انا مخطوبه بقالي 8 شهور وخايفه خطيبي يطلع بخيل ساعات بحس انو بخيل وساعات لا اول مره جييه عندنا عادي زي اي عريس بيجيب هديه زي علبه شوكلاته جيه بعديها مرتين وكان الصراحه بيجي معاه هديه المهم يوم الشبكه كانو متفقين ع 6000 دهب وانا مكنش عندي اعتراض المهم رحنا جبنا الدهب ونقيت دبله واسوره وخاتم لقيتو هو ومامته قالو لا شيلو الخاتم وجبنا 4800 بس المهم احنا سكتنا ومحرجنهمش بس دايما لما بتكلم معاه بحس ساعت انه بخيل بقوله مثلا انا حجيب غسلتين يقولي ليه الافترا ده هيا غساله واحد يقولي انا اعرف ف ناس بتجيب 30 فوطه للعرايس قولتله انا جايبه 60 فوطه قالي ليه احنا حنتاجر فيهم بحس ومره وساعات بحس انه كويس يعني كنت عامله عمليه وكان جايبلي الروشته ومرضاش ابدا ياخد فلوس مش عارفه انا عايزه اتاكده هو بخيل ولا لا عايزه حد يقولي ع اسئله اقولهالو من غير احراج ساعت بحس ان ده عيب فيه وبحس كتير ان استاهل حد احسن منه من نحيت الماديات ومره كان جيلنا وكان جايب معاه هديه ماما قالتله ليه التعب ده المره الي بعديها مجبش حاجه وساعات يدخل بايده فاضيه وبكون محرجه جدا ومش طايقاه 🙁
يعنى الراجل بيقولك بلاش افتري لما (انتم) اللى هتجيبوا الغسالتين ..
ايه بقى البخل فى كده ؟؟
هو مش عايز يتعبكم انتم ؟؟
انتم اللى هتدفعوا مش هو ؟؟
وبعدين انتم كبنات بتحبوا تفتروا فعلا ؟؟ والراجل مش عايز يكلفكوا يبقوا هو البخيل ؟؟
صراحه انا شايفه انك انت طماعه ايه 20 فوطه وغسالتين في حديث عن الرسول عليه الصلاه والسلام قال (اقلهن مهورا اكثرهن بركه)وانت عارفه حال البلد ولازم تكوني قنوعه واهم حاجه يكون ذو دين واخلاق وراجعي نفسك والراجل بجد لا يعيبه الا دينه واخلاقه وربنا يقدرلك الخير كله يارب وصلي صلاه استخاره وربنا هيبينلك الخير ان شاء الله
شوفى ا1ا كان بيساعد الناس و لا لأ شوفى مثلا فالاجازة بيعمل ايه ! بيخرج بيسافر كدة و لا بيحب يوفر و يعقد فالبيت كدة لما بيروح مناسبة بيشترى ايه اسأليه عندى عيد ميلاد اجيب ايه لصاحبتى انت ايه رايك ! هيبان بس انتى لو حاسة انو بيخيل فكك منه الراجل ميعبهوش الا جيبه و البنت بتحب تحس ان الراجل بيجب و بيعمل و تحس بأهتمامة و كرمه معها 🙂
احمدي ربنا انا لسه مخطوبه من شهرين في الخطوبه اتفقوا علي شبكه ب7000 وانا عشان فرحانه اني هتخطب اقنعت باباوماما ولكان نفسي اعمل خطووبه في قاعه مش رضي علي الرغم اننا اللي كنا هنعمل وقالي انا لسه هجيب بدله وانتي تروحي كوافير خليها علي الضيق وانا اتنزلت وفقت اول مره خرجت معاه ركبني سيرفيس ومش ركبني تاكسي ورحناه عند قريبته احنا رجعين جاب ليا ايس كريم بصراحه تعب نفسه وانا من ساعتها خايفه ليكون بخيل في مولد النبي جاب ليا علبه حلوي مش تكمل كيلو وكل مره بيجي ومش بيجيب حاجه ولما واحده قريبته تبقي صاحبه ماما وقريبه مني اوووي لما عرفت كده لفتت نظره تاني مره جيه فيها جاب ليا عروسه لعبه وهو جاي وعلبه حلويات والكل يقولي حرام عليكي مش تحكمي عليه بالبخل ممكن تكون ظروفه وكمان لما بيجي وانا افتح النت ويجي صور للعفش بيبقي عادي خالص يقولي ده مكلف وده عاوز فيلل انا مش هعمل حاجه دي انا هعمل اللي علي مزاجي لما جيت اشتكي لباباه وباباه بيقوله ايه اللي خلاك تقول كده قالي انا مش فاكر اني قولت كده وكان في مطبخ برضه بالصدفه وانا قولت عليه حلو قالي اعمليه اهوه انتو اللي هتعمله ويوقلي انتي هتجيبي مكيف
بصراحه هوا بخيل اديكي نصيحه انتي سبيه واكيد الف من يتمناكي
ههههههههههه بصراحة التعليقات تموت من الضحك ههههههههههههههههه ليش بس تشوهي سمعة البنات ليفكرو الشباب ان الكل هيك واكثر شي خلاني استغرب لما قلتي انا خاسة اني استاهل واحد احسن منو في الماديات ليش حبيبتي انتي شايفة نفسك سلعة وتتزوجي يلي يدفع اكثر ؟؟؟؟؟في بنات لا يطلبو لا مهر ولا ذهب تعرفي ليش؟ لانهم لو يطلبو يحسو انهم للبيع و بصراحة لو تصير القصة قصة بيع فلازم البنت تغلي نفسها وتعرف ان قيمتها لا تقدر بثمن ..راجعي نفسك كويس وفكري بعقل انتي داخلة على تكوين اسرة ومسؤولية والف مبروك
البنات او الحريم بوجه عام ميملاش عينيها غير التراب
هو لازم كل مرةو يجي بحاجه في ايده
والمفروض ان انت تخافي اكتر من اي حد علي كل مليم يخرج من جيبه
دا انت بعد الجواز هتخلصي علي كل اللي قدامه والي وراه
ربنا يهدي صنف الحريم يارب
هو الواحد لما يخطب المفروض كل مره يدخل بايده حاجه ؟؟ بلاها الجواز انا اصلا مش عاوز اتجوز مفيش احسن مت العزوبيه
مش بخيل انتي الطماعة والمسرفة
لالالالا هو مش بخيل بس بيحب يحط القرش في مكانه ويحب الاعتدال في الشئ مهي غسالتين برده يعتبر تبزير . بصي انتي ممكن تحطيه في مواقف تعرفي منه اذا كان بخيل ولا لا . مثلا لو رحتوا كافيه او مطعم يدي الجرسون بقشيش ولا لا ، او لما تكونى معاه يركبك في زحمة الاتوبيسات مثلا ولا ياخدلك تاكسي حاجات بسيطة زي كده تبينلك . وكمان انتي لازم تفهمي زوجك علشان تعرفي تتعايشي معاه وعلي قد دخله ولا ايه …. ربنا يتمملك علي خير
ع فكره مش مشكه هو ممكن يكون حريص شويه و ده فى الاخر عشانك عشان تعرفوا تعيشوا مع ظروف الحياه اللى جايه و كمان ده مش لدرجه انك تقولى عليه بخيل …عشان البخيل ده اللى مش بيصرف حتى على نفسه او الناس القريبه منه لكن خطيبك ده بيصرف برضو مش لدرجه البخل يعنى و ربنا يوفقك و يكرمك بكل خير باذن الله
بصراحة انتى معاكي حق في نقطة الشبكة بس خطيبك مش بخيل انتي بس اللى طماعة زيادة عن الازم يعني اية تستاهلي واحد احسن منه في الماديات وبعدين هو بيقولك لية الافترا دة عشان هو انسان قنوع وهو مش دافع فيهم يعني واحد غيره كان قالك كويس وفرح وكدة لاكن هو قنوع وعايز يوفر ليكوا مش انك تقولي عليه بخيل وبعدين هو انتي عيزاة كل مرة يدخل فيها بيتكوا يجبلك هدية على اساس اية يعني بجد انتي انسانة غريبة اوي هو هيجهز الشقة ولا هيجبلك هدايا