انا طالبة جامعية عمرى 20 سنه و عمرى ما حبيت قبل كده ………. او كان ليا علاقه باى شاب قبل تانيه جامعة ولا كان هيبقى ليا علاقه بحد
لكن بحكم دراستى وانها بتحتاج تعاون بين الشباب والبنات اضطريت انى اتعامل معاهم وبعد فترع كنت انا وواحد اصحاب جامد جدا
كان بيحكيلى عن نفسه كتير جدااااا ….. وكان فى كلامه بيلمح لحاجات كتير يعنى انه نفسه يسيب بيتهم ويسكن فى المكان اللى انا عايشه فيه وكده يعنى وبيسال ديما عن اخواتى واسرتى كلها
وفى مره قلتله ان جايلى عريس بان عليه انه زعلان وقالى انى مااتسرش ولسه بدرى واسلوبه فى الكلام كان فيه صيغه الجمع انا وهو يعنى
وقالى باباه قاله لو عايز تخطب اخطب بس كنت لسه فى اول مكنتش حبيته وقلتله انه لسه صغير وماينفعش يخطب
وقالى انه عمره ما حب قبل كده ولا كان له علاقه بحد وانى اول صدقه له واكتر حد بيثق فيه ويحب انه يشاركه همومه
وبيخاف عليا جدا من كل اصحابنا وحتى من كلامه ليا ………وهو اللى قالى كده بالنص
بس مش عارفه …خايفه يكون بيعامانى كده عادى وبالنسبه له صديقه بجد ومايكنش بيحبنى وانا حبيته جدا والله
ومش متخيله انى اكمل من غيره
انا حاولت المحله قبل كده بس ما قدرتش انا مش متعوده على كده وهو خجول جدا ومتدين ومش بيكلم اى بنت غيرى الا فى حدود الشغل اللى بينا
انا نفسى حد يقولى اعمل ايه ؟واكمل فى حبى له ولا لا؟؟؟؟؟؟؟؟؟؟
مشاكل الحب
حبيته جدا وخايفة مايكنش بيحبني
اضيف بتاريخ: Friday, January 21st, 2011 في 03:44
كلمات مشاكل وحلول: اصحاب, الحب, جامعية, شاب, طالبة, مشاكل الحب
يابنتي دهـ بيموت فيكي
لو كنتى لسه بتحبيه متسبهوش وهو بيحبك بس شيف اللى انتى لسه صغيرة والحب بيقوي مبيضعفش
هو واضح انة انسان محترم بس لو بيحبك اكيد هيبان علية انة بيحبك ولو قالك وافقى على العريس يبقى صداقة عادية المفروض انة يفاتحك فى الكلام عشان تعرفى راسك من رجليكى بس لازم هو اللى يبدا مينفعش انتى تبدائى باى كلام خاليكى جنبة وربنا يسهل ويتكلم
اذا قالك وافقي علي العريس وشوفيه شجعك انك تقبليه يبقي مش بيحبك ومش في نيته الارتباط وكده يبقي ابن ناس لانه مضحكش عليك واذا قالك متقبلهوش قوليله طب عذري ايه لما ارفض شوفي رد فعله هو وكمان اذا قدر يبص فعنيكي لفتره طويله يبقي مش بيحبك وانت وشطرتك بقي ونصحتي ليكي اتقلي مفيش حد يستاهل حتي لو ظهر ليكي في صوره ملاك
من الكلام الى انتى بتقولى بيعمله باين انوا بيحبك واكيد لازم تعرفى من نظرات ليكى اذا كان بيبدلك نفس الشعور ولا لأ وحاولى تتأكدى كدا بنفسك يعنى ابعدى عن يومين كدا ولا حاجه وانتى هتتأكدى وانا اتمنالك كل سعاده وربنا يخليهولك وياريت يكون بيحبك بجد وتكونى شريكه حياته..تحياتى