مشاكل الحب والزواج

الظروف ممكن تقف قدام الزواج و الحب

انا وحبيبي بنحب بعض باجمل معانى الحب بقالنا ست سنين وهو محافظ عليا زى عنييه وانا بعشقه واهله عارفيين قصتنا ومبسوطين بيا لانهم عارفنى وعارفين اهلى انهم ناس كويسيين , احنا فاضلنا سنتين ونخلص دراستنا هو فى كليه تجاره وانا فى احد فروع الطب بس المشكله انه معندوش شقه وعنده جيش بعد الكليه ولسه هيدور على شغل يعنى باختصار المشكله انى خايفه يتقدملى اى عريس وبالفعل اصلا اتقدملى ناس كتير بس بابا بيرفض عشان لسه بدرس وخايفه اخلص ويتقدملى حد قبل ماحبيبي يجهز ويتقدملى وانا مقدرش اقف قدام اهلى او اتجوز غصب عنهم لانهم معيشنى احسن عيشه ومش معقول دا هيكون رد الجميل منى ليهم
بالله عليكم تقولولى اعمل ايه احنا منقدرش على بعد بعض ابداا

مشاكل وحلول ذات صلة

اضيف بتاريخ: Friday, August 12th, 2011 في 00:44

كلمات مشاكل وحلول: , , ,

14 رد to “الظروف ممكن تقف قدام الزواج و الحب”

  1. الفهدالاسود
    01/04/2016 at 15:08

    مع خالص احترامي لك فانت فتاة تفكيرك منطقي وعقلاني لكنني عاوز اخبرك ان الحياة تتطلب منا التعايش على الامر الواقع ولا نظل نحلم او نفكرقي حاجات علمها عندالله وهي من علم الغيب اذاكان الشاب بجد عاوزك وصادق في الارتباط بك يتقدم لااهلك ويخطبك رسمي والزواج بعدما تخلصي انت دراسة وهويكمل خدمة في الجيش وده من وجهة نظري هوالحل المناسب لكم وصدقينى انو الاهل لن يغصبوك على شي لاتريدنه ابدا بالعكس عاوزين سعادتك دام انك تحبي الشخص ده ومتعلقة فيه دافعي عن حبك ولاتتخلي عنه ابدا والله يتمم لكم بالخير ويسهل عليكم كل الامور والصعاب في حياتكم

  2. ابواميرة
    04/01/2013 at 16:55

    دي اغلب مشاكل الشباب والبنات في الزمن داهولويحبك بجديتقدم لابوك ويخطبك رسمي والزواج لابعد ماتتخرجواويتوظف ويكون عمل له قرشين ينفعوكم في الزواج وكل حاجة بالتساهيل وتاكدي ان هذاهوالصح لابدمن الخطوبة الان واللي فيه الخيريقدمه ربنا وفقكم الله وجمع بينكم عل الخير

  3. نورا
    22/08/2011 at 18:43

    ك ربنا بيدى لكل واحد حقة ونصيبة وخليكى معاة

  4. constaranit love
    19/08/2011 at 16:09

    األى الاخ اسامه توحيد ان معظم الشباب الظروف تمر بهم الى هذا الموقف ونأتى ونقول الحياه اليس هناك أمل ف الحياه قال الله عزوجل ( ولا تنسى نصيبك من الدنيا ) ولابد من الحب والتضحيه والتفائل قال النبى صلى الله عليه وسلم (يشروا ولا تنفروا )

  5. لول
    18/08/2011 at 12:22

    انا كنت في نفس المشكلة دي بس هوا اتقدملي وخاف اضيع من ايده وخد الجيش وهوا خاطبني بس بابا وافق عليه لما عرف اني بحبه اكتر من روحي ربنا يوفقك وتاخدي اللي انتي عايزاه عشان الحب اللي بجد هو اللي بيبقي مبني علي التضحيه

  6. نورهان
    17/08/2011 at 23:37

    على فكرة دى مش مشكلته هو لوحده لا دى مشكلة شباب مصر كلهم و انتو لو بتحبوا بعض هتصمدوا ى النهاية لو رر بنا كاتبلكم نصيب ى بعض هتكونوا لبعض اكيد انت تكلمى باباكى و تقولى له على الشاب ده بدل ما تفضلى تر فضى فى غرسان و خلاص و حاولى تقنعيه و من الناحية التانية شجعى حبيبك و كونى جانبه و هو هيعمل عشانك المستحيل حتى عشان يرد وقفتك جنبهو لما تتعبوا ربنا هيجازيكوا ببعض ان الله لا يضيع اجر من احسن عملا

  7. Osama Tawheed
    16/08/2011 at 19:06

    اختي : تعالي نتحدث سويا بواقعيه شديده مع احترامي لكل مشاعر الحب النبيله التي بينكم … ولكن كل شئ يحتاج لمن يساعده كي يكبر وينمو … فهناك كثيرا من المقومات التي لابد ان تتوافر كي ينجح الحب … وال حب بمعناه الواسع هو ليس الحب من اجل الحب فقط … لان الحب مسئوليه والتزام وواجبات … فماذا قدم اليك هو الي الان كي يفوز بكي غير الكلام الجميل الذي يستطيع اي شاب ان يقدمه ( اسف ) . كوني اكثر واقعيه من ذلك … فهناك حلين من وجهة نظري وهو ان ترتبطي به علي وضعه هذا وتعيشوا معا حياة المعاناه سويا من عمل واجتهاد كي تبنوا انفسكم بانفسكم … والحل الاخر هو ان تصرفي نظر عن هذا الموضوع وتفكري بموضوعيه شديده .. وتقبلي من يتوافر فيه الشروط المناسبه لكي .. واعتقد بان هذا الحل هو الذي سيحدث معكي رغم علمي برفظك الاكيد له .. ولكنه الواقع وهكذا دائما الحياه لاتعطينا كل شئ في وقت واحد .. مع تحياتي وامنياتي لكي بحياه سعيده علي ان يكون ذلك بمباركة اهلك ايضا … تقبلي تحياتي

  8. silverhawk
    16/08/2011 at 18:51

    والله انا مشكلتي زي حبيبك…بس الفرق ان انا معنديش جيش و مش عارف اعمل ايه…..يا جماعة من فضلكم اللي عنده حل ياريت يقوله ليا و للراجل حبيب الاخت اللي بعتت مشكلتها لانها بجد مشكلة صعبة جدا

  9. sun
    16/08/2011 at 03:33

    بجد رائي عمر تمام وانا اتفق معاه وربنا يوفقكوا وطول ما الحب موجود بينكوا حتقدروا تتغلبوا علي كل المشاكل اللي بتقابلكوابالتوفيق

  10. عمر
    13/08/2011 at 18:05

    ربنا يوفقك ويجمع بينكم على خير ..الحل بسيط ليه تعقدى الأمور خليه يشتغل فى الأجازه ويجمع فلوس ويشترى له فيزا سفر للخليج بعد مايخلص الكليه مباشرة…ويعلن الخطبه قبل ما يسافر وهى سنه واحده وهيشترى الشقه…وعلى فكره ممكن إنتى تسافرى له للعمل بنفس البلد والأطباء النساء مطلوبين جداً فى الخليج وأنا عايش فى الخليج وعارف…..أما عن الجيش فممكن يأخد تأجيل لأن مش كل الناس بتدخل الجيش….وحتى لو دخل الجيش هى سنه واحده…وأنا لسه مشوار التعليم عندك سنه إمتياز وتخصص….الله يعينك….وعلى فكره ثمن الفيزا 20ألف جنيه مصرى ممكن من عمله يدخر جزء من المبلغ والباقى يساعده أهله أو يستلف من أى حد….كلنا فى البدايه تقابلنا صعاب كتيره ولكن إحذرى اليأس ….وحاولى تشجعيه على العمل ….ولا تخسرى أهلك مهما حصل لأن الزوج يعوض ولكن الأهل لا يعوضهم أحد ….صدقينى
    وربنا يكرمك وتجمعى بين الثلاثه رضا الله ورضا اهلك ورالسعاده….ربنا يوفقك وجعلك من سعداء الدنيا والآخره….تحياتى

  11. no name
    12/08/2011 at 22:49

    علي فكرة انا زيك بالظبط وصدقينى انا مؤمنة بمقولة ان الانسان مبياخدش الا نصيبه ولو ليكي نصيب فيه هتاخديه وعلي فكرة دى مشكلة الشباب كلها وان شاء الله خير و الحمد لله علي كل شىء ولو اتقدملك اى واحد لازم ترفضي وتتمسكى باللى انتى بتحبيه واهلك لما يشوفوه محترم ومتعلم وبيجتهد اكيد لو ربنا اراد هيوافقوا باذن الله وابقي اعزمينا علي فرحكم باذن الله ومتقلقيش ان شاء الله هيكون من نصيبك

  12. سمسم
    12/08/2011 at 22:27

    سورى يا استاذ ميدو
    شكلك مش عارف يعنى ايه حب

  13. mido
    12/08/2011 at 15:48

    مشواره اعتقد طويل وشوفى حد تانى

  14. الحل السحري
    12/08/2011 at 09:08

    اولا انا ارفع القبعة لك يا انسة عل يتفكيرك الواقعي ولكن اعلمي ان الحياة ليست كلها ماديات ولكنها جزء كبير من الحياة اعلمي دائما ان حق الاهل دائما اكبر من حق الحبيب وهم يرون الحياة بمنظور اوسع منكي ولكن اعلمي ايضا انه ليس دائما الاهل علي صواب وكما فهمت من رسالتك ان اهلك يحبوكي ويخافو عليكي ولن يرضو ان يجنو علي ابنتهم فهم لن يحرموكي من حبيبك اذا احسه منه الالتزام واحسو منكي التمسك والتعلق به فهو الان عليه ان يعمل بجانب الكليه كما يفعل الكثير من الشباب وهذا سيثبت لاهلك انه جاد يستطيع تحمل المسئولية وعليكي ان تدعي الله ان كان الخير في هذا الزواج ان يتمه ويباركه

اترك رداً أو حلاً لهذه المشكلة