مشاكل الخطوبة

غيرة بنت خالتي مني بعد خطوبتي

السلام عليكم أريكم ياجماعه هطول عليكوا شويه بس معلش اصلي برغي كتير اوووي خشي في الموضوع يابت
المهم أنا بنوته صغنونه عندي ١٧سنه
أنا بقا بحب احل مشاكل الناس لان قلبي كبير لأني مقهوره من اللي بيحصل كل ماشي يتقدم وهو عنده مثلا من٢٥ ل٣٠ سنه ياخد البنوته الصغيره ويسيب الكبيره مش فاهمه ليه المهم أنا عندي واحده قريبتي عندها٢٥ سنه ومش مخطوبه وكل مايتقدم عريس اكبر منها ياخد أختها الصغيره يالهوووي البت اتقهرت فانا قررت أني اجبلها عريس >>>>>>عامله خاطبه علي اخر الزمن المهم صحبتي عندها اخوها عمره٢٦ فطبعا قررت أنا وهي نعرفهم ببعض فانا رتبت مع العيله بتاعتنا اننا نخرج نتفسح وطلبت من قريبتي تلبس احلي حاجه عندها وتبقي مزه احلي من كل البنات ورحنا قعدنا في كافيه وكده وبعدين استأذنت اننا نقوم نتمشي واهلنا وافقو وطبعا صحبتي مستنياني واخوها ميعرفش حتي طبعا لما قابلتها بالأحضان وكده وكأني مشفتهاش من سنه مع انها قارفاني كل يوم طبعا عزمتنا نشرب حاجه قعدنا وشربت الكوكتيل اللي بحبه ببلاش طبعا وقعدنا نتكلم وقمنا مشينا بعدها أنا طول الطريق بكلم قريبتي عن اخو صحبتي وانه بيدور علي عروسه وهي فهمت انو قصدي عليها وفرحت اووي وصحبتي كلمت اخوها بس العبيطه محددتش هي بتتكلم عني ولا عن بنت خالتي طبعا بعد اسبوع صحبتي بتكلمني وبتقولي عاوزين نقابل والداك قلتله ابويا أنا الحج اللي قاعد مع الحجه جوا بيتفرجوا علي النشره قالتلي اه قالتله عاوزاهم في إيه قالتلي في موضوع جواز قلتلها انتي ناويه تيجي تخطبي اخويا ده خاطب شتمتني طبعا وفهمتني ان الخطوبه ليا طبعا أبوها كلم بابا وجم عندنا وبصراحه أنا كنت فرحانه لان ا*** مهندس وامور وأي بنت تتمناه ففرحت اووي ونسيت قريبتي وانا وا*** بنحب بعض بجد المهم بعد الخطوبه قريبتي بتكرهني وبتقول أني كنت عارفه ان العريس ليا واني كنت بستهزق بيها بس والله لا وهددتني انها تقول لأهلي أني كنت علي علاقه بأخو صحبتي مع أني اول مره اشوفه في حياتي والله وعمري ماكلمت حد المهم هي بتحاول تاخد مني بكل الطرق لدرجه انها عملتله عمل وفضلنا فتره متخانقين بس أنا عاقله وكنت بحاول اقرب منه لحد ماكتشفنا وفكينا العمل أنا خائفه منها اووي بتحاول تعمل اي حاجه وتاخده مني لدرجه مره كانت عندنا وخرجت بشعرها وكت قدامه طبعا هو اتحرج وقام خرج أنا مبقتش مستحمله تفتكروا أسيب ا*** عشان اتفادي المشاكل أنا خايفه تعملنا عمل وحش تأتي أنا بحب ا*** وهو بيحبني بس اعمل إيه هو أنا أنانيه لما وافقت عليه بس ده نصيب وكلمه اهلي فوق كلمتي قوليلي اعمل إيه أرجوكم

مشاكل وحلول ذات صلة

اضيف بتاريخ: Monday, July 9th, 2018 في 05:33

كلمات مشاكل وحلول: , , , ,

ردود to “غيرة بنت خالتي مني بعد خطوبتي”

  1. Sheerif
    15/07/2018 at 17:01

    اعتقد ان هذه الخطوبة لن تكمل علي خير
    كفايه العين اعملي استخارة بدل ماتتجوزي وحياتك تقلب جحيم مش بالشكل والله ولا الوظيفة الجواز حاجه تانيه عشره عمر ‘حد هتعيشي معاه طول حياتك في حجات اهم

اترك رداً أو حلاً لهذه المشكلة