مشاكل الحب والزواج

افضل مستنياه ولا اتجوز واشوف حياتي

انا عندي 25 سنه كنت مخطوبه وانا في 3 ثانوي لواحد كان بيحبني جدا وهو كان قريبي وكان عندي في البيت رافضينوا تماما عشان ظروفه الاجتماعيه سيئه للغايه وكان كل مايترفض يتقدملي تاني لحد ماتقدملي 16 مره انا اعترضت علي رفضهم ليه وقولتيلهم انا موافقه وعمري ما هالاقي حد يحبني للدرجه ديه واتخطبتيلوا وجبت مجموع كبير في الثانويه ودخلت الكليه اللي انا بحلم بيها ولقيتوا بعد كده اتغير معايا والغيره ظهرت أوي لانه اقل من في التعليم وطلع كلام أهلي كله صح وفسخت الخطوبه وعشت بعدها فتره عصيبه جدا لحد ماقبلت زميل ليا في الكليه أدب وأخلاق وثقافه زي ماكنت بتمني بضبط حبيته بجد وكان ده الحب الحقيقي بالنسبالي وهو كمان حبني جدا وكان دايما بيقولي أنا عمري ما هالاقي حد يحبني ويخاف عليا زيك كده بس كان كل مايحس اني في حد متقدملي يبعد عني ويسبني مع ان انا والله انا ماكنش بقوله لاني عارفه ان ظروفه في الوقت ده ماتسمحش انه يتقدملي فامكنتش عايزه احسسه بالعجز وكان بيستني حوالي شهر ولما مش بيلاقي اي حاجه حصلت كان بيرجعلي تاني وعلي فكره كان كل ده في صمت انا وهو لاننا كنا فاهمين بعض اوي وانا كنت بحس بيه جدا فضلت معاه لحد ماخلص دراسته واخد تاجيل كمان من الجيش واشتغل وفؤجئت بواحد زميلي بيتصل بيا وبيقولي ان خطوبه حبيبي بكره اتصدمت جدا بس الحمد لله صمدت وكلمه كمان عشان ابريكلوا لقيتوا بيرد عليا عادي جدا استفزني روحت سئلته امال انا كنت ايه بالنسبالك قالي مش عايزك تفكلري في اي حاجه دلوقتي وفي الوقت المناسب هاقولك علي كل حاجه انا مقدرتش وكرامتي ماسمحتليش قولتيلوا مايكلمنيش تاني وكنت خلاص رضيت بالامر الواقع فجؤت بيه بيكلمني بعد خطوبته بيومين وبيقول انو بيحبني انا والخطوبه دي كانت غصب عنه وانوا كان مش عايزني اعرف خالص لحد مايفسخ الخطوبه كمان وبفضل يزن عليا لحد ماضعفت وصدقته وفعلا في اقل من 3 شهور فسخ خطوبته ورجعنا لبعض ووقفت جنبه لحد ماوقف علي رجليه وجاب الشقه وربنا كرمه بشغل كويس جدا كمان ودلوقتي احنا بعيد عن بعض ولما بنشوف بعض بالصدفه مع اصحابنا لاننا كنا جروب واحد بنتعامل اقل من الزمايل وكل لما انا بتصل بيه بيتهرب مني ومش بيرد عليا خالص من سنه فاتت ومش عارفه اعمل ايه مش قادره اتخيل حياتي من غيره رغم انوا مايستهلنيش لانه مش عارف يحافظ عليا ولا قادر يعرف قيمتي
استحلفكم بالله ساعدوني عشان افوق من اللي انا فيه افضل مستنياه ولا اشوف حياتي بقا وافرح اهلي بيا

مشاكل وحلول ذات صلة

اضيف بتاريخ: Sunday, May 13th, 2018 في 07:37

كلمات مشاكل وحلول: , , , , , ,

2 رد to “افضل مستنياه ولا اتجوز واشوف حياتي”

  1. ابوالبتول
    13/05/2018 at 13:32

    انت للاسف ماتعلمتيش من التجربة الاولى اللي حصلتك ومصرة على الاستمرار في الخطا بلا عقل ولاتفكير ولاصونا لكرامتك وكرامة اهلك ليه يابنتي تعملي كلدا في روحك وانت ماشاءالله عليك بنت محترمة ومتعلمة جدا وزي القمر والف من يتمناكي ياست البنات هل من قلة الشباب ام ايه اللي جرى لك لازم تتزوجي وتشوف مصلحتك ولاتستنى الشخص ده وانت قلتيها انو مايستاهلكيش ولايقدر يحافظ عليك ولايعرف قيمتك وربنا بيكرمكي بحسن منو بابن الحلال اللي فعلا يستاهلكي ويقدركي ويصون مشاعركي ويسعدكي العمر كله

  2. Dr-aaa
    13/05/2018 at 13:24

    شوف حياتك وانسيه،،الي باعك بيعه،،فوق لوتسمح والا حتدفع الثمن من عمرك

اترك رداً أو حلاً لهذه المشكلة