انا مرتبطة بشخص الحمد لله محترم وطيب وبيحبني جدا ومابينا قصة حب كبيرة من 4سنين من ايام الجامعة واهلي واهله عارفين ومستنيين انه يشوف الجيش ويشتغل واهله بيحبوني جدا ودايما كانوا عايزين ييجوا يتقدمولي بس والدي كان بيقولهم اول مايشتغل الكلام دة السنة اللي فاتت فانا حاولت اقنعهم ان يوافقوا وبعد كده ربنا يكرمنا ويشتغل انشاء الله وقولتله وفرح اوي واهله كمان وفجاة من اسبوع لاقيت باباه رافض ييجي يتقدم ويجيب اي حاجة الا لما يشتغل وانا مش عارفة اعمل ايه والشخص اللي انا مرتبطة بيه قاللي انا هاخليه يتصل بيكي وطلب منى اتكلم معاه وانا مترددة اكلمه عشان مقللش من كرامتي ياريت تساعدوني بعد اذن حضرتك …
طيب يابنتي انت عايزه ايه من شخص لايشتغل وقدامه خدمة في الجيش ربما تطول لسنوات لاحد يعلم مدتها انت فعلا غلطانة لوفكرتي الارتباط بالشاب ده وهو بالظروف دي انت تستاهل احسن منو بكثير والف من يتمناك ياقمر البنات مستعجلة علي ايه مش فاهم الزواج مسووليات كبيرة واعباء حياة لايقدر هذا الشاب على توفيرها لك وهو على الحال ده الحب مش كل حاجة في الحياة انصحك بصرف النظر عن الارتباط به وانهاء علاقنتك به تماما وربنا بيكرمك ويعوضك بخير منو ان شاء الله تعالى