمرى سنة واحدة …ولم تتزوج امى وظلت تربينى فانا حياتها … فى الصف الثالث الثانوى احببت احد زملائى فى المدرسة كان يصغرنى بسنة ولكنة معى فى نفس الفصل وهو برده ابوه وامه منفصلين مما قرب بينا بسرعة جدا لاننا فاهمين ظروف بعض ..وصارحت امى بهذا علشان مش عايزة اعمل حاجة من وراها وثارت وغضبت وضربتنى وقالت انها لا تحبه وانه عيل ولكن جدتى ساعدتنى وكانت ترى انه الشخص المناسب وقالت لخالى الكبير اللى قالى خليه يجى يقابلنى من ورا امك ..فى الوقت ده كنا فى اولى جامعة وهو قابل خالى وخالى وافق عليه مبدأئيا ولكن لشخصية امى القوية جدا لم يستطيع مواجهتها وفضل ان نؤجل الموضوع حتى نتخرج من الكليات وكانت كليتى بجوار كليته مما اتاح لينا كثرة اللقاءات وظللنا نتطور خلال خمس سنين الى ان وصلنا انه جاء لى البيت من وراء اهلى وتبادلنا القبلات عدة مرات وكنت كلما ابتعدت عنه ظللت احاسب نفسى ولكنه يطلب منى فلا استطيع ان امنعه وجئت فى وقت ووقفت كل شىء مما اغضبه وتوفت جدتى وتخرج هو من كليته فقال لى انه سوف ياتى ليتقدم لى رسميا فقلت له ان يصبر لان امى ملهاش غيرى واستنى شويه بعد وفاة جدتى مع العلم انى كنت فى ظروف نفسية سيئة جدا وقال الطبيب النفسى انى اعانى الاكتئاب فايضا غضب منى وعلاقتى بامى بدأت تقوى ثم قررت الانفصال عنه نظرا لسوء معاملته لى ولانشغاله فى عمله بعد تخرجه …ثم اختفى من حياتى وبعدها بسنتين علمت انه قد تزوج من متابعتى لحسابه على واقع التواصل الاجتماعى فاتصدمت لانى كنت اتابع اخباره جيدا ثم انجب فتاه وكل حين والاخر يرسل لى رسالة انه يعتذر ويتأسف عما حدث فى الماضى ظل هكذا خمس سنوات وظللت انا اقابل عرسان الصالونات ولم اجد الشخص المناسب وفى موضوع مشى شويه وفى الاخر وقف برده وكنت زهقت بقى من موضوع العرسان والمقابلات والحاجات الغريبة ديه وفى يوم بعتلى قالى انه محتاج يتكلم معايا وانه عايز يتقدم لامى رسمى لانه انفصل عن زوجته …وبعته لماما وهى حددت معاه ميعاد كنت سألتها انتى هتديله فرصة تانية ولا رايحة تهزأيه وخلاص؟ قالتلى مش عايزاكى تندمى بعد عشر سنين على انك متديلوش فرصة تانية وانا فعلا كنت بدأت انى اديله فرصة جديدة وفعلا لما قابلته كأن محصلش اى حاجة وحشة بينا وقال انه غلط انه اتجوز وهو كان شاب وتهور وكان لسه مخلص جيش وعرف انى بدات اقابل عرسان وان امى مكنتش بتحبه وان ابوه دبسه فى جوازه بسرعة ومكنوش متفاهمين خالص وهى كانت مادية جدا وكان ميعرفهاش وقعدوا مع بعض 9 شهور من 3 سنين …انا صدقته ولكن امى مصدقتوش وبالنسبالها الموضوع انتهى وانى لازم اسمع كلامها وان ده هو بر الوالدين وبدأت الخناقات بينى وبين امى وانى واطية وقليلة الاصل لانى عندى استعداد اتجوز حد هى مش موافقة عليه وبعد صدامات بينها وبينه فى التليفون طلب من رقم خالى الكبير واعطيته اياه وقابله ووافق خالى الكبير وقال ان امى تريد الاستحواز عليا ولا تريد زواجى ولا تريد احد ان يشاركها فى ونفس الوقت قال خالى الصغير نفس الكلام ووافقوا الاثنين على زواجى منه وقالوا له ان يبدء فى شراء الشقة واختيار العفش سويا عبر الانترنت وشرائه ولكن من ورا ماما فهما قرروا يحاولوا مع ماما علشان محدش يلومهم بعد كده وبعدين سكتوا هما الاتنين ومحدش بيحاول وفى نفس الوقت هما عارفين انى انا وهو بنكلم بعض والنهاردة نزلت قابلته فى مكان عام وهو يرى ان خلانى ضعفاء ولا يستطيعوا مواجهة امى فهو قال لى انه سيترك لهم مهلة حتى العيد الصغير ومن بعدها سوف نبدء انا وهو فى شراء الشقة فعلا وتجهيز البيت كله وهو متحمل كل حاجة وعند النتهاء منه تماما سوف نعلن لهم الثلاثة اننا نريد ان نتجوز وحضرنا شقتنا تماما واذا رفضت امى او قال خلانى ان نؤجل فترة اننا سنذهب ونزوج لاننا نخاف فعلا الا نقيم حدود الله واننا نخاف من نفسنا فعلا وخايفين نعمل حاجة غلط تانى وبيقولى ثقى فيا بجد انا مش هعرف اتجوز غيرك انا جربت ومش عارف …انا بقى هتجنن انا نفسى اتجوزه فعلا هو الراجل الوحيد اللى حبيته فى حياتى طول عشر سنين ومش عايزة امشى من ورا امى واتجوز ومش عايزة اغضبها وهى بتلطم وتهدد بالانتحار ومش محتاجة منهم الا الخروج الامن والمحترم قدام الناس انا مش قادرة استوعب فكرة انى اهرب ديه ابدا او اتجوز من وراهم …ارجوا الرد عليا فانا اغرق
لا نكاح الا بولي وشاهدي عدل،،ولا بجوز أن يعقد لك قرانك الا والدك حتى في وجود الاخوال والاعمام،،بغض النظر عن انفصاله عنكم الجأ إليه هو يزوجك