انا بحب واحد بقالنا 3 سنين انا بحبه اوى وهو بيحبنى اوى اديتوه كل حاجة بس هو بقى كل شوية يرمينى ويقولى انه حيسبنى وانه خلاص زهق منى وانه مش قادر يعيش معايا والمشكلة الاكبر انه ولد وحيد والصغير فمامته واخته متعلقين بيه اوى ومش قادرين يقتنعوا انه حتيجى واحدة وتحبه وتاخده وتتجوزه هما عاوزينه جنبهم على طول مش عارفة اعمل معاه ايه ما اقدرش اعيش من غيره ابدا وهو دلوقتى بعد ما اخد كل حاجة رامينى وسيبنى وكل شوية يهددنى انه حيسبنى مش عارفة اعمل ايه نفسى يرجع زى الاول ويعاملنى كويس ويخاف على زعلى ويحترمنى ابوس رجلكم ساعدونى بافكر فى الانتحار كل يوم 100مرة ساعدونى وادعولى ربنا يوفقنى
مشاكل الحب
ساعدونى حاموت من اللى انا فيه
اضيف بتاريخ: Tuesday, November 9th, 2010 في 16:08
كلمات مشاكل وحلول: الحب, مشاكل, مشاكل الحب
يابنتي صلي أولا ثم أشغلي نفسيك بشغل وأنتي هاتنسيي بسهولة جدا لانه أنسان بتاع أمه فقط ولا يعرف يعيش في الحياه بدون أمه فهذا السبب أنك تسبية
اوال وقبل كل شيءاحب ان اعرفك ما هو الحب وما معني الحب فالحب هو هبه من الله سبحانه وتعالي لينعم بها الناس واذا لم يتواحد الحب خلقت جميع المشاكل واذا كنتي تحبية هذا الشاب كل ما اراده فتكوا قد ارتكبتي اكبر خطأ مائة في المائة فإذا اعطيته الان كل شيء فماذا سوف تعطيه بعد الزواج قطعا يجب ان يكرهك واذا احبك فعلا فلن يتخلي عنكي ولكنه اراد التسليه فقط فأتركيه وشأنه وابحثي فعلا عما هو صالح لكي يشاركي حياتك بحلوها ورها وليس للشيء الحلو فقط واذا انتي اعطيتيه كل شيء فانتي كنتي صادقة معه ولكنه كان معكي بالعكس فلا تندمي وادعي ربنك ان يعطيكي ويعوضك احسن منه هذه هي نصيحتي اليكي اللي باعك بيعه وشكرا زكي
يا أختى ياريت تعرفينى اذا كنتى فقدتى عزريتك ام لا وما هو كل شئ الى بتقوليه دا انا بجد بلومك على الى عملتيه ربنا معاكى ويهديكى ويستر كل بنات المسلمين يارب العالمين
انت عايزة حل بعد ما بتقولي أديتيلة كل حاجة مهو اللي هو بيعملة دة هو دة الطبيعي انت عايزاة بعد ما ياخد كل حاجة عايزاة يفكر انة يتجوزك او يرتبط بيكي دة درب من دروب المستحيل
تقبلي تحياتي بدون اي ضيق أو ضجر.
بسم الله الرحماني الرحيم
اختي الكريمة اولا لم تلتزمي بالقوانين الشرعين والا ما وصلتي الي ما وصلتي اليه يبين من كلامك انا اخاف ان يكون سبلبك شرفك وهو قيمة المرءة وجاء في كلامك انك تفكرين في الانتحار طبعا الانتحار ليس دواء تنت انا انصحكي بالصبر وادعو الي الله فهو قريب منك انا وقعت في ما وقعتي فيه انتي لكن الزمان كفيل بان ينسيك اعز الناس اليك اصبري وصابري وعلي الله الباقي
واضح من كلامك أنك فقدتى معه عذريتك ، وهو يحبك منذ 3 سنوات لن يستطيع التخلى عنك ، هل جربتى أن تبتعدى عنه لترين رد فعله ؟ أعتقد أنه سيتقرب اليك . لإن الممنوع مرغوب ، واللى تسيبه يجرى وراك والعكس صحيح …. حاولى ولا تيأسى .
للاسف كل الحلول لم تعطى للبنت جواب شافى اولا الولد يحب البنت بدليل انو لم يفضح امرها لاكن للغز فى الموضوع انها لم تذكر كم عمره وهل هو ميسور الحال للزواج ام لا ثانيا الحل باذن الله سهل جدا انتى قتابليه وتكلميه بانو استحوذ على كل شي منك برغبه الحب واتقولى لو اتخليت عنى فى محنتى ربنا هيتخلى عنك واكيد زي متخليت عنى فى محنتى اكيد ربنا هيرسلك بنات ووقتها هيتفضح امرك لانك كنت سبب فى يوم من الايام بالغدر قوليلو انا مش حزينه على انك هتسيبنى انا حزينه على الحب الى اديتهولك واذا انت بتتخلى عنى ربنا مش هيتخلى عنى الامر الثانى لو عجزتى عن اقناعو لابد من تدخل طرف خفى جدا ويكون الطرف ده واثقه انو هيكون كاتم للاسرار ويروح لام هذا الولد ويعترف بانو ارتكب معاكى خطا فقدتي فيه عذريتك اكيد امو مش هتوافق على هجرو ليكى لانها ام وبيوم من الايام كانت بنت وبتعرف ازاى ان البنت لما بتفقد عذريتها بتكون ازاى بس نصيحه اخيره متحاوليش باى صوره من الصور انو يلمس شي منك ثانى حتى يحس بمقدر الشي الى هيفقدو منك وشكرا وربنا يوفق
يا اختى ادعى ربنا وسبيه قبل ما هو يسيبك وتوبى لربنا من الخطاء ال انتى ارتكبتيه فى حق نفسك باسم الحب لان ده لعب الشيطان والشهوه الحرام ولو انتى انتحرتى هتبقى كفرتى برحمة ربنا وده عذاب النار خالدينا فيها ابدا اتقى الله ومن يتقى الله يجعل له مخرجا ويرزقه من حيث لا يحتسب وربنا هيكون معاكى ومشاكل الحياه كلها هتتحل ربنا يسترك وجميع بنات المسلمين يارب
مش هقولك غير ربنا يهديكى ويشيل الغشاوة اللى على عنيكى
واستفسار يعنى ايه اديتيلو كل حاجة دى ؟؟؟؟؟؟؟؟؟
لو كان اللى فى بالى ومفهوم من الكلام فيبقى طبيعى اللى بيعمله معاكى
ربنا يهديكى وييسرلك الحال ان شاء الله
وبلاش فكرة الانتحار والكلام ده بقى يعنى انتى فاكرة انك لما تنتحرى هتروحى لمكان احسن بالعكس هتبقى خسرتى دنيتك واخرتك نصيحة استخدمى عقلك مش عواطفك (فكرىىىىىى)
هو اخذ كل حاجه , ياااختاه نحن اذا اعطينا الجنس من الحرمه قبل الزواج مستحيل نامن بها كحرمه, المهم حاولين تتتدبري امرك ان كنتي مازلتي بنت اخلصي منه واذا لم استعيني بااهلك
اعلمي امك بكل شي واستعيني برايها والله يوفقك
صراحةمش فاهم يعني اية اديتيلوه كل حاجة
يعني فقدتي عذريتك
لو الامر كده له طبعا حق يسيبك ويمشي لانه اخد اللي عايزه
اما لو انتي مازلتي عذراء فبلاش ترخصي نفسك عند واحد اناني شكله دلوعة ماما
ما هو المقصود من هذه الجملة ((((وهو دلوقتى بعد ما اخد كل حاجة رامينى وسيبنى)))
الله يسترها عليك وعلينا نصيحة لكل بنت إلتزمي بتعاليم الدين الإسلامي وسوف يحميك ويحفظك الله ويتم عليكي بالزواج الصالح
دة واللة العظيم مابيحبك علشان الابحب عمرة مابيغدر وتموتى نفسك على اى تموتى كفرة حرام عليكى نفسك
دى بتقول عطيته كل حاجه وانت جاى تقولها سبيه طب ازاى وحتلاقى انسان تانى يوافق بيها ازاى طالما عطته كل حاجه ربنا يهديكم يارب حاولى معاه تانى وتالت ما هو انتى اللى جبتيه لنفسك ولو مرجعش لصوابه صارحى امه واخواته واقلبى الدنيا عليه لغاية ميعرف ان الله حق ويرجع لصوابه المدلع ده وهدديه انك حتفضحيه عند اهله ….وربنا يهدى
نفضيله شويه وهو ها يرجعلك تاني وما تحسسهوش انك بتحبيه لانه كده تملك والانسان لما يحس انه تملك بيتكبر لكن لو حسستيه انك ضعتي منه خلاص هيجري وراكي
عاوزة كمان اقولك حاجه هى حياتك عندك رخيصه قوى للدرجه دى يا اختى مفيش حاجه فى الدنيا تستاهى انك تموتى نفسك علشانها وايه ذنب اهلك اللى عاشوا حياتهم علشانك وربوكى وكبروكى والاخر علشان واحد بيتسلى بيكى تموتى نفسك وتقهريهم وتفضحيهم قدام الناس والناس تسال هى موتت نفسها ليه يبقى فيها حاجه وبعدين ايه يعنى قصه حب فاشله اللى يبيعك بيعيه وانتى فكرك انك لو موتى نفسك حترتاحى لا طبعا ده انتى حتروحى لعذاب اكبر وهو عذاب ربنا يعنى عذاب الدنيا ارحم بكثير وتبقى خسرتى الدنيا والاخرة علشان واحد ميستهلكيش ولا يستاهل دمعه واحده من عينيكى بكرة يتقدم لك غيره وتعيشى حياه سلسمه ويبقى حبه ليكى حقيقى وتكونى غاليه وعزيزه عنده لانه دخل من الباب مش حرامى عاوز ياخد حاجه مش من حقه منك ويجرى
عاوزة اعرف يعنى ايه اخذ كل حاجه ايه الحاجات اللى اخذها منك بالظبط وبعدين يعنى ايه زهق منك ومش قدر يعيش معاكى هو كان عايش معاكى اذاى ؟ متزعليش منى الكلام مش واضح يعنى مهو لو اخد حاجه غاليه اوى عندك او تنازلتى عن اشياء مينفعشى انك تتنازلى عنها اكيد انتى فهمانى فتبقى تنسى موضوع انه هيجوزك خالص لان مفيش واخحد يتزوج واحده عطيتله كا حاجه قبل الزواج وحكايه ان والدته واخته مش عاوزينه يتزوج دى انسيها خالص لانهم لو وجدوا الزوجه المناسبه لابنهم حيزوجوه فورا وهما راضين لانهم بيحبوه ويتمنولوه الخير لكن هما شايفين انك مش مناسبه لابنهم واكيد هو كمان كان بيتسلى معاكى فقط ومش ناوى انه يتزوج على العموم لو انتى لم تتنازلى عن حاجه غاليه عند كل بنت يبقى الحمد لله فوقى لنفسك وانسيه خالص ولا تتكلمى معه ابدا ولو بيحبك حيتقدملك بس انتى احفظى كرامتك لانك كل ما حتتقربى منه حيبعدج هو اكثر وسيشعر انك بنت رخيصه
يا اختى ده عمال يبيعك واللى يبيعك بيعيه
وده اكيد ما بيحبكيش بجد عشان كده عايز يخلص منك وخلاص
وكمان ده ابن امو بيسمع كلام امو ومش هيقدر يسعدك
سيبك منوا اللى بيحب بيضحى وبيعمل اى حاجه عشان حبيبه لكن ده عايز يخلص منك
سيبك منوا وربنا يرزقك باللى احسن منوا
(سيد العاطفى)
مصر—بنى سويف