مشاكل الخطوبة

تعبانة نفسيا بعد الخطوبة

انا مخطوبة لابن خالتي وكنت بحبه جدا بس حاول انه يلمسني كذا مرة وكنت برفض وعملت معاه مشكلة وقولت لاخته ومحصلش حاجة وهو بيقولي دي حاجة عادية اذا كنتي لسه عذراء اضايقت من ردة عليا بحس انه اقل مني في التعليم بقاله كذا سنة في الجامعة وبيتحكم فيا اوي وبيفرض راية حتي لو معارض لراي بابا وفي مشكلة بينا قالي لوعملتي الحاجة دي تبقي بنت خالتي وبس وقدام خالو قولتلو كرامتي وممكن انهي الموضوع قالي مع السلامة فحسيت اني اتهانت ومش عارفة اعمل ايه لاني مش بيكلم معايا وانا مش غلطانة

مشاكل وحلول ذات صلة

اضيف بتاريخ: Tuesday, July 19th, 2011 في 02:30

كلمات مشاكل وحلول: , ,

23 رد to “تعبانة نفسيا بعد الخطوبة”

  1. اسلام
    01/08/2011 at 15:22

    اكيد الحلول السابقة تكفى بس عايز اضيف انه كرامتك فوق كل شى

  2. الحكيم
    22/07/2011 at 11:28

    أولا يجب أن يكون في كلامش مايدل على أنك جامعيه فالتصرفات الصادره من المراه هي ما تدعى الرجل يتصرف على ماهو عليه

  3. دينا
    21/07/2011 at 19:12

    دة شخص ميؤتمنش عليه او من العيال السيس بتوع الايام دى ميعرفش معنى المسئولية سايبها كده زى ماتيجى تيجى لازم يعرف انك جوهرة غالية اوى … صلى استخارة وربنا يقدملك الى فيه الخير حببتى

  4. lolo
    21/07/2011 at 13:03

    حبيبتي اذا انتي بتحبيه وهو بيحيك كملو مع بعض واتزوجو ويمكن بعد الزواج انو تقدري تغيري من طبعو وشخصيتو وانشاء الله بيكون بعدها الوضع كويس

  5. سترك يارب
    20/07/2011 at 00:42

    انا من رأيى انه بيعملك كده قبل الجواز امال بعد الجواز هايعمل ايه ؟!
    وبعدين طلاما مش بيديكى حريتك وبيغصب عليكى رأيه , فاتأكدى انك هتعيش معاه بعد الجواز اسيره ليه
    وخليكى فاكره ان الحب بيقل بعد وقت من الجواز يعنى المعامله هتبقى اوحش من كده بعد فتره من جوزكوا

  6. العمدة
    19/07/2011 at 23:59

    بجد لو بتحبية خاليكى معاة وفى اديكى تغايراية من كل الى بيعملة معاكى وحاولى تلنى انك تخلية انسان من جديد بجد انا حاصلى كل الى انتى حاكتية بجد خلىكى معاة

  7. عبدالله
    19/07/2011 at 20:41

    السلام عليكم اولا اختى الكريمه ،حل مشكلتك ان معظم الشباب بقى دلوقتى بيفكر بالطريقه دى ، وللأسف الشديد ان العيب مش بيبقى فى الشاب العيب بيبقى فى حسن الاختيار ، قال صلى الله عليه وسلم اذا جاءكم من تردون دينه وخلقه فزوجه إلا تفعلوا تكن فتنة فى الارض وفساد عريض ، فانتى حاليا تحاولى انك تاخدى بيده الى الالتزام وقاعدتك معاه تكون فى وجود محرم غير كده لا يجوز شرعا وكلامك معاه يكون فانكم نفسكم تكونوا اسره قائمه على طاعة الله وانجاب ذريه صالحه ، تجاوب معاكى يبقى خير وبركه متجاوبش معاكى ، يبقى انتى نفسك تبدأى تتجه للالتزام التام ومعرفة ما يحكم به الشرع فى العلاقه بين الخاطب ومخطوبته وتبدأى تغيرى فى افكارك بحيث يكون الفكر زى ما قولت لحضرتك فى تكوين اسره قائمه على طاعة الله ونسأل الله التوفيق لشباب وبنات المسلمين والموضوع فيه الكثير ولكن حتى لا أطيل وبارك الله لكم .

  8. نورا
    19/07/2011 at 19:30

    بصراحه كده يبقى ليكى حق انك ترفضيه اولا لرده عليكى وانتى بتقليله بتعمل كده ليه وثانيا علشان وبيفرض رأيه على باباكى وبتقليه كمان ممكن انهى الموضوع يقلك مع السلامه لو باباكى مش موافق ان تنهى الموضوع اشرحى ليه بيقولك ايه وكده وطبعا باباكى مش هيقولك لا

  9. مجهول
    19/07/2011 at 19:08

    شوفى فترة الخطوبة معمولة علشان نتعرف كويس على الشخص اللى حنعيش معاة بقية حياتنا
    اذا كنتى مش مرتاحة معاة سيبية
    انا اسفة بس فية هنا مشاكل كتير
    حكاية انة يلمسك وانتم لسه مخطوبين المفروض يحافظ عليكى دة لو كان بيحبك وخاصة انة ابن خالتك.
    كمان احساسك انة اقل منك فى التعليم دى مشكلة في حد ذاتها ممكن تاثر عليكم بعد الزواج
    من رايى عيدى تفكيرك فى الموضوع من تانى وصلى استخارة وربنا يقدملك اللى فية الخير.

  10. هيماء
    19/07/2011 at 18:48

    شخص لا يستحق الارتبات به لانه لو انسان جاد كان خاف عليكى

  11. H
    19/07/2011 at 18:40

    شوفى بحمدالله وبفضله الأمور واضحة وتأكد أنك لازم تسيبى ابن خالتك
    أذا كان قبل الزواج قبل ماتبقى ملكه بيعمل كده معاكى بصى الواحدة قبل ماتتجوز فيه فرصة قدامها كبيرة أناتختار بتأنى الراجل اللى يصونهاويحافظ عليهاوفى أى لحظة لومش مناسب ليكى تقدرى تفسخى بسهولة لكن بعدالجوازلوكان مش مناسب هيبقى الطلاق شئ صعب
    الحقيقة أنتى أنسانة محترمة لأنك رفضتى انه يلمسك أنابهنيكى وبقولك تفتكرى لوكان بيحبك كان ممكن يفكر يلمسك الحب هوا أسمى من كده بكتير الحب عمره ماكان نزوة ولو ابن خالتك كان بيحبك مكنش عمل كده لأنه كان لازم يصونك
    بجد بنصحك أنك تفسخى الخطوبة لأن من كلامك الشخص ده مش مناسب ليكى
    أختى دلوقتى الموضوع سهل لأنه خطوبة مش أكتر أختى أتوكلى على الله وأفسخى لأن واضح من كلامك أنك مش مرتاحة وأصبرى أن الله مع الصابرين وأن شاء الله حتلاقى شخص أنسب منه
    شوفى كام واحدة متجوزة ندمت على زواجها وأتمنت أنها كانت أحسنت الاختيار
    أناكان ممكن أقولك صلى صلاة استخارة لكن أعتقد والعلم لله وحده أن الأمور واضحة وان هذا الشحص ملئ بالعيوب ولا أرى له أى مزايا من كلامك وأخيرا أسأل الله الرحمن الرحيم أن يرشدك الى القرار الصائب الذى يحمل لكى الخير وصلى اللهم وسلم وبارك على سيدنا وحبيبنا محمد عليه أفضل الصلاة والسلام

  12. نجم الجيال
    19/07/2011 at 16:41

    بصى يا اختى نصحتى ليكى انيك تسبى لانو مش بيحبيك لان اللى بيحب بجد بيخاف على اللى بيحبو مش هقوليك من حد لا بيخاف على من نفسو هو يعنى من الاخر هو مش بيحبيك يعنى سبى وانتى مش ندمنا لانو ميستهلش حبيك وان شاء الله ربنا يرزوقيك بانسان يحبيك ويستهليك وربنا يحميكى ويهديكى ويستر عرضيك

  13. مشمش
    19/07/2011 at 16:35

    اكيد ده انسان ميستهالكيش لأنه مش بيراعي ربنا فيكي ومفروض ميقربلكيش لو خايف عليكي
    ومتكلميموش ولا حاجة ولو عرف غلطه واعتذر وغير نفسه اديله فرصة تانية لكن غير كده مينفعش ترجعي واكيد ربنا هيوفقك للخير

  14. فريد
    19/07/2011 at 15:46

    خطوبة الأقارب غالبا ما يغيب عنها الحب وفهم المشاعر وتبادلها وذلك للتعارف المسبق أو نظرا لانعقاد الخطوبة تحت الظروف العائلية العرفية وهذا ما يعقد الخطوبة بين الطرفين فينعدم فيها التكامل والتفاهم وهذا ما حدث معك يا أختي ، ابن خالتك يراك قريبة أكثر من حبيبة يعني هو لا يقدرك على أساس الحب المبني على الثقة والاحترام والمفاهمة والتكامل بل يقدرك على أساس بنت خالته التي يرى نفسه أنه عامل فيها خير لأنه خطبها خاصة لو كانت قد تمت الخطوبة وحددت بموافقة عائلية تقليدية والشعور بالشهوة نحيتك ومحاولة لمسك وإرغامك على ملذاته راجع لأنه يشعر أنك ملكه لأنك ستكونين زوجته وعندما يكون الحب ضعيها أو منعدما يتولد الشعور بالشهوانية واللذة من جراء عاطفة التملك نحوك لذا هو ينظر إلى العلاقة الجنسية بينتك كأنها عادية ويبررها على حلال مادمت أنت عذراء وأنا أحييك لأنك ما سمحت له أن يلمسك في شرفك الذي أعزك الله به لأنك تعرفين قيمتك
    لذل يا أختي حاولي أن تحافظ على شرفك وكرامتك ولو أصر على إجبارك على الشهوانية وأهانتك في كرامتك وأفكارك ومشاعرك لأنه من المفروض هو أول واحد بحافظ عليك ويصونك حتى تحسين بالعزة والكرامة معه وليس بالخوف منه والاهانة هنا الحل يكون “مع السلامة”مثلما قلت لأن الخطوبة هي بمثابة الزواج النظري وهي تمهيد للزواج وتقريبا ما يحث في الخطوبة قد يتواصل في الزواج لذا يجب على المرأة أن تحس بالحب والاحترام والأمان وأنها مفهومة غير منبوذة من خطيبها فان لم تحس بشرفها العغلي وقيمتها العالية على أساس أنه بحبها لذاتها وروحها وليس لجسدها أو مصلحة ما فأكيد الزواج سيكون غير مستقرو خالي من السعادة

  15. قلب مسلم
    19/07/2011 at 14:44

    ممن دلوقتى قال مع السلامة وانتوا لسه مخطوبين بعد الجواز هيعمل ايه

  16. نور اليقين
    19/07/2011 at 13:48

    من خلال ماكتبتي تبين لي بأنه شخص غير ناضج في تصرفاته
    منقاض لشهواته يرى منك تسلية ومتاع لاأكثر
    نصيحتي لكي حاولي بأن تكتشفي شخصيته لكي تتعلمي فنون التعامل معه
    وأن تكسبي قلبه بأن تجعلي منه شحص محب لكي أغتنمي فترة الخطوبة بأن تتعرفي عليه جيدا لكي لاتندمي على زواجك منه
    وأن رأيته شخص غير ملائم لكي ولايتفق مع تفكيرك ومبادئك وقناعتك
    نصيحتي بأن تتركيه عسى أن يعوضك الله عزوجل بشخص يفهمك ويحترمك كخطيبة وحبيبةوزرجة

  17. دموع منسية لفتاة الاحزان
    19/07/2011 at 13:45

    نصحى اوعى تقللى من نفسك واحفظى كرامتك حتى لو وصل انك تنهى الموضوع هو لو كان بيحك بجد هيحافظ عليكى ومش هيعمل كدا خليكى اقوى من كل حاجه حوليكى ومن ابن عمك طالما انتى مش فارقه عنده خلاص كملى حياتك عادى وانت بنت جادعه ومش غلطانه

  18. الملاك محمود الحزين
    19/07/2011 at 13:34

    السلام عليكم حبيت اقول للا خت الى بتقول ان ابن خالتها دا انسان مش محترم وهوا كمان هيعرف قيمه الكلام دة او كما قال كما تدين تدان ولو بعد حين زى ما هتعمل هيحصل ليك وانتى يا انسه خلى بالك من نفسك حياة البنت فى شرفها ولو الحاجه دى راحت يبقى احسن حاجه تموتى نفسك وسيبك منه دة مش ممكن يكون ابن خالك ابدا دة انسان معدوم المبدأ ومعندوش شخصيه دا الواحد مننا لو ماشى فى طريق وشاف بنت وفى واحد بيعاكسها بيروح ليه وممكن يضربه بس هقولك حاجه الى يظلمك تقولى ليه……. حسبى الله ونعم الوكيل ….. مع اطيب التمنيات القلبيه لكىبحياة سعيدة اخوكى الملاك الحزين محمود ……………………………………سلام عليكم

  19. no love
    19/07/2011 at 11:02

    انا رأئي انك تسبيه مش معني انك بتحبيه انك تتنازلي عن كرامتك لأن بعد الجواز هايتحكم فيكي اكتر والواضح انه مش سوي استخيري ربنا وحكمي عقلك قبل قلبك وفكري كويس وياريت متسبيش نفسك ليه عشان ممكن ياخد الي هو عايزه ويسيبك

  20. مى
    19/07/2011 at 10:39

    انتى مش غلطانه حالوى تعرفيه ان انتى قويه وبكرامتك ادام هو مش عارف امتك يبقى خلاص مع الف سلامه ةودورى على واحد غيرة هتلاقى الى احسن منه مش احسن ما يوم تلاقيسه بيتهجم عليكى بدل ما يلمسك وانتو ايه رأريكو؟

  21. المحتار
    19/07/2011 at 08:39

    كرامتك فوق كل شئ

  22. مصري بالخارج
    19/07/2011 at 08:24

    حافظي علي نفسيك واوعي يلمسك ومش عيب ان انتي تسيبي

  23. نصيحة اخويه
    19/07/2011 at 03:42

    دي مش محتاجه استشاره قوليلة انا عذاء غصب عنك وعن الي يشددلك ماتغلطيش غلطتي وقولي لوالدك ولخالتك الي بيعمله واللي بيقوله واعرفي ان الشخص دا عمره ماحبك صدقيني انا وقعت زيك كدا بس الحمد لله ربنا ستر ممكن مايسترش معاكي انا دلوقتي ندمانه وفسخت الخطوبة لاني كنت فعلا قرفانه منه ومني مع العلم انو كان لسه متمسك بيا ودا بايعك خالص فكري وصلي استخاره ربي معك

اترك رداً أو حلاً لهذه المشكلة