مكنتش اعرفه بس بابا اصر عليه رغم ان ماما كانت رفضه حبيته مع الوقت بس هو يتحب بس المشكلة انه بيقول كلام وبيعمل غيره ويقول لاهلي انا زي ابنكم اطلبوا مني اي حاجة ولما يطلبوا ابسط حاجة يزعقلي في التليفون ويقولي مش تقوللهم ولو عملي حاجة يفضل يقولي فاكره لما جبتلك كذا وكذا بيمن عليا واهم حاجة عنده الحاجات اللي هجبهاله بيحلف انه بيحبني وبيعمل من الخارج بكلامه من هدايا وكلام حلو بس بيطلب حاجات مكلفة عايز يغرمنا وميمضيش ع حاجة ومجبش شبكة ع اساس انها مع الفرح حتى مقلش بكام شكله كدا مش هيجبها واخيرا راح حجز قاعة غالية وظبط بدلة ليه غالية ولاهله احسن لبس ولقيته جيبلي فستان قديم جداااااااااااااا وبيقولي عشان نوفر كفاية مصاريف اسكت واجيب واحد ع حسابي ولا اخد موقف من اللي بيعمله معايا حسه انه بيستألني مع اني اعلى منه في كل حاجة
hاية دة فى كدة بصراحة معظم رجالة اليومين دول كدة انانين لأنهمش بخيل غلى نفسة ربنا يهدية
طبعا خدى موقف عشان متتعبيش بعد كدة واضح انة بخيل عليكى اوى وبيعايرك بلحاجة اللى بيجبها ليكى البعد عنة احسن من انك تربطى نفسك مع واحد بخيل زى دة انتى اللى هتتعبى بعدين اللى بيحب حد بيتمنى يجبلة نجمة من السما وبيكون فرحان
سلام عليكم مينفعش ياحببيتي انتي اللي تجيبي الفستان لنفسك وبعدين هوة ازاي يختارلك الفستان اي عروسة هية اللي بتنزل تختارة يامة تشترية يامة تاجرة وبعدين طالما بيعيارك وانتوا مخطوبين يبقي هيعملك اية بعد الجواز انصحك تاخذي موقف لان شكل كد فرحك قرب وبعدين انت العروسة ازاي يعمل لنفسه ولاهلة كل حاجة وانت ميجبلكيش حاجة ويحجز في قاعة غالية المفروض ان قيمتك ومظهرك من قيمتة ومظهرة انت ممكن تتنازلي عن اي حاجة لكن انه يكون بخيل او بيمن عليكي مينفعش وانتي بتقولي انك احسن منه في كل حاجة وبعدين اللي بيحب بجد مبيستخسرش اي حاجة في حبيبة نصيحة اخت لاختها خذي موقف منه لانك هتتعبي لانه شكلي من الناس اللي بتهتم بنفسها بس وانه اناني وربا يوفقك وطمنينا عليكي M@H
دة هو يوم ف العمر والفستان من اختيار العروسة دة يومك وانتى الملكة فيه لازم تعملي لنفسك شخصية وتقدرك نفسك علشان تعرفى تجبرية انة يقدرك والله يوفقكم ان شاء الله
لا طبعا متسكوتيش ومتخديش منه حاجه لحد فتره كده .وهو طبعا هيسالك فيه ايه .قوللي عشان انت بتعايرني وكده وكمان موضوع الفستان ده انتي اللي بتنزلي تختاري فستانك مش هو اللي بيجيبه مش فرض عليكي .حاولي تتكلمي مع ابوكي وانتي لسه عالبر قبل ماتتحسب خطوبه
طيب لما هو كده من اولها بالله عليكى بعد الفرح حيكون وضعه ايه دا حيقولك روحى اتغدى واتعشى عند اهلك بقا علشان نوفر انا من رأيى انك تستنضفى حد وتتجوزيه او تفضلى فى بيت اهلك احسن من قرف البخلاء دول واسف على القسوه لانى فعلا بكره الرجاله البخلاء جدا مع الستات وكمان بكره الستات البخلاء ايه القرف ده