مش اعرف ابدأ منين مشكلتى انى اتخطبت من شهور وخطيبى كان بيحبنى جدا ويتمنى اليوم اللى نتجوز فيه المهم انا انسانه خجوله جدا ومتمسمكه بمبادئ الدين الاسلامى مش بحب اعصى ربى وهو على فكره مش بيسيب فرض بس عايزنى اكلمه فى الحب وانا بتكسف اوى ومش بحب اغضب ربنا لغايه ما زهق منى ونفسه يسمع كلام حلو اوى فبدأ يزعل وقالى هعملك بمعملتك وهتعامل معاكى رسمى زيك وحاسه انه مش بقا بيحبنى زى الاول انا شايفه انى انا صح وديما بنصحه ان ربنا ديما مطلع علينا وسمعنا وقولتله مش بحب اغضب ربنا فهل انا غلطانه انا تعبانه اوى ونفسيتى تعبت ومش قادره اتكلم مع امى او اخواتى اعمل ايه
افيدونى بالله عليكم انا مش بقيت احب اكلم حد خايفه يجيلى اكتئاب
مشاكل الخطوبة
مش عايزة اغضب ربنا عشان ارضي خطيبي
اضيف بتاريخ: Friday, March 25th, 2011 في 15:11
كلمات مشاكل وحلول: الخطوبة, مشاكل البنات, مشاكل الخطوبة, مشاكل فترة الخطوبة
انا مشكلتى نفس مشكلتك بالظبط وكمان فترة الخطوبة طويلة ثلاث سنين بس انا مختلفة شوية لانى اصلا مش حاسة بالحب تجاهه مع انو محترم جدا واشهدله بكل الادب ولااخلاق وبقالنا سنة مخطوبين وطول السنة دى وانا بحاول احبه بس مفيش فايدة وهو بيبقى عايز يسمع منى اى كلمة وانا طبعا مبقدرش اولا عشان ربنا وثانيا عشان مفيش مشاعر من ناحيته لدرجة انى بقيت بحس انى قلبى حجر ومعنديش احساس بس انا تعبت فعلا ومسلمة امرى لله وانا اللى مخلينى متمسكة بيه انه بيحبنى وعشان مجرحوش ومجرحش ناس تانية كتير حواليا
عامه يا بنتى انتى زى اختى الكلام فى الموضوع ده طالما فى حدود الادب مش عيب ولا حرام انك تقوليله بحبك او تتكلمى معاه كلام بالادب فاذا وجدتى نتيجه افتكر دايما ان ربنا مطلع عليكى واعرفى انك كده كده بالكلام الكويس تتالف القلوب بس دايما راعى ان قوله ان الله يرانا فاكلام ليس حرام ولكن اللمس حرام وان كنتى خائفه فاقترحى عليه انك تكتبى الكتاب والله الموفق بينكم
ياجماعه انوا فاهمين الحب غلط وتانى حاجه الغلط بيحصل وده حسب الأنسان مش الشيطان(ما أجتمع رجل وامرأه لا كان الشيطان ثالثهما)ده صحيح بس هل تم ذكر انه حتحصل حاجه غلط اصلا ربنا بس بيقولنا ان الشيطان موجود فى الحاجه ده بس هو صحيح بيزن على الودان علشان نقع فى الغلط بس برضه حرجع وقول ده فى الأخر حاجه بترجع لينا يعنى الى عايز يعمل حاجه غلط حيعملها من غير مايجتمعوا ومن غير علم الغير ولا حاجه يجماعهالشيطان ماعليه الى انه يودينا فى دهيه بس لكن احنا الأساس فى اننا لنسعده على الوقوع فى الغلط ياما لأ بس فصدقينى الراجل مننا محتاج يحس هو قد ايه محبوب من خطبته او زوجته وعايز اقول ان موضوع الكلام فى الجنس ده مش شرط لكن الكلام فى انا بحبك وحشتنى انت عامل ايه اخبارك ايه والله انت الحب كله كل الكلام ده مش شرط انه يوصل لكلام جنس وده يرجع للولد والبنت المرتبطين ببعض ولو حد منهم تعدى حدوده التانى يفوقه لنفسه وان الكلام ده لسه بدرى عليه لحد الزواج مثلا انا وزوجتى كان ايام الخطوبه كنا بنقول احلى كلام فى الدنيا ومحصلش حاجه ما بنا لحد متجوزنا وبقت فى بيتى فمشرط يجماعه الكلام ده يحصل قوليله انك بتحبيه وخلى بالك تبقى احلى لما انت تقوليها ليه قبل مايقولها هو حيحس بيها اوى ومش شرط فى كل مره تقوليها ولازم تفهمى خطيبك فى الأول هل هو من النوع الى بيحب التقل ولا من النوع الطيب الى بيحب ويقدر الكلمه الحلوه من مراته او خطبته والله ساعات الحجات ده بتفرق فى حياه الأنسان قوى وربنا يوفقك الى فيه الخير ليكى ولخطيبك
ان شاء الله يااختي هبقي زوجك مستقبلا
وبعدين الولد بيزهق اكيد بيبقي نفسه في كلمه حلوه من خطيبته بعد مشوار الشغل طول اليوم
يعني متقليش غير المعقول وانا عارفه ان البنت بخجلها وتعاليم دينها مش بتقول واكيد الولد بيحترم ده بس صدقينيانا كنت زيك كده في الاول مش كنت بقول حاجه بس هو زهق مني وقالي زي ماخطيبك قاللك كده بس فعلا حسيت بيه
لانه مكنش بيقولي اي كلمه حب انا نفسي كان نفسي اسمعها منه
وبعدين هو مطلبش منك حاجه وحشه بالعكس ده كلمه
السلام عليكم يااختي مو كذا رسمية مرررررة يعني سمعية كلام يحس انك تحبينة عشششششان مايتركك وبالتوفيق,,,,,,,,,دعواتكم بتيسير امووووووووووررري,,,,,,,,,,,,
أختاه أنا مش معاك مية في المية لأنك مكبرة الموضوع شوية عن اللزوم، فترة الخطوبة مرحلة لتعارف والصراحة وتقوية المشاعر بين الطرفين دون احراج توطد العلاقة والمفاهمة لزواج أفضل وسعيد لكلا الطرفين ، ربما أنت لم تفهمي خاطيبك جيدا هو لم يطلب منك قاصيدة شعرية عن الحب ولا كلام ينقص من كرامتك كامرأة هو كل همه أنه يريد ك أن تعبر عن مشاعرك نحوه بكل صدق دا مش عيب كمشاعر الحب والخوف عليه والشوق ماذا سيحصل لو قلت له أنا حبي ليك بزيد يوم بعد يوم أو أنا بموت فيك أو أنا خيفة عليك أكثر من نفسي أو أنا بشتاق لكلامك أو أنا أحمد الله لأنك أفضل خطيب في الدنيا المهم أن تكون مجملات تعكس عواطفك نحوه وهذا ليس تنازل مثلما تعتقدين هذا حقيقة وأعلمي أن أي رجل يحب سماع كلام جميل من حبيبته حتى بعد الزواج كما أنه يعاملك بالمثل ليس لينتقم منك أو أنه يكرهك لا بل تحس به أنك أهملتيه لكنك لم تفهميه بعد
خليكى على مبدائك انا كنت مخطوبة وكان نفس النظام معايا وسالت الكل قال فيها ايه ولما قولتلوا بحبك وعرف انى بحبوا بجد حب يغير الاتفاق اللى بينة وبين ماما كان فاكر انى هرضى انى اتنازل عن حقى فى العفش وكدةيعنى لكن انا لما لاقيتة كده سبته وانا مرتاحه خليكى زى ماانتى علشان مايحسش بضعفك لما يطلب منك كلمة حلوة قوليلو كل حاجة فى وقتها واديكى شايفة انا فى يوم وليلة سبتة لانة مجرد خطيب مش اكتر وحتى لو كان كاتب برضوا اوعى تدى الامان على فكرة انا كنت بقولوا بحبك وانا عارفة انى مش هكمل معاه حبيت اعرفة انى الكلمة دى مش مربط الفرس
انا فهمت من كلامك انو عايز يقرب منك مع تبادل القبلات وخلافه من هذه الأشياء
لآنو الحب بمنظور الشباب هذه الأيام لا يخلو من الكلام فىالجنس وممارسته بكل اشكاله
وانتى حلك حل واحد بس انو انتى تتمسى بدينك ومبادئك يعنى انتى ما تعرفيش تتعاملى وياه زى ما بيقولك يبقى ما تتعامليش وياك زى ما بيقولك وكمان انتى لما تكون محافظة على نفسك وعلى مبادئك يبقى ابدا مش خطأ وهو اكيد هيعرف انو انتى انسانه كويسه وبنت ناس …تمسكى بما انتى عليه وان شاء الله ربنا هايوفقك …
والله المستعان
عادي جدا لو طلب منك كلمة حلوة تبردي عليه لوعة قلبة وتصبرة لحدي يوم الزواج
عشان لايدخل الشيطان بينكم ويبدا يشك فيك
انا برأيي انو ابداً مو حرام وتنا مع نونااه
هو ماطلب اي شي غلط وانتي خجلك حلوو بس حسسيه انك خايفه
عليه وانك فرحانه انو هو خطيبك ..
بس بحدوود ,, موفقه
يا جماعة هو ما طلب منها الحرام بعينه هو كل اللي طلبة انها تفك الرسمية اللي بينهم.. هي اذا مكتوب كتباهم زوجته على سنة الله ورسولة وما فيها شي ان كانت معه حنونة بالكلام والتعامل عادي يعني ما دام انها ما بتخرج عن الاخلاق والدين والشريعة.. كمان لا تنسو انه هو انسان من لحم ودم بحاجة ليسمع كلام حلو يحببه فيك ويقربك من قلبه ويحس انك بتخافي عليه واله بقلبك مكانة بس مش اكثر … زوجي وقت الخطبة ما في ادين منه وبصلي كل فرض بفرضه وبقرا قرآن وبيقوم الليل وبيصلي الضحى ومع هيك كان يحكيلي حبيبتي ومن هالكلام اللي بيريح القلب وبيطمنه وبيقرب القلوب .. هو ما كفر وبشو بده يتقي ربه هو ما طلب الحرام يا جماعة خفه عنه شوي… بده يحس انه اللي معه خطيبته زوجة المستقبل مش زميلته بالشغل والا حجر عفوا للتعبير .. فر رعاية الله حفظة…
في ايه ياجماعه هو مطلبش منها حلجه غلط هو مجرد عايز زي ما بيحب يتحب يعني بحبك او وحشتني او حبيبي او اطمان عليه دائما .تحسسيه عالطول انك معاه باحترام يعني مش لازم بكلام قبيح .ياجماعه ديننا يسر مش عسر.ولو هي صح مش عايزه تغضب ربنا هتعمل حدود للكلام
انا متشكره جدا جدا على جميع الاراء
وانا والله مدركه طبعا انا رضا الله فوق كل شئ وبعدين ربنا جل جلاله
قال فى كتابه الكريم
ومن يتقى الله يجعل له مخرجا………….وكمان من يتقى الله يجعل له من امره يسرا
وانا اوعدكم باءذن الله الثبات
جزاكم الله كل خير
اثبتى واتمسكى متفرطيش ف حاجه ربنا مغليكى بيها حتى لو كانت الحاجه دى كلمه ده خطيبك يعنى مش جوزك يعنى يعتبر غريب عنك ومينفعش تكلميه اصلا ف خلوة يعنى لوحدكو من يتق الله يجعل له مخرجا ويرزقه من حيث لايحتسب والزواج ده رزق بايد ربنا وبس اتمسكى بدينك ده اللى هينفعك وصديقينى ربنا هيرزقك الزوج الصالح سواء سواء كان خطيبك ده او غيره ده مش كلامى ده وعد ربنا ودينك ده اللى هينفعك مهما عشنا ف الاخر هنموت وهنتحاسب وكل واحد هيتحاسب لوحده ساعتهت مش هينفعك غير عملك
انا مع كل الاراء اللى نصحتك بالثبات على موقفك….انتى عرضتى مشكلتك وسالتى عن الحل بس عايزة اقولك من قلب ام بتتمنى الستر لكل البنات انتى صح ويا ريت كل البنات زيك واعرفى انك لو اتنازلتى مرة هاتفضلى طول عمرك تقدمى تنازلات واعرفى كمان ان طول ما انتى متمسكة برضا ربك ها تفضلى غالية ومحل احترامه وتقديره حتى لو اظهر لك غير كده ولو لكى نصيب معاه هتتجوزيه حتى لو اجتمعت الدنيا كلها علشان تفرقكم
طبعا انتى جميل اللى انتى بتعملية دة وربنا يجزيكى خير بس بردة الراجل بيحب الرومانسية مفيش مانع انك تقولى كلمتين حلوين بس من غير اى لمس ولا اى حاجة حاسسية انك خايفة علية انك حنينة معاة انك بتحبية انتى بتقولى لما بطل يقولك كلام حب حسيتى انة مش بيحبك
انتــــــــــي اللي صح مش هو استمري ومفيش مانع من كلمتين خفاف جدا من غير ما تعمقوا في الكلام وربنا يسعدكم
اكتبوا كتابكوا وساعتها هيبقى جوزك واتكلمى معاه براحتك
حاجة جميلة جدا انك تبقي خجولة بس هو هيبقي نفسه يسمع كلام حب وهو لمابطل يقولك كلام حب انتي نفسك حسيتي انه مش بيحبك زي الاول يعني هو كمان حاسس بكده فلازم تتكلمي مع خطيبك في كلام حب لانه هيبقي ان شاء الله جوزك فبلاش تتكسفي منه ولا حتي تحسي انك بتعملي حاجة غلط لان المفروض الكلام ده ما بين اي اتنين مخطوبين وربنا يسعدك ويوفقك .
أنت صح وربنا يثبتك وديه مش مشكلة ولا حاجة فمن ترك شىء لله أبدله الله خيرآ منه أنت بترضى ربنا وربنا هيرضيكى وأتعاملى معاه رسمى ويتعامل معاكى رسمى ومتحطيش فى دماغك
بسم الله والصلاة والسلام على خير خلق الله سيدنا محمد وعلى اله وصحبه وسلم تسليما كثيرا
اولا احب ان اقتبس من كلامك قولك ان الله مطلع علينا فى السر والعلن
ثانيا الحب ليس عيب ولا حرام ولا الكلام بالحب عيب وانا على يقين انكى مفعمه بالمشاعر الجميله وما اعظم الشعور بالحب ولكن خجلك يحول بينكى وبين مشاعرك
فحاولى بقدر الامكان ان تجنبى لقائك بخطيبك الخجل وفى نفس الوقت تزنى الامور بقدرها فطبيعة اى انسان ان يحس بالاعجاب والحب من جانب الطرف الاخر فما بالك بخطيبك يريد ان يسمع منك مدى حبك له وتعلقك به واحساسك تجاهه ولو كان حتى يعلمها انما يريد ان يسمعها منك بكل لحظه وليس عند كل لقاء اجعلى منه اثناء لقائكما انه الفارس الوحيد وكلميه عن طبيعتك واحلامك وليس عيب اختى واتمنى ان تكونى لبقه بالحديث معه ووفقى الله الى ما يحبه ويرضاه مع خالص امنياتى ان يتم الله عليكم بالخير
حبيبتي انا اقولك بما انه خطيبك عادي جدا تحكي له كلام حب وتتكلمي معاه عن مشاعرك لانه دا طبيعي جدا وبما انه خطيبك يعني زوج المستقبل وما فيش حاجه غلط بتحصل فعادي جدا تتكلمي معاه في الحب وتعبري انت كمان عن مشاعرك اتجاهه بس ما تعمليش حاجه غلط معه
انت بنت على خلق وربنا مش حينساك ابدا وحينور طريقك وبادن الله خطيبك حيزيد يحبك اكتر واكتر قول يارب وسيبيها على الله
الخت السائله تحيه لكى منى مليئه بالتقدير والاحترام على موقفك مع خطيبك
فقليل هذه الأيام ونادر انك تلاقى خطيب وخطيبه الا بيتكلموا فى كل حاجه
قبل الجواز وطبعا ده شىء مخالف للشرع وبرافوا عليكى أنكى فهمتيه ده شىء يغضب ربنا لان بالفعل اللى يسمح بالكلام ده لا يضمن نفسه وغالبا يتطور الأمر
الى ما هو أسوء وطبعا نحن جميعا نقرأ مشاكل البنات خاصتا فى فترة الخطوبه بسبب التساهل مع الخطيب بالكلام أولا ثم بالتدريج يقع المحذور لا قدر الله وتكون المصيبه التى تلاحق البنت وحدها. خليكى زى ما انتى وكونى لطيفه معاه بحدود وقولى له أنا ربونى أهلى على كده وطبعا بعد الزواج أو كتب الكتاب شىء أخر فاذا كان بيحبك
بجد وصادق هيصبر وهيزيد احترامه لكى وثقته فيكى . لذالك لا تضعفى وتتساهلى أبدا حتى يتم الزواج باذن الله. تحيه لكى مره أخرى.
من غير مقدمات انتى كدة ماشية صح وسيبك من كلامه هو عاوز اية قبل الزواج قوليله اصبر وبعد الزواج اللى نفسك فيه ابقى اعمله افرضى ما حصل نصيب ولمسك سواء لمس خارجى او داخلى يبقى اية موقفك……………
انا هقولك كلمة واحدة فقط لا طاعة لعبد في معصية الخالق
بصي يامسكره خليكي زي ماانتي هو لو بيحبك هيستحملك لحد ماتبقي حلاله واوعي تغلطي غلطة غيرك اي كارثه بتبدا بكلام حلو وبعد كده ييجي التقيل ربنا يعافيكي وايانا لو خلاص اصر انه يسمع كلام حلو ماتقوليش اكتر من اني بحبك وكمان تكون في التليفون داده اخر حل اوعي تقوليها وانتم مع بعض فيس تو فيس اكيد انتي قلراتي بلاوي البنات التانيه وكله بيبدا بكده والشيطان صايع هيوقعك في الغلط من غير ماتحسي وعلي فكره كل ماالبنت تتمسك بمبادئها كل ماالشاب حبها اكثر وكل ماقربتي من ربنا اكتر وماعملتيش اللي يعصيه ربنا عزوجل بيحليكي في نظر خطيبك ويحبك اكتر اساليني انا وزي ماالمثل بيقول اسال مجرب ولاتسالش طبيب اوعي يقولك علي حاجه وتقوليله امين في الاخر الغلط هيكون عليكي انتي وزي ماقولتلك لو بيحبك هيستحملك وربنا يصلحلك حالك ويتمم عليكي (لاطاعة لمخلوق في معصية الخالق) اسال الله مثبت القلوب ان يثبت قلبك ويعينك علي طاعته والله الموفق والمستعان
حبيبتي… السلام عليكم و رحمة الله و بركاته.. انا فهماكي كويس بس هاد بقا صار خطيبك يعني قربتو تتجوزو يعني خلص الخجل يناتكم و اله سبحانه ما منعنا من الحب لان مفيش حياة من دون حب يا بقلك يا اختي لو كنتي لس ما انخطبتي لالو بقلك لا تحكي معاه لان الله منعنا من العلاقات العابرة بس انتو انخطبتو يعني دلوقتي عادي و خدي راحتك و بتمنالكم السعادة انتي و خطيبك و السلام عليكم و رحمة الله و بركاته….. سبحان الله…….
كم هو جميل فى هذا الزمن الذى قلما يوجد فيه حد الخوف من الله فى المقدمه عنده لكن تكلمى مع خطيبك فى الحب بس بصوره غير مباشره بدل بحبك انا بعزك وبحترمك والحمدلله ان ربنا رزقنى بيك انت هديه ربى لى انا بحس معاك بالامان والدفا يعنى حركى لسانك شويه لانى كده ممكن يطفش وانتى قولتى هو محترم ومحافظ على الصلاه يعنى هيتقى الله فيكى وعجلوا بالجواز واياك والخلوه به مهما كان من هو فأنتم بشر ويارب يحفظكم ويسعدكم