انا مخطوبه من سنه وفرحي قرب وبقالي شهرين في مشاكل دايما مع خطيبي وانا بحب خطيبي جدا وهو كمان بيحبني بس مشكلته انو بيكابر في مشاعره واوقات كتير بحس بجفاف المشاعر منه وكنت في اول خطوبتنا دايما بلاقي مشكله مع خطيبي انو كان بيزعل من الهوا وكنت دايما بصالحه واتاسفله واوقات مبكونش غلطانه وكان الخروج بازنه ومكنتش بعرف ازور اختي المتجوزة لانه مبيوافقش عشان هو مبيحبهاش بدات انا امعرفوش انا رايحه فين عشان مش من حقه يخنق عليا لاننا لسه مخطوبين واليومين دول في مشاكل بسبب انو مبيعترفش بغلطه وشايف كل الغلط عادي واوقات كتير بيتكلم معايا كانه بيكلم واحد صاحبه وبيقول الفاظ ميصحش يقولها لبنت وفهمته كزا مرة اني بنت الالفاظ دي بتجرح ومفيش فايده هو بيكابر يعترف بغلطه وشايف الغلط صح وانا احترت افهمه انو غلط ومش عارفه مزعلش منه اعمل اي
انشاء الله بعد الجواز هيتغير عارفه ليه لسبب بسيط هو بيعمل كده علشان احساسه برجولته مش اكتر
انشاء الله بعد الجواز هيتغير وهيكون احسن من كده هو شعور داخلي للرجل اي الاحساس بلرجوله ليس الا
نصيحة من واحد مجرب النوع ده بس بالعكس لاني ولد
المفروض ان فترة الخطوبة دي فترة تعليش ما بين اتنين المفروض انهم هيكملوا حياتهم مع بعض
وكل واحد منهم بيقيم التاني وبيحاول يغير من التاني عشان يبقى قدر كبير من التفاهم والتوصل عشان الحياة تمشى بدون مشاكل عشان لما يتقفل عليهم باب واحد يبقوا عايشن فى الجنى مش فى الدنيا وده من خلال شوية عقل فى المشكلة ومش عيب لما الراجل يكون غلطان ويقول انا غلطان ويعترف بغطله لمراته اكيد هكيبر فى نظر نفسه الاول قبل ما يكبر في نظر مراته
الاعتراف لابالحق فضيلة ومن صفات الرجال
لا قدر الله لما يكون فترة الخطوبة واضح من خلاللها ان مفيش اى تفاهم بين الطرفين ده مؤشر واضح جدا بيقول ان الحياة بينهم بعد كدا هتبقى مستحيلة ولكها مشاكل …. طيب ليه ؟
الانسان اصلا حياته كلها طول عمره مشاكل مه اهله فى البيت وفى الشغل ومع صحابه ويبقى مستني اليوم اللى يترمي فيه في حضن حد يعرف يسمعه ويهون عليه ويحلل له كل مشاكله ويبقى واقف فى ظهره على طول مش يزود لى المشاكل اللي في حياتي اصلا
الواحد هيتجوز كام مره فى حياته ………. عن نفسي هي مرة واحد ان شاء الله تعالى
فلازم تكون الانسانة اللى هتربط بيها دي مطابقة لى 100 % ومتفاهين جدا ولو مكانتش كدا يبقى قلتها احسن واستني الانسانة اللى تعرف تملي عليا حياتي
نصيحة من واحدة مجربة النوع ده يتساب وفورا بما انك ادتيله فرص كتير ومفيش فايدة هو اخد انك انتي اللي تصالحيه بعد الجواز هتندمي اشد الندم الزواج تكافؤ وواضح ان هو شادد علي طول الخط وانتي اللي بترخي وهيجيلك وقت وهتتعبي فكري كويس قبل ما تتجوزيه وتندمي والنصيب عند ربنا
أقولك حاجة معلش
اللى خلاكى تكتبى قصتك ديه سبب ضغطك النسى الداخلى أما ماسيحدث حاجة من الاتنين….
1-انه حيسيبك من نفسه لأن مستحيل شاب يكون بالاوصاف دي داخل على كتب كتاب ودخلة الا مايكون مل من خطيبته
2-انك بتزعلى على طوووول منه وده حقك لتصرفاته غير السوية والخاطئة مش مقتنعة بما يأمر بيه بدأتى تكسرى كلامه عشان انتى مش مقتنعة بيه يبقا أكيد فى الاخر حتسيبيه..
أختى العزيزة…..
بلاش فى أحسن منه محترمين ياما هى مش المشكلة أن جوز وخلاص المشكلة فى تواجد الشخص الصح اللى يحافظ على حضرتك ويصونك ومايزعلكيش أبدا أنتظرى ده وادعى ربنا وتضرعى فى الدعاء وان شاء الله حتلاقيه
وشكر
انا رئي انك تعملي صلاة استخارة وشوفي هتوصلة لفين لو في خير ربنا يكرمك بي لو مافيش غير ربنا يبعدة عنك ويكرمك بالاصلح ليكي بأذن الرحمن ربنا يبعد عنك العين
أنصحك أتركييييه
سيبوا بعض فورا , لية علشان فترة الخطوبة تجربة قبل الزواج لمعرفة قدر التفاهم بين الطرفين فاعرفى الاتى :
1- كل انسان لدية عيوب والعيوب لا تتغير ولا تتعدل الانسان بيموت بطبعة ( اللى قابل للتغير السلوك وليس الطباع )
2- يتم الاختيار بين الطرفين بناء على العيوب وليس المميزات !! لان الخلاف ما هو الا اصطدام عيب كل طرف بالاخر ( فاذاعرفتى عيوبة وقدرتى تتعاملى معها ولا تصطدم بعيوبك يبقى خير والا فلا داعى )
3- اخيرا كدا اصبح لديكى خبرة بعيوبك انتى وبالتالى ستعرفى تختارى لنفسك اللى يناسبك ( يعنى انا مين ينفعى اى شخصية اتناسبنى اتعامل معها ونعرف نختلف ونعرف ازاى نتصالح
؟ ) دا كلام ناتج من خبرة عملية فلا داعى نتعلم بانفسنا طالما ممكن نتعلم من تجارب الاخرين مع الشكر والتفيق عزيزتى خالد الاسكندرانى ..
بصى انتى بتحبيه اكتر وده اللى خلاه يتحكم فيكى لانة عارف مقدار حبك وانه مهما عمل فيكى هتستحمليه وفيه ناس بتعتبر الحب ضعف انا مش هقولك سبيه لانى حطيت نفسى مكانك وعارفه ان ده صعب علشان كدة الحل انك تحسسسيه ان حبك بيقل وانك مش راضيه عن افعالة وان مش صعب عليكى انك تسيبيه لانك زهقتى وبطلى تجرى وراه وخدى موقف من كل تصرف بيعمله وخليكى قوية وهزيه
حاولى تقولى لحد قريب منه زى اخته مثلا اخوه حد بيسمع كلامه يعنى انا بعمل كدا لانه لما حد م اهله يعرفه انه غلط ممكن يراجع نفسه لكن كبرياء الراجل بيمنعه انه يعترف بغلطه قدام خطيبته بفهمه هو انه كدا بيحسسها انه ضعيف وكمان لازم يفهم انى دى اختك وان صلة الرحم ملهاش علاقه بحبه ليها ولاز تتعودو انكو متقولو الفاظ خارجه لانكو بعد الجواز مش هتقدرو متقولهاش وع فكره هتجيب مشاكل كتير هتبدى بقله احترامكو لبعض وتعدكو عليها هتغلطو ف بعض قدام الناس فلازم تعودو لسانك ع الكلام الحلو وبس واللى يزعل م التانى يفضل انه يبعد لحد ميهدى ويفكر ف كلامه قبل ميقوله وربنا يهديكو ويسعدكو يارب
شوفي نصيحة لله والله العظيم هتندمى لانك مش هتتحملية بعد الجواز وهيكون اسمك منفصلة وتها انتى مش قادرة تتحملى تصرفاتة من دلؤتى يبي ازاى هتقدرى لما تتجوزو حتى لو بتحبية اقسم بالله هيتحول كراهية كلمى اهلك وعرفيهم قبل ماتندى وربنا يرزقك باانسان محترم عاقل وبالتوفيق ان شاء الله