انا فى جامعة السنة الثالثة كنت بحب واحد قريبى ظلينا نحب بعض من خمسة سنوات علمنى ازاى احب واول كلمة وبختصار سبنى بعض من سنوات ورغم معرفتى ان ابن عمى الاخر بيحبنى من زمان وبالفعل تقدم لخطوبتى ولكن انا كنت معترضة هذة الفكرة مش عارفة السبب الوحيد لكن هناك احاسيس واسباب كثيرة وهو حاصل على دبلوم وفى الارياف لكن انا متاكدة انة بيحبنى اوى واهلة كمان وبالفعل اتخطبت وفسخت الخطوبة بعد اسبوع لية حسة انى مش قبلاة هو كويس وطيب وبيصلى وخجول لكن اسلوب الكلام مش قد كدة وبيشتغل ويعيشك فى مستوى حلو ولكن كنت فرحانة انى سيبتة ولكن من كام شهر فكرت فية لية مش عارفة ولسة عارفة انى عمى جالة جلطة بسببى عارفة انا حاجة كبيرة اوى عندهم انا لم احاول حتى اعطاء الفرصة لبعضنا مش جريء والان بيحاول يتكلم معاية شوية احس انى بحبة وقول لنفسى انى بحبة وشوية احس انى مش متخيلة انة يبقى جوزى رغم متاكدة انه تحسى هاين علية يفرش الارض ورد لكن محتارة لية اصل انا عاملة قمع لعواطفى انا اعطيت عواطفى لحد مرة واحدة وفشلت ظل عندى احساس انى لا عاوزة حد يحبنى ولا انا احب حد بفكر فى دراستى وبس لكن نفسى حد يحس بية قبل ما اتكلم بصراحة هو بيستحملنى اوى حد غيرة بعد اللى انا عملتة ما يحاولش يكلمنى تانى لكن محتارةآخذ قرار وخايفة ادخل واحس نفس الاحساس تانى وبذلك اكون ظلمتةوانا مش كدة اعمل اية
مشاكل الحب والزواج
فسخت الخطوبة لكن رجعت افكر فيه
اضيف بتاريخ: Sunday, July 17th, 2011 في 15:40
كلمات مشاكل وحلول: الخطوبة, مشاكل الحب, مشاكل الحب والزواج
فكرى كما تشائين قبل اتخاذ اى قرار لان دة اختيار شريك عمر ولا رفق فى طريق يدوم لساعات
اختى العزيزة انا مرت بنفس التجربة منذسنين ولكن كان ابنه خالتى والان انا والحمد لله متزوجه منه واصبحت احبه اكثر من نفسى ورزقت باحلى شى بنتين زى العسل ولكن المشكلة انه كلامه قليل معى ولكن انا صليت استخارة وكان هو نصيبى والله المستعان
أنا راي تاخدي فترة تفكري فيها بعقل وتبعدي عن اي شي ممكن يضغط على قلبك وعقلك
انتٍ تفكيرك مشوش عشان التجربة الأولى اللي مريتي فيها
حبيبتي استخيري رب العالمين وما في حد بعرف الخير الك قده
واذا انتٍ شايفة انه أسلوبه بالكلام والتفكير مش بناسبك ولا حتى قادرة تتأقلمي معه افسخي الخطبة بس مش عيب انه يكون معه دبلوم بس اول شي خدي فترة نقاهة وحاولي تستعيدي توازنك واستخيري متل ما حكيت الك واذا شفتي الأمور بتييسر اعرفي انه هو خير الك ولا تخلي تفكيرك بس انه هيعشيك مستوى عالي فكري بعقلك اذا هتكوني سعيدة معه او لا
والله معك ويوفقك لكل الخير يا رب
اختى
انتى الفكره عندك مش انك مش عاوزه تحبي تانى
الفكره عندك ان مفيش حاجه في شخصيته جذبت ليه
انتى ذات نفسك لو شفتى واحد لبق في الكلام ومش خجول ووسيم ودمه خفيف ومحترم
اكيد هتعجبي بيه هو شكله بيحبك وانتى مش قادره تتقبلى الموضوع لانك شايفه ان الموضوع
جه مره واحده وانه بيحبك من قبل ما يكلمك
ممكن اقولك انك عاوزه حد يحس بيكي الاول ويقولك مشاعره واحساسه نحيتك
وبالطريقه دي هتحبي تانى اكيد
بس اقفي مع نفسك وفكرى كدا
:: في حد بيحبنى
في حد مش ههين كرامتى
في حد مستعد يعمل اى حاجه عشانى
في حد هيراعي ربنا فيا
مش مهم هو دبلوم والله بتوع الدبلوم رجاله عن بتوع الجامعه
وبيعتمدوا ع نفسهم ومفهمش عيال سيس كتير زى الجامعه
بس نصيحه منى
خساره تضيعي من ايدك حد بيحبك بجد
وفي النهايه القرار ليكي
ربنا يوفقك