اليكم مشكلتي انا فتاة كنت احب شاب من طرف واحد هو كان حاسس اني بحبة بس كان مطنش كنا بنتكلم واحنا صحاب بس انا كنت حموت علية مع العلم انة اول حب في حياتي كنت بحبة من تانية اعدادي وكلمتة في تانية ثانوي ولحد دلوقتي بكلمة واحنا اصدقاء وانا اتخرجت خلاص
وبعد كدة وانا في الكلية انا حبيت واحد وارتبطت بية بس مكنتش بنساة حبيبي وفي يوم فؤجئت انة خطب اتصدمت وانهرت ولكن مسكت نفسي وبعدية بفترة قصية انا اتخطبت وفجاة قطع الاتصال وشوية ورجع اتصل وقالي انا بحبك وانا ضيعتك من ايدي وانا اسف وعايزك المهم تمالكت نفسي وقولتلة لا انا بحب خطيبي ولحد دلوقتي بيكلمني علي اننا اصحاب وفجاة من اسبوع عرفت انة ساب خطيبتة كلمتة وقولتلة ارجعلها ومتظلمهاش رفض وقالي انا مش بحبها وانا مخنوق تسمحيلي انكلمك لما ابقي مضايق قولتلة ماشي وفعلا بيكلمني بس انا خايفة اولا لاني اعتبر بخون خطيبي وثانيا حاسة انة بيسجلي مع العلم انة مؤدب جدا ارجوكم افيدوني اعمل اية معاة وازاي ابعد عنة والا هو صادق معايا وعايزني طب ما انا كنت قدامة اسفة لالاطالة بس ارجوك اقيدوني في عجل هو بيكلمني كل يوم ويرن كل شوية
مشاكل الخطوبة
حبيبي ساب خطيبتة وانا مخطوبة
اضيف بتاريخ: Friday, October 15th, 2010 في 03:24
كلمات مشاكل وحلول: اصحاب, اصدقاء, الحب, الخطوبة, حب, حبيب, خطيبة, فتاة, مشاكل, مشاكل الخطوبة
انا حاسه بيكى بس ممكن يكون مش بيحبك ولا حاجه وضيعى خطيبك اللى بيحبك واللى انتى بتعمليه دلوقتى ده خيانه ارضى بلى قسمهولك ربنا يعنى ارضى بلى معاكى وربنا يهديكى ويرشدك للصح
الحب من طرف واحد بدايته زى نهااااااااااااااااااااااايته
على فكرة ده يعتبر مخنوق وبيرتاح معاكى علشان انتى كنتى بتحبيه وارتاح معاكى لان هو اصلا لما بيكون فى مشكلة بيتصل بيكى لو بيحبك ماكنش هيروح يخطب خليكى مع خطيبك ترضى تبقى استبن
بصى اختارى اللى يحبك ومش تحبى اللى قلبك اختاروا ساعات بنسيء الاختيار واللى ربنا كاتبه ليك هو اللى لازم يكون سلمى امرك لربنا ,, وبلاش تكلمى الانسان ده حتى لو صداقه ,, لو ترضى ان خطيبك يكلم واحده صاحبته ,, ارضيها عليه ,, ربنا يسترك
ابعدى عن الشخص دة تماما لانة لو بيحبك كان حبك واتقدملك وانتى كنتى قدامه ومتظلميش خطيبك لانه هو دة ال حبك بدليل انه جة واتقدم وانتى مترديش ان خطيبك يبقي بيكلم واحدة وهما صحاب عايزة نصيحتى ابعدى خالص ولو حتى مش عايزاه كلمك غيرى خطك واكسرى الشريحة التليفون وارميها ومش هيبقي فى اى وسيله تكلمو بعض دة لو عايزة تحافظى على خطيبك ال بيحبك
انا من رأى انه لو بيحبك من الاول مكانش هيخطب واحده غيرك كان اول ما هيكون نفسه هيجى يخطبك انتى
مش هيعمل زى ما هو عمل ويخطب واحده ويستى لما انتى تتخطبى وبعد كده يجى يقولك انا بحبك طيب كان فين حبه دى لما خطب واحده غيرك وسابك تتعذبى وتتألمى, انا رأي انك متسبيش خطيبك لانه احتواكى وانقذك فى وقت حبيبك باعك فيه فمتسبييش اللى اشتراكى علشان اللى باعك صح ولا ايه ؟
بسم الله ارحمن الرحيم الانسان ده في عز حبيك ليه مقدركيش وانتي الوقتي مخطوبه لانسان اكيد هو بيحبك شوفي انتي اتعزبتي اد ايه عشان كنتي بتحبيه وحسسكيش بلاحب الي كمني محتجاه وقتها فيريت مضيعثيش خطيبك وكمان حبيه واكيد لو حولتي هتحبيه وهو كمان انسي الانسان ده لان كده انتي بتفقدي احتراميك لنفسيك واكيد هو هيقول لنفسه زي مهي عملت مع خطبها وكلمتني من وره ممكن تعمل معيا كده انا اسف لو كلامي جرحيك بس صدقيني كلاميه ده هو الي فيه رحتك وعسى ان اكرهو شيء ةهة خير لكمممممم حبي خيبك
ويارب يادم ليكو الي فيه الخير انتي وخطيبك يارب بس صدقيني الانسان ده معتش ليه امان
حبي خطيبك
“”” مع العلم انة مؤدب جدا”””” هو الادب بالكلام ولا فعل…مافيش واحد يكلم واحده مخطوبه او متجوزه ويكون راجل لان الرجوله اساسها ادب الافعال مش الاقول….. وياتري خطيبك عارف انك بتكلمي حد كصديق ….
هى كلمه واحده اسمعيها من اخ لكى
لو خطيبك انسان كويس فى نظرك وفى نظر الناس يبقى خليكى معاه يعنى خليكى فى المضمون
وربنا يوفقك
على فكرة دة انسان مستهتر لانة بيحب الحاجة الى مش فى ايدة اول ما ترجعيلو بجد هيسيبك
اختاري الانسان الي يحبك بجد مش لازم انت الي ب تحبيه وانا من راي اخوي الصقر الجريح
انا لا اقول لكي اتركيه او اتركي خطيبكي فحصلت هذه القصة مع شاب انا اعرفه اذا انتي بتحبي فعلا خطيبك زي ما بتحكي اله طنشي وانسي موضوعه والافضل انك تصلي صلاة استخارة الشب الي بعرفه دمر حياة البنت الي فكرت انه بحبها