ححكيلكم يا حبايبى الموضوع من البداية انا بنت متوسطة التعليم رغم تفوقى الدراسى وطموحاتى العالية لكن ظروف الاسرة حتمت على تعليمى المتوسط الحمد لله على كل حال اتخطبت اول ماخلصت دراسة لشاب محترم ومن اسرة طيبة وذهبت لسوق العمل لاساعد نفسى وبدات فى شراء شوارى ولكن للاسف تركنى خطيبى بطريقة الافلام العربى القديمة مش عايز يظلمنى لانه كان فاكر نفسه حيقدر يتحمل تكاليف الزواج بس الظروف اتغيرت انجرحت جدا ولكنه تركنى بالفعل وكانت اول صدمة فى حياتى تالمت كل الالم شعرت بانى لااستطيع الحياة بدونه وانقع كل اتصال بيننا وبدأت اعيش حياتى من جديد ظروف عائلتى تحسنت اخواتى خلصوا تعليمهم وانا التحقت بعمل افضل وثابت وتقدم لخطبتى اشخاص ولم يحصل نصيب والله انا بنت عاديه بس لى طموح فى الشخص اللى حرتبط بيه مقدرش اخد انسان بيشرب او اخلاقه مش اد كده نفسى فى انساااااااان يكون اب لاولادى وءامن له على نفسى تدور السنين ويرجع لى اللى كان خطيبى وبرغن وظيفته الكويسة جدا طلب الزواج ولكن فى بيت اسرته تردد كثيرا وكان فى رفض من عائلتى ولكنهم تركوالخيار لى ومكدبش عليكم حسيت انى لسه بحبه وان ظروفه كده وكنت مقتنعة جدا بانى ارجع له تانى ولكن مع الوقت وخلال شهور الحب اللى كمن فى قلبى سنين طلع لشخص فى خيالى مش هو خالص اكتشفت انه كداب وبيحب نفسه جدا ومسرف جدا جدا على فسحه ولعبه واكتشفت انه له علاقات كتير بالبنات وساعتها عرفت انى بالنسبه له بنت مؤدبة وبانه رجع لى لانه عارف اخلاقى واخلاق اهلى وطلع ولابيحبنى ولاحاجة لانه اصلا مبيعرفش يحب بس الحمد لله المرة دى متصدمتش الجرح اللى اتجرحته فى الاول كان اقوى من اى صدمة وبعدسنين اتخطبت لشاب معايا فى الشغل فى الاول كنت رفضاه لان ظروفه كانت صعبة وانا اتعلمت الدرس لكن ختله سفريه كويسه بمعنى انه حيكون اد تكاليف الزواج وطبعا زى العادات والتقاليد اهله اتفقوا على كل حاجة وان الزواج حيكون خلال سنه واتخطبنا وقضى معايا شهر من اجمل ايام عمرى اتعلقت بيه جدا وبعدها سافر والسنه بقت اتنين وبرضه تعثرات مادية مهمنيش قلت طالما انسان شارينى فيها ايه لما اساعده والعبئ الكبير فى الزواج هو الشقة ربنا قدرنى وجبتها من حر مالى بمساعدة اهلى لكن على الطوبه وهو يبقى يشطب لكن للااسف حتى مش قادر يشطبها وبقلب المحب ضغطت على نفسى واشتغلت بعد الضهر عشان اوضب الشقة انا كبرت 29 سنه ولسه لازواج ولاطفل ولاجديد فى حياتى وانا مخطوبه عمات اكتر من طاقتى اقسم بالله انى اوقات بدخل البيت مابقدر احضر لقمة من التعب وبنام عشان اصحى اشتغل واشتغل وعدت السنه التالته ومشيين فى الرابعة ولاعمل اى حاجة كل قرش يبعته على امه ويخبى على معاه ايه وكل حاجة يقول الظروف اصبرى استحملى ولاحظت ان اهله بقو يضعطو على لانهم حسو بشوقى لفتح اسرة مش عارفة اعمل زهقت جدا خايفة اسيبه يجيلى الاسوا او اعنس وخايفة استمر على الوضع ده ليه ياترى بيحصل معايا كده ده اللى اتقدمو لى اتجوزو وخلفو وانا لسه قاعدة خايفة اكون ظلمت حد وانا مش حاسة اعمل ايه بالله عليكم مخنوقة جدا بجد نفسى اكون زوجة ويكون لى اطفال لكن ميكونش لى علاقة بامه خالص ولاهله
أولا – باين عليك بنت محترمة جدا وطموحة وربنا لن يخيب ظنونك ابدا لاشك انك في الأول لم تحسن اختيار للعريس والحمدلله انك عرفت حقيقته قبل الارتباط به وربنا يحبك عشان كدا خلصك منه ثانيا – الشاب الثاني خطيبك لازم تعرفي راسك من رجليك لحد امتى انتظار وهو مش عارف يعمل حاجة يتحجج كل مرة العمر يابنتي يمضي وانت الان 29 سنة ولسه ماتزوجتم لغاية الان لازم تجلس مع اهلك وتخبرهم بكل شيء وهم يعرفوا يتفاهموا مع البني ادم دا اما يجي ويكمل معاك وتتزوجوا او تنهي دي الخطوبة بناقص منها وكل حي يروح لحاله دا الصح مش يقعد رابطك معاه لحد امتى وربنا بيكرمك بحسن منه مليون مرة انت بنت حلال كويسة ومحترمة وربنا بيعوضك خير منه ان شاء الله واوعي تخافي لو سبتيه ده هو الصح المفروض يتعمل هتلاقي نصيبك جايك ياست البنات وربنا رحمته واسعة وكبيرة تحياتي لك
بصراحة جدا وماتزعليش مني انت تسرعت جدا ولم تحسن الاختيار من البداية لامع خطيبك الاولاني ومع خطيبك الثاني الاول اتضح انه بتاع بنات وكداب ومسرف جدا والحمدلله انك خلصت منه اما الثاني فهو ماعندو ذرة من الرجولة ولا الكرامة عايزك تتحمل كل شي وتصرفي عليه يعني شخص اتكالي واناني مايفكر الا في نفسه طبعا لازم ترفضيه وتنهي تلك الخطوبة الشؤم من شخص كهذا خوفك من شبح العنوسة هو سبب قلقك وحيرتك واختيارك السي خليك متفائلة وواثقة من نفسك وتاكدي ان ربنا بيكرمك بخير منهم هتلاقي نصيبك مع ابن الحلال الشهم الكريم اللي يستاهلك ويسعدك طوال حياتك
تالمت جدا لكل مايحدث لك يااختي الفاضلة وعايزك ترضي بقضاء الله وقدره في هذة الحياة وتحمدي الله على كل حال الزواج الاول لم يكن اختيار حسن لك يعني قد تكوني اتخدعت فيه وقدر يضحك عليك واتضح لك انه شاب بتاع بنات وسافل وحقير ولايقدر الحياة الزوجية الحمدلله انك خلصت منه ولامعك منه ولاد والا كان وضعك صعب للغاية اما العريس الثاني فقد يكون ظروفه صعبة ولاعلم لي بها وانت اكثر وحدة تكوني عارفه هذي الظروف فلابد لك من مصارحته امام اهلك واهله هل هو جاد في الزواج منك ويقدر على تحمل اعباء الحياة الزوجية فكان بها مايقدرش ويتلكك ويختلق الاعذار والحجج ولايرغب في تحمل المسوولية فبلاش منه ومالو لزمة من اصله 3-4 سنين وماعملش حاجة فليه تربطي مصيرك بواحد زي ده انهي كل شئ يربطك به وربنا فضله كبير وعظيم بيكرمك ياقموره من اوسع ابوابه
عايزاقولك انك وقعت في اخطاء كثيرة لما اتخطبت للشاب الاول وطلع مش قادر على تحمل وتكاليف الزواج وتركك وبعد فترة من الزمن رجع لك ثاني وانت تسرعت في الرجوع اليه بعد كل اللي عمله معك وماسببه لك من صدمة عاطفية عندما تركك في الاول توقعت انه فعلا يحبك واكتشفت انه مايحبش الا نفسه وكداب واناني ومسرف جدا وله علاقات مع بنات اخرين وهذا يجعلك ترفضيه تماما وتحمدي الله انك خلصت منو للابد تاتي للشاب الثاني اللي تقدم لك وخطبك وانت تعرفيه من الشغل و عارفه ظروفه الصعبة ومع ذلك وافقت عليه اين كان عقلك ساعة ماوافقت عليه كان حري بك وانت تعرفيه جيدا وتعرفي ظروفه ان ترفضي الارتباط به ويكفى ماجرى لك مع الشاب الاولاني خطيبك السابق لكنك كنت خارجة من ازمة عاطفية افقدتك التفكير جيدا وطلع الشاب لاهو قادر على تجهيزنفسه للزواج سنة وراء سنة ولم يعمل حاجة والان انتم في السنة الرابعة وبرضو لم يعمل حاجة وعمرو لن يعمل حاجة ابدا عاوزك هو اهله تجهزي كل شي مثلما استاجرت الشقة عاوزك كمان توظبيها وتفرشيها له وتتحمل برضو تكاليف الجواز وكل حاجة فهل عندك استعداد تعمل له كلهذا يعني عاوزك على الجاهز وهو مش هيدفع حاحة ابدا والعقل والمنطق يقولا لك سيبه وانهي تلك الخطوبة المشومة فورا باناقص منها ولاتخافي ابدا الف من يتمناكي ياست البنات مش عارف انت ليه متسرعة جدا في الارتباط من اي شاب يتقدم لك بدون ماتدرسي اوضاعه جيدا من كل النواحي وتنخدع في المظاهر وكلام الحب والمشاعر الكدابة اللي ماتكل عيش حاف اتمنى انك استوعبت الدرس جيدا واستفدت من كل ماقلته لك ومش عيب ان الواحد يخطي مرة اواثنان لكن يتعلم من اخطاءه ويستفيد منها عشان مايقع فيها مرة اخرى وربي يكرمك بابن الحلال الصالح اللي يعرف قيمة الحياة الزوجية ويصونها ويقدرمشاعرك ويحترمها ويسعدك العمركله ويعوضك صبرك خيرا ان شاء الله