انا عندي 16 سنه بحب واحد واهلي عرفم اني بكلمه وسبته وبعدين رجعتله تاني وبعدها اهلي عرفم سبته ورجعتله تاني وحاسه بالذنب وقلتله يتقدملي ووافق بس اهلي مش موافقين انا عاوزه نتخطب بس عشان ما اعملش حاجه من وراهم ونتجوز لما اخلص بس مفيش فايده رفضين تماما اني اتخطب وانا صغيره هو طلب نتجوز عرفي وانا نفسي اهلي يوافقو اعمل ايه انا احبه بجنون وما اقدرش اسيبه واحب اهلي بجنون وما اقدرش اخدعهم ؟
مشاكل الحب والزواج
رفضه اهلي وطلب نتزوج عرفي
اضيف بتاريخ: Friday, July 22nd, 2011 في 17:56
كلمات مشاكل وحلول: مشاكل الحب, مشاكل الحب والزواج
طيب انا عايزة افهم حاجه لما طلب منك الجواز العرفى قالك انه مش هيمارس معاكى حاجه طب ايه لازمة الخطوه دى عنده وايه اهميتها مدام هو مش ف نيته يقربلك هو ف الاول لازم يقولك كده عشان تطمنى وتوافقى وبعدين هيقولك انتى مراتى وده حلال وانه ده من حقه من الاخر ده مش محترم لو انتى اخته مش هيقبل عليكى كده ولو بيحبك هيستناكى وهيحافظ عليكى ابعدى عنه احسن لانك لو استمرتى تكلميه هتضعفى وممكن توافقى وساعتها بردو هتبعدى عنه بس غصب عنك لانه بعدها مش هتشوفى وشه تانى اتقى الله ف نفسك وف اهلك وربنا يهدى الجميع
يا جماعه هو قالي انه كده بيعصي ربنا وهبسال اذا كان حرام ولا حلال ولو حلال مش هيمارس معايا حاجه
وللعلم مفيش حاجة اسمها حب زي ما البنات فاكرين خالص
الحب لا يكون إلا لله أو في الله
يعني أنا بحب شخص علشان متدين أو أخلاقه حلوة
ده الحب اللي هيدوم لأنه هيخليني أحترمه على طول وعمره ما هيغلط فيا ومش هيظلمني
إنما لو بحب شخص علشان شكله كويس أو غني أو قوي أو بيقول كلام حلو يبقى ده وهم وهم وهم
لأن لو أخلاقه وحشة مع أول خلاف بينا هيظهر على حقيقته وحبي له هيتحول كراهية
فوقوا يا جدعان قبل ما تكونوا عبرة زي كتييييير من بناتنا اللي بنقرأ لهم وبنحاول نساعدهم وربنا يهدينا ويهديهم
على فكرة شرعيا وقانونيا البنت ينفع تتجوز بدون موافقة أهلها..
بس في حالتك دي أنا منصحكيش بكده لأني شايف إن أخلاقه وحشة جدا جدا
وبكرة هتعرفي إن أخلاقه مش كويسة لأنك لسه صغيرة وساذجة جدا جدا
أنا آسف إني شديد في اللهجة شوية على خلاف طبيعتي لكن فعلا أنتي عايزة حد يشد عليكي شوية
أنا رأيي تتجوزيه عرفي أحسن حل فعلا
عارفه ليه
لأنه بعد كده هيظههر على حقيقته قدامك
وهتعرفي إنه كان بيخدعك
وطبعا هيزهق منك مهما كنتي بتحبيه أو كنتي جميله
وهيقول لنفسه أنا عايز واحدة تانية زهقت من دي
وأنا عارف أنا بقول ايه لأني شاب زيه،، بس طبعا مش زيه في الأخلاق،، لأني مقبلش إني أكلم واحدة من ورا أهلها ولا أتجوز واحدة عرفي
وطالما طلب منك الطلب ده قدامك حلين
تبيعي نفسك لشهوتك وتوافقي وتدمري حياتك وبإذن الله تدخلي النار كمان لأنك ممكن تنتحري بعد كده
أو ترفضيه وتبعدي عنه نهائيا إلا لو أهلك وافقوا عليه
بصي ياقمر
اولا انتي لسه صغيره ممكن مشاعرك تتغير ويكون حب مراهقه لاني كنت زيك كنت بحب واحد لمده5سنين وكان كل حاجه عندي واهلي عرفوا ورفضوا وانا كنت بعند واكمل معاه لغايه ماحسيت انه مش عايزني علشان شخصي وعايزني لحاجه تانيه وبردوا كان عاوز جواز عرفي بعد كده انا سبته وهو لسه لا عمل حاجه ولااي خطوه ايجابيه وانا نسيته او بمعني اصح حبيت شخص تاني احسن منه مليون مره مش ماديا لان مش ده المهم انما اخلاقه وشخصيته وحبه وخوفه عليا اهم حاجه الخوف عليكي
بس اسألك سؤال اخرت العرفي ده ايه؟كلنا عارفين انه حرام اصلا
بس بعيد عن كده اصلا اهلك رافضين من دلوقتي تقدري تقوليلي هتخبي العرفي لغايه امتي ولما يعرفوا هيبقي شكلك ايه قدامهم
انا معاكي اكيد هيجوزكي رسمي بس هتخسري اهلك والدنيا كلها ورضا ربنا
وعلي فكره هتخسريه هو كمان وهتكرهيه علشان كل ماهنحصل مشكله بينكوا مش هتلاقي حد يقفله وهيعيرك باللي حصل وممكن يسيبك علشان انتي خنتي اهلك وممكن تخنيه
المهم فكري في كلامي كويس واوعي تخسري اهلك مش مهم استحملي سنه ولا اتنين وعرفيه انا بحبك وعايزاك بس مش عايزه اخسر اهلي وهستناك ونحاول تاني معاهم وشوفي رده ايه لو وافق يبقي بيحبك وهيستحمل عشانك لو رفض يبقي تدوسي علي قلبك وتسبيه فورا
ازاكان بيحبك لازم يضحي علشانك ويخلصلك ويحافظ عليكى وعمرو فى حياتو ما يعمل حاجة تخسرك نفسك وتخسرك اهلك ومن اتا بسهولة ضاع بسهولة واتقى اللة فى نفسك وفى اهلك
بصى يا عمرى انا من سنك بس خذيها منى نصيحة انتى فى سن مراهقة لا اكثر و هتكبرى و تعقلى و يجيلك ابن الحلال اللى يحبك و يصونك مش و احد عايز يفضحك و يخليكى تجيبى مصيبة لاهلك لو بيحبك هيستناكى و لو لاخر العمر لكن استعجاله ده مش مريح ربنا معاكى
بصى ياقلبى انا انا والله عندى 23 سنه ولما كنت فى سنك حبيت واحد وكان بالنسبه ليا بعد ربنا بس والله دى مراهقه اللى انتى فيها لانك اول مره تحبى بس ده مش حب لانى جربت وكنت بقول ان الشخص ده بالنسبه ليا حب بس الحمد لله اخدت النصيحه من اقاربى بالابتعاد عنه لانه عمل زى حبيبك وقالى كده نتجوز عرفى
تتجوزى ازاى واحد صغير مثلك وفى المراهقه مش ممكن يسبك بعد ماتتجوزه بشهر يكون زهق بصى نصيحه منى انتى لسه صغيرة وانشاء الله ربنا يكرمك بابن الحلال اللى اهلك يوافقه عليه وعلى فكره فى مثل بيتقال اللى مش يسمع كلام كبيرهيشوف ايام سؤداء واهلك كبار واكيد عارفين مصلحتك استهدى بالله واعرفى مصلحتك
بص ياروحي انا في نفس الموقف بس حبيبي اهلو هو الي ميش موفقين عليا بس انا عمري مهجوز عرفي انتي اصبري واكيد لو بيحبيك هيعمل المستحيل وخلي جوزيك قدام اهليك احسن علشان كرميتك وربنا معاكي وانا والله حسا بيكي
لا اوعى تعملى كده علشان ده اكبر غلط وحوالى تقنعى اهلك بىه وربنا يوفقق
بصى ياحبيبتى انا والله من سنك واقدر احس بالانتى بتحسى بيه نبدا باولا حاجه اهلك دول بيدورا على مصلحتك اكيد هما اللى ولدوكى وربوكى وكبروكى وجه دورك انتى مينفعش تطلعى نكره للجميل وادام هما ماوفقوش يبقى دا فى مصلحتك واقولك الصراحه انتى لسه صغيره اوى على الارتباط وخليكى اتمتعى بشبابك وهتحسى بالفرق لما تكبرى ثانيا ادام هو طلب منك الزواج العرفى يبقى مبيحبكيش خالص لانو لوبيحبك ماكنش قب ليكى باى ضرر وقال الله سبحانه وتعالى انا الزواج شرط ان يكون امام الناس كلها مش فى الضلمه انا زى اختك وحسه بيكى سبيه لانه ميستهليكيش ومصيرك هتلاقى احسن نه كتير ومصيرك هتحبر تانى وتالت لغايه متلاقى الانسان المناسب اللى هيرعاكى والله انا بقولك كده عشان خايفه عليكى وعشان مصلحتك ولازم تقولى لاهلك وسيبك من الحاجات دى دلوقت وفكرى فى مذاكرتك ومستبقلك واتمنالك الافضل ان شاء الله
لا ماينفعش تتجوزى عرفى
اولا: حرام
ثانيا:هو مابيحبكيش لانة عايز يتجوزك عرفى
لو كان بيحيك حيستنى لحد لما تيجى الفرصه ويتقدملك ويعيشك احلى عيشه صدقينى .. لكن بدال طلب عرفى ده بايعك وبالرخيص كمان .. انا اللى مستغرباه انه اتقدم وانه فى السن ده .. مع انى فى سنك والولد اللى معجب بيال محتار يقولى ازيا بحبك ومش عارف يقولهالى والأغرب انه بعد ما اتقد ودخل البيت من بابه عايز يدخله من الشباك .. طب ليه ما اعرفش .. ونصيحه .. اوعى تقبلى حاجه زى كده حتندمى ندم فظيع جدا جدا جدا
حبيبة قلبى اناعارفة ان الموقف صعب عليكى شوية اهلك وحبيبك بس بلاش تعملى حاجة ترجعى تندمى عليها وخلى كل حاجة قدام الناس والعالم وهو لو بيحبك هايعمل المستحيل عشان اهلك يوافقة مع السلامة
عزيزتي :
اول حاجة مفيش حد يحب حد ويطلب منه انه يخدع اهله ويضحك عليهم ويعمل حاجة من وراهم ومش اهلك رفضوه يبقي مش مناسب ليكي وهو لو عنده اخت مش هيوافق طبعا انها تتزوج عرفي انصحك ان تساليه لو عندك اخت ترضي انها تتزوج عرفي وشوفي رضه وتقربي من الله اكتر وقولي لأهلك انه طلب منك تتجوزوا عرفي لأنك لو مش قولتلهم دلوقتي هتندمي بعدين………
اعدي فكري مع نفسك قولي دا واحد مش خايف عليا وبيجرني للرزيله وعايزني اعمل حاجه وحشه وعيبه ف حقي وف حق اهلي صدقيني دا حد مش بيحبك مهما قالك انه بيحبك واسمعي كلام اهلك لانهم هما ادرا بحياتك وهما لفوا وشافوا وتاكدي ان مفيش حد بيخاف عليكي ادهم ولو دا بيخاف عليكي وعايزك ليه ادام الناس هيجيلك مره واتنين وعشرة ويعمل المستحيل عشان اهلك يوافقوا .انتي بقي ارفي اللي هو عرضه عليكي وقوليله عايزني اعمل المستحيل ومش تكلمي ف السر زي ماالاخ الفاض اللي قبلي قال لانه كدا مش هيحترمك لانك مش احترمتي اهلك ولا احترمتي نفسك .وربنا معاكي
انسيه لو هو بيحبك فعلا عمره مايطلب منك زواج عرفى
عاوز اقولك ان الشخص ده مش بيراعى ربنا فيكى لانه مفيش حد بيحب بجد ممكن يقبل لحبيبته كده ده كده بيهينك بصى مهما كنتى بتجبيه ده اسمه زنا مفيش حاجه اسمهاجواز عرفى ف الاسلام الشخص ده لو بيحبك مكانش يقبل انك تخدعى اهلك اللى بيحب بيهمه مصلحه اللى بيحبه قبل مصلحته وده لو بيحبك بجد هيبعد عنك خالص لحد ما ييجى المعاد المناسب ويتقدملك بزمتك اللى بيقول انه بيحبك ده يرضى لاخته انها تتجوز عرفى اتحداكى اذا كان يقبل حتى ان اخته تكل شاب بدعوى الحب او غيره الشخص ده مش بيحبك لانه مش خايف عليكى
هل تتوقعى انة بعد مايتجوزك عرفى وياخد الى هوة عايزة هيكمل معاكى اكيد هيقول مش هية دى الى تكون امينة على عرضى وعاى ولادى فى غيابى والا ماكانتش فرتت فى نفسها باللة عليكى تحافظى على شرفك لان هذا هو كل ما تملكى وابعدى عنة انا حاسة بيكى وعارفة قد اياة مجرد التفكير فى كدة بيقتلك لكن انتى قربى من ربنا ومش هتندمى ابداواذا تركتية من اجل اللة سوف يعوضك اللة باحسن منة وتذكرى انة لا يفيد البكاء على اللبن المسكوب هنتظرك ترضى علية وعلى اخوانك وتقولى انك فضلتى اللة على الولد دة وعرفية انة لو بيحبك اكيد هيستناكى حتى اخر العمر لكن فى الحلال امام كل الناس حتى لا ياءتى يوم ويعايرك وتذكرى انة مافيش راجل لة امان ابدا ابدا ابدا
ممكن تستنى شوية وكلمى فى السر مع نسكم وكل حاجة عايز صبر وكمان انتى صغيرة اوى وخليكى مع اوى تسبى
صغرتي السائلة
لا ادري هذا الصغير الذي احببته تفكيره سابق سنه بكتير ((عرفي))!!!!
في عمر الزهور ورود بتتفتح نقوم نسحقهاباسم الحب.
هوني على نفسك فاعتراضي واعترض اهلك لانك مازلتي صغيره ولا ادري ستسوعبي حلي وراي ام لا
الدراسة ثم الزواج
لا تستبقوا الحب فالحب ياتي بعد الزواج الشرعي فقط
لك من قلبي الدعاء…
طلبه ده يدل على انه بردوا عيل بصى هو لو بيحبك حقيقى يستنى عليكى شويه يعنى سنتين كمان يكون عندك 18 سنه ويا ترى سبب رفض اهلك انك صغيره وبس ولا فيه سبب ثانى اصل لو كان السبب انك صغيرة كان ممكن يخطبك او يقرا فاتحه وتمدوا فى الخطوبه براحتكوا لكن واضح ان ده مش السبب الحقيقى على العموم اوعى ترتكبى الجريمه دى فى حق نفسك وتتجوزيه عرفى لانك لو عملتى كده يبقا كلها سنه ولا اتنين بالكثير وحتبعتى مشكلتك لنفسك الموقع بس بمصايب كبيرة يعنى تكونى حامل ومش عارفه تعملى ايه او انه زهق منك وسابك او انه قطع الورقه العرفى ومعترفش بجوازه منك او ان اهلك جابولك عريس مناسب وظاغطين عليكى وانتى مش عارفه تقولى لهم ايه ومشاكل ثانيه كثير وغير ان اهله لما يعرفوا ان ابنهم اتجوز عرفى حتبقى صغيرة اوى فى عينيهم يضغطوا عليه انه يسيبك غير ان الزواج الصح الشرعى لازم يكون فيه ولى امرك وشهود واشهار غير كده ميبقاش زواج انتى ترضى لنفسك كده ؟
اياك تتجوز بدون ما تعمي أهلك بعدين انتو لساتكن صغار ابئو مع بعض لحتى توصل لسن الزواج ولما توصل أهلك بيقبل
بصى نصيحة وبقولهالك قال عرفى يبقى كان بيتسلى بيكى واتقدملك اثبات ذات مش اكتر يعنى جه واتقدملك عشان عارف ان اهلك هيرفضو لان واحده فى السن ده مستحيل اهلها يوافقو ترتبط وبعدين هترخصى نفسك لو اتجوزتيه عرفى وكمان لا هتطولى سما ولا ارض اهلك لو عرفه انك اتجوزتيه بالطريقة دى يا هيروحو فيها يا هيتبرو منك يا هيموتوكى وكمان هتلاقى العيل السيس بتاعك ده هرب وجرى يلعب بواحده تانية وكله هيجى على دماغك انسى بقى واعقلى واركزى بقى واسمعى كلام اهللك عشان تكسبى وكفاية بقى كلام معاه عشان سمعتك يا حبيبتى
اياكى والجواز العرفى ده زنا عرفى ولو اتجوزتيه هتندمى وهتخسرى كل شيئ غير انه اصلا حرام وختحطمى حياتك بايدك ولو اتجوزتيه عرفى هيلاقيكى سهله وهيضحى بيكى استغفرى ربنا وابعدى عنه وواصبرى انت لسه صغيره ومشاعرك متارجحه
جره ايه يا بت ما تتلمى ال عرفى ال طب كنتى تقوليلى اشهد على العقد وبعدين هو لو مش واطى مكنش طلب منك كده وكان استناكى لحد ما تخلصى دراستك ده شكلو نايتى وبياكل نايتى كتير لمو نفسكووووووووووو بئا ايه شغل **** اللى انتو فيه ده بكرى ياختى تتجوزى وتتلأحى فى خلقه جوزك وانتى مش طايقاه اسألينى انا يا حبيبتى امشى انجرى سديتى نفسى اعوذ بالله من الخبص والخبائس
طالما نطق كلمه العرفى يبقى مستحيييييييييييييييل يكون بيحبك
إوعي يا بنتي تعملي حاجة زي كده عرفي إيه!!!!وبعدين إنتي لسه صغيرة ولو بيحبك قوليله يصبر ويحاول تاني مع أهلك لحد لما يوفقوا مع إني شايفه إن أكيد أهلك صح……
اللى انتى فيه دة مراهقة مش حب حولى تبعدى وسهل انك تسيبه لكن مش سهل تسيبى اهللك وانتى لسة صغيرة والعمر قدامك اكيد شايفن اهلك حاجة فيه متنسبكيش اسمعى كلمهم حرام وايه عرفى دى اوعى تعملى كدة عشان هتخسرى كل حاجة اهللك ونفسك ربنا يهديكى ويعدى سنك على خير………..
لا طبعا متوصلش للعرفى انتى لسه صغيرة واهلك عندهم حق طبعا ومينفعش تخرجى عن طاعه اهلك عشان واحد انتى بيتهيالك انك بتحبيه واكيد هما ليهم خبرتهم ف الحياه ومش عايزين ليكى حاجه وحشه انتى لسه صغيرة واكد مالكيش خبرة خالص المهم اوعى تسمعى كلامه كدا هتضيعى نفسك وسمعتك وشرفك واهلك وهتغضبى ربنا وادام هو قالك نتجوز عرفى اعرفى انه مش بيحبك ولا عمره هيحبك
حبيبتي اهلك معاهم حق
انتي لسه صغيره و مينفعش تتخطبي دلوئتي….و الجواز العرفي حرام طبعا و لو اتجوزتي عرفي هتبئا دي غلطة عمرك اللي هتندمي عليها طول حياتك
حاولي تركزي في دراستك و مستقبلك احسن..و لو هو بيحبك هيستناكي لحد ماتخلصي
اوعى تتجوزى عرفي وابعد عنه عشان اهلك مش موافقين
اهللك ثم اهللك ثم اهللك هو احنه لو توهنا بنروح لمين طبعا لله ثم للاهل وانتي في سن المراهقه وليكي حياه طويله اوي والله يااختي بالرغم من اني عمري18سنه يعني لسه بسن المراهقه بس والله اتمنى لو اني عمري مرتبطت بأي حب ولاتعلقت بأي حد لان يوم عن يوم بعرف نفسي اني كنت غلطانه وكنت فقط مجرد اعجاب مو حب بدليل نسيت الماضي بسرعه والله شاهد مفيش اي حب الا بعد العشرين عام ع الاقل البنت والشاب بيكونو ناضجين وحته اني في شاب بيحبني وعاوزني دلوقتي وبيعرف بابا وحاسه اني بحب دلوقتي بس والله بحس بنفسي مو حب بس مجرد اعجاب فيااختي سيبك من نار الحب واضراره لان بسن المراهقه مفيش اي حب واوعي تخسري اهلك همه سندك وادعيلي الله يهديني وكل بنات المسلمين اختك من العراق