مشاكل الخطوبة

اعرف خطيبي بمرضي ولا استنا بعد الجواز

انا عندي 19 سنه ومجتليش الدوره لحد دلوقتي طبيعي الا بالعلاج لتنزلها وروحت لدكتره كتير قالولي ان حلي بعد الزاوج بعمل عمليه بس انا خايفه جدا ان لما اتجوز مخلفش وانا حاليا مخطوبة وهتجوز كمان سنه وخطيبي الحمد لله كويس معايا جدا بس انا مقولتلوش علي حاجه مع ان الدكتور بيقولي قوليلي وهو لو بيحبك هيكمل معاكي لحد ماتجوزي بس الدكتور بيقول اني حاله نادره وانا خابفه اتجوز ومخلفش وابقي ظلمته معايا ومش عارفه اقول ولا لا اررررجو الافاده

مشاكل وحلول ذات صلة

اضيف بتاريخ: Thursday, March 24th, 2011 في 11:26

كلمات مشاكل وحلول: , , , ,

27 رد to “اعرف خطيبي بمرضي ولا استنا بعد الجواز”

  1. ابواميرة
    21/12/2012 at 14:48

    شوفي يابنتي الصراحةحلوة في الحاجات دي ولوهوشاريك بالغالي تاكدي انومش حايسبيك ابدا ولابد من ذهاب لدكتورتاني وثالث مرة حتى تتاكدوامن التشخيص الحالة وطريقة علاجهايمكن تشخيص الدكتورالاول غلط وانت مافيكي حاجة سليمة لابدمن عرض الحالة عل عدةدكاترة وربنايشافيك ويرزقك الخيروالسعادة

  2. نونااه
    01/05/2011 at 23:18

    انا بشكر كل اللي دخل علي مشكلتي وقدملي نصيحه .انا فكرت فالكلام وقررت اني اقول وفعلن حصل وقولت كل حاجه من ططق الي سلامو عليكو وهو احترمني جدا وقالي ولا يهمك وده نصيب ربنا ملناش يد فيه.وبقيت فنظره اجدع انسانه فالدنيا عشان مفيش احلي من الصراحه انا بحبه اوي وانا بشكر اي حد دعالي دعوه ولو بسيطه عشان انا فعلا جاتلي الدوره الشهر ده من غير اع علاج ولا اي حاجه.بجد بجد الف شكر

  3. حزينة
    28/04/2011 at 12:46

    بصي ياقمر انا مشكلتى زيك بظبط بلحرف واهلي قالو اوعي تقولي خالص وخفت اقول لخطيبي زى ما قالو وقلت يمكن بعد الجواز يحصل حمل ومع الاسف اتجوزت ومحصلش حمل وبقالي 10 سنين في عذاب وطبعا لما جوزك بيروح معاكي اى دكتور بتقولي وانتى بنت كان عندك اية وطبعا هو عرف وزعل وحس انى كنت بخدعة علشان اتجوز وارمى همى علية فهمتى وياريت ان قولت علي الاقل كان عرف ان يعيش معايا بحلو وبمر صدقينى قوليلو بدل ما بعد الجواز يسيبك انا لحد الان في نار وبندم ان ما حكيت من الاول كان علي الاقل عرف ومكنش في نقطة حساسة كدا بنا واتمنى ليكي كل خير تقبلي نصحتى وسيبك من اهلك محدش بينفع حد والله لما يجرحك بعد كدا احسمى الامر دلوقتى افضلك

  4. نور الهدى
    06/04/2011 at 18:21

    قوليلوا علشان كده ككده هيعرف بعد الجواز وهتحصل مشكله وهيلومك عليها قوليلوا ولو هوه متمسك بيكى هيفضل معاكى بس صلى وادعى ربنا انه يكون خير ليكى انك مش تخبى عليه وصدقينى هوه هيحترمك جدا وهيقول عليكى صريحه وهيرتاح معاكى اكتر

  5. صاحبه المشكله
    05/04/2011 at 01:25

    انا لحد دلوقتي لسه مقولتلوش حاجه مش عارفه ابدا الكلام معاه ازاي .وكمان انا خايفه لما امي تعرف اني قولتله هتعمل ايه معايا ممكن تزعل مني اوي.انا مش عارفه اتصرف.لو ماما عرفت وزعلت مني هعمل ايه عشان ارضيها

  6. مخطوبة
    02/04/2011 at 07:11

    لازم تعرفيه بينك وبينه لسبب ماهو ممكن يقول اه دى اتجوزتنى بقى عشان الدكتور قالها لازم العملية بعد الزواج انتى متعرفيش التفكير وقتها ايه لما يكتشف انك خبيتى عليه مفروض تحسسيه انه اقرب ليكى من اى شىء ولو بيحبك بجد هيفضل معاكى ربنا يقدملك اللى فيه الخير

  7. Tiger
    31/03/2011 at 14:16

    لو انا مكان خطيبك كنت حأحن عليك أكتر وأحبك أكتر وممكن أخذك في حضني
    يعني لا تشيلي هم وأحسن تصارحية بأي حاجة فيك
    وموضوع الخلافة دا بيد ربنا حتى خطيبك مش رايح يضمن نفسة

  8. ام أشرف-فلسطين
    29/03/2011 at 12:57

    السلام عليكم ورحمة الله وبركاته::
    كوني صريحة مع زوجك من لبداية ولا تخلي حبل الكذب بينك لانها بيضل يطول ليسبب مشاكل انت بغنى عنها كوني صريحة معه .. وللعلم اي شي يخفى وضروري انه يكون معروف يبطل العقد والله اعلم .. فانت مش مضطرة على الكذذب وهاد شي من رب العالمين مش بيدك او بيدي لهيك احكيله الصراحة قبل الزواج واحكيلة ايش حكولكم الدكترة بالضبط وقوليله انا حبيت احكيلك من الاول مشان ما اكون بظلمك او بخدعك معي وانت قرر بس لو سمحت لو قررت تكمل او تترك يكون هالشي بينا … واتكلي على رب العالمين وهو لو شاريكي وربنا كاتبلك معه الخير اتأكدي ان رب العالمين رح ييسر امورك ويسعدك …بأمان الله وحفظه دوما..

  9. صاحبه المشكله
    27/03/2011 at 04:37

    .انا عارفه ان قضي اخف من قضي انا عندي امل فالله ادعو معايا ياجماعه ليا باشفا

  10. صاحبه المشكله
    27/03/2011 at 04:32

    بس يادودي انا روحت ل4 دكتاره وكلهم قالو علاجك بعد الجواز بعمليه بسيطه بس لازم بعد الجواز عشان اكون مدام وفيهم دكتور شاطر جدا وقالي ان انتي باذن الله هتخلفي وممكن من غير عمليه بشويه ادويه بس.انا عشان كده ساكته ومش عايزه اتكلم عندي امل كبير فالله.انا بموت كل يوم والله بجد حاسه اني مجروحه جرح كبير اوي مليش يد فيه.بس ارجع واقول الف حمد والف شكر لله علي نعمته

  11. صاحبه المشكله
    27/03/2011 at 04:26

    ياجماعه انا مش عارفه اقولكم ايه بصراحه انا عارفه ان انتو صح بس خايفه جدا اني اقوله حاجه زي كده ممكن ميفهمهاش كده .انا عايسه ع امل بعد الجواز ممكن يحصل حمل زي ما الدكتور قاللي.انا كل شهر بكون محطمه نفسيا .اعود افكر اقول ولا مقولش.انا كلمت ماما وبابا قبل كدوقلولي اوي تعرفيه حاجه نشوف بعد الجواز ايه اللي هيحصل

  12. درش Darwasha
    26/03/2011 at 16:43

    لازم تقوليلة الصراحة لا بد منها ومتخافيش اللي ربنا رايدهولك في مسيرة حياتك هيكون وانتي شكلك بنت طيبة وان شاء الله ربنا هيرزقك بالخلفة متخافيش من شئ اهم شئ انك تصارحي خطيبك

  13. اختك بالله
    25/03/2011 at 17:28

    اي يااختي لازم يعرف ويبقى هو واصله

  14. صحيحة
    25/03/2011 at 09:46

    لازم يعرف حرام انتي كده بتبلعي حقه

  15. answer
    24/03/2011 at 21:49

    لازم تقوليله و هو ليه القرار !

  16. الحمد لله
    24/03/2011 at 20:54

    انا شايفه انك لزم تقوليلو علشان بعد الجواز ميقلكيش انك كدبتى عليا وكمان فى تحليل قبل الجواز لو عرف منها ومعرفش منك هيزعل لزم تقوليلو ضرورى وفعلا لو بيحبك هيكمل معاكى لو سابيك يبقى دة عمره مهيستحملك ابدا وربنا يشفيكى وانشاءالله خير وهتخلفى اجمل الاطفال

  17. بنوته مصريه
    24/03/2011 at 19:24

    الصراحه حلوه في كل حاجه وزي ماقالك الدكتور قوليله ولو بيحبك هيكمل معاكي بس ياريت لازم تعرفيه بكده لانك فعلا هتظلميه وهتبقي خدعاهلوماقولتيلوش فياريت تعرفيه وانتي بنت احسن ليكي لان بعد الزواج ممكن حاجه زي كده تضايقه وهتندمي وتقولي ياريتني قولتله وانا بنت لو هتتحرجي من الكلام في الحوار ده معاه خلي مامتك تكلمه بس تعرفه انه يكون سر سواء تم الزواج او لم يتم لقدر الله لان خدي بالك دي حاجه هتضايق حماتك جدا فياريت هي ماتعرفش وربنا يهديه ليكي ويتمم عليكي بخير ويرزقك بالذريه الصالحه اللهم امين

  18. فرى مختصر فريدة
    24/03/2011 at 19:15

    الفروض قبل الخطوبة قولتى عشان متجوزهوش على غش بس عادى انتى قوليله ان مينفعش متقوليش وشوفى هو هيعمل ايه بس هتيته بطريقة تانية دة مش بايدك دى حاجة بتاعتة ربنا متخافيش وسيبها على ربنا وقولى ومتياسش من رحمة ربنا ربنا يشفكى اللهم امين
    .

  19. دودى
    24/03/2011 at 18:58

    وعندى سؤال … هما الدكاتره اللى انتى رحتى ليهم اكدولك انك ممكن متخلفيش ؟ولا ايه يعنى فى امل

  20. دودى
    24/03/2011 at 18:55

    على ما اظن انك لازم تقوليلوا ولو فعلا بيحبك هيرضى بيكى على على اى حال وهيساعدك لو بيحبك عشان لازم تكون الصراحه بنكم متبادله و هو ممكن يضايق لو عرف بعد الجواز وهتكونى انتى كدبتى عليه ده رايى والصراحه بتقصر طرق كتييييير ولا ايه … اتمنالك التوفيق و السعاده…

  21. يا رب
    24/03/2011 at 18:20

    اسأل الله ان يعطيكي الشفا و العافيه

  22. مايوى
    24/03/2011 at 16:51

    بصراحة انا مش عارفة اقولك ايه مشكلتك محيرة فعلا بس من رايى انك ماتقولوش لان الخلفة دى بتاعت ربنا ومحدش حتى لو كان سليم مية فى المية يقدر يجزم انه هيخلف لان زى ماقولتلك دى بتاعت ربنا وطالما ان لمشكلتك علاج بعد الجواز تبقى الحكاية بسيطة ان شاء الله وهتخلفى صبيان وبنات ربنا يتمملك على خير

  23. بنوته مصريه
    24/03/2011 at 16:39

    الصراحه في كل حاجه حلوه وزي ماقالك الدكتور لو بيحبك هيكمل معاكي بس ياريت لازم تعرفيه بكده لانك فعلا هتظلميه وهتبقي خدعاه لو ماقولتيلوش فياريت تعرفيه وانتي بنت احسن ليكي لان بعد الزواج ممكن حاجه زي كده تضايقه وهتندمي وهتقولي ياريتني قولتله وانا بنت لو هتتحرجي من الكلام في الحوار ده معاه خلي مامتك تكلمه بس تعرفه انه يكون سر سواء تم الزواج او لم يتم لقدر الله لان خدي بالك دي حاجه هتضايق حماتك جدا فياريت هي ماتعرفش وربنا يهديه ليكي ويتمم ليكي علي خير ويرزقك بالذريه الصالحه اللهم امين

  24. توتا
    24/03/2011 at 16:27

    طبعا لازم تعرفية عشان ميبقاش حرام عليكى وتبقى خدعتية واللة لو بيحبك هيكمل معاكى ومش هيتخلى عنك لو مش بيحبك هيسيبك ع طول خلصى ضميرك وعرفية وربنا معاكى يارب يطلع ابن حلال ويفضل جنبك

  25. فاعل خير
    24/03/2011 at 15:29

    أكيد لازم تقوليلوا عشان تعرفوا تتصرفوا عشان ميتفاجأش كدا مره واحده بعد الجواز ان انتى مخبيه عليه قوليله وهو لو بيحبك هيعزرك ويكمل معاكى لكن كدا هتظلميه معاكى وهتفاجأيه مره واحده
    وربنا يشفيكى ان شاء الله وتجيبى دسته

  26. ميار
    24/03/2011 at 13:19

    ياحبيتي لازم تعرفيه مينفعش تخبي عليه حاجه علشان يكون عارف من الاول وهو لو بيحبك هيقف جمبك ومش هبتخلي عنك ساعتها هتعرفي هو بيحبك ولالا بس انا ممكن اقول ليكي مثل انتي ممكن ترضي ان انتي تيجي تشتري حاجه ويكون فيها عيب وصاحبها مش يقول ليكي علي العيب ده شوفي انتي هتعملي ايه وحطي نفسك مكانه ودي حاجه بتاعت ربنا انتي اعملي اللي ربنا والرسول وصنا عليه ومش تترجعي وعرفيه وانا اتمني لكي التوفيق والسعاده

  27. لولو
    24/03/2011 at 12:14

    اهم حاجة الصراحة سيبها على ربنا وصارحى خطيبك ولو بيحبك مش هيسيبك

اترك رداً أو حلاً لهذه المشكلة