انا حبيت واحد اكبر مني تصرفاته وكلامه ونظراته وكل حاجة خلتني اقع ف حبه بدأ هو يكلمني وشوية بشوية اهتمامه بيزيد وحبه ليا بيبان وبعدين اعترفلي بحبه بس ف نفس الوقت قالي حاجة عمري ماكنت اتوقعها قالي انه كان متجوز قبل كده لمدة سنة وطلقها عشان حصلت بينهم مشاكل انا اتصدمت طبعا بس عشان حبيته من كل قلبي قولتله انا هكمل معاك وننسي كل الماضي واني معنديش مشكلة وهحارب الدنيا كلها علشانه ولو اهلي موافقوش هحاربهم وهنبقي لبعض مهما حصل المهم كملنا مع بعض وفضلنا نحب بعض لمدة سنة وبعدين فاجأة لقيته اتغير 180 درجة مش هو ده الانسان اللي كنت بحبه ابدا لقيته بيتجاهلني وبيتعصب عليا وبيحاول يستفزني اكلمه ميردش عليا ويقولي كلام يجرحني لحد ماقالي انا مش هنفع ليكي انا عندي مشاكل وحياتي متلخبطة ومش هينفع اكمل معاكي انا قلبي اتكسر بجد بسببه انا حبيته اكتر من نفسي وكنت بساعده ف شغله وكنت حنينة عليه وكنت بحاول دايما افرحه انا مش عارفة اعمل ايه حاسة اني تايهة وتعبانة نفسيا حاسة اني لوحدي ومش قادرة اثق ف حد تاني ومش حاسة بالامان حاسة اني خسرت نفسي وكل حياتي ساعدوني لو سمحتوا انا انتهيت والله ونفسي اموت وارتاح
للاسف انت الغلطانة جدا في علاقتك مع هذاالشاب وتعرفين انها علاقة محرمة وغيرصحيحة ومع ذلك مستمرة فيها ضاربة بسمعة اهلك وكرامتهم عرض الحائط هل دي تصرفات الفتاة المحترمة المتربية لا والف لا وانما الشيطان المتمثل في صورة هذا الشاب الواطي السافل هي من اغواك وزين لك افعالك المحرمة والغير اخلاقية استطاع هذالسافل اللعب بمشاعرك الرقيقة وعواطفك واوهمك بالحب المزيف والكاذب وعندما راى انك متعلقة فيه وتريدي الزواج منه تهرب منك وتحجج باعذاره الواهية لانه لايريد الحلال وتحمل المسوولية من زواج الى اخره وكل غرضه التسلية معك فقط ويتخذك عشيقة له هل ادركت الان الحقيقة وعرفتيها ام لاتزال في غيبوبة لن تفوقي منها الا بمصيبة كبرى احمدي الله انك ماتورطت معو في شي ولافرطت في شرفكي والا كانت وقعتك سوداء كالليل الدامس توبي لربك واستغفريه واقطع علاقتك بهذا الوغد الخبيث نهاية وللابد واياك والتفكير فيه مرة ثانية انسيه خالص ولعاد تعطي قلبك لحد مهما كانت الظروف وتاكدي ان ربنا بيكرمك ويعوضك بحسن منو الف مرة هتلاقي نصيبك مع ابن الحلال الصالح اللي يستاهلك ويقدرمشاعرك ويصون كرامتك ويسعدك طوال حياتك