ابن خالى عايز يخطبنى وانا من القاهرة وهو من طنطا انا صحيح لسة ماحبتهوش بس شايفة انة شخص مناسب لى بس المشكلة انى هاعيش مع والدتة يعنى شقة العيلة ومافيش يعنى اختة تيجيى فى اي وقت او اخوة ما اقدرش اقول حاجة ماهى شقتهم وكمان الشقة مش اد كدة بس لا يوجد امكانيات يجيب شقة وانا نفسى فى شقة مستقلة كفاية انى هاروح طنطا وانا كان نفسى اعيش فى القاهرة بس انا مش عايزة اخسرة لانة كويس
اولا- ربنا يبارك لكم ويتمم لكم بالخير ان شاء الله ثانيا – الحب الحقيقي ياتي بعد الجواز لازم تعرفي الشئ دا ثالثا- مافيها حاجة لو عشت مع خالتك في شقة واحدة هي زي امك والا عايزه الشاب يسيب امه تعيش لحالها جرى لك ايه يابنتي رابعا – انت واخذة فكرة وحشة عن مدينة طنطا واكيد ماشفتيها ولاتعرفيها لمعوماتك طنطا بقت من اكبر المحافظات في مصر واهلها ناس طيببن جدا ولافيها زحمة زي القاهرة واجواؤها حلوة جدا وبها كل الخدمات والمرافق الكبيرة التي ماتقلش عن اي محافظة ثانية استهدي بالله وماتخربيش على نفسك طالما انو الشاب ابن خالتك يحبك وكويس وشاريك بالغالي