السلام عليكم
انا مخطوبة من شهر ونص وخطيبى سافر يشتغل ف بلد خليجية قبل العيد على طول
خطيبى اتقدملى عن طريق واحدة صاحبة مامته وف نفس الوقت جارتها وصاحبة مامته دى بتشتغل مع عمتى فسالت عمتى ان كان عندها عروسة فقالتلها عليا والحمد لله ربنا تمم على خير
المهم بقا ان اول يوم عيد حمايا اتصل بيا عيد عليا وسلم على ماما وبابا وماما كلمت حماتى وعيدوا على بعض ورحت مكلماها بعد ماما فلاقيتها بتقولى فى نص المكالمة ان شاء الله هنجيلكم فاتحرجت اسالها امتى لتفهمنى غلط انى بقولها مثلا تعالى عيدى عليا
فهنا حصل سوء التفاهم قلت خلاص نستنى لغاية المغرب محدش اتصل فيهم يبقوا مش جايين النهاردة فنروح نعيد على نينتى وفعلا محدش اتصل وخرجنا فلاقيت اخت خطيبى اتصلت بيا بتقولى فينك قولتلها برة قالتلى اصلنا كنا ناويين نيجى بس يلا حصل خير قولتلها مش عارفة اقولك ايه بس احنا خلاص خرجنا قالتلى لا مفيش حاجة ولا يهمك ان شاء الله نيجيلك بكرة قولتلها تنورونا
تانى يوم العيد لاقيت حمايا واخت خطيبى بس هما اللى جايين فسالنا على حماتى قالولنا انها تعبانة فلاقيت خطيبى بيكلمنى بيسالنى انتى لما ماما كامتك قالتلك ايه وقولتلها ايه
قولتلها اللى حصل قالى اصلها زعلت لانها بتقول انها قالتلك انهم جايينامبارح وانتوا خرجتوا حصل سوء تفاهم بس المفروض كنتى تساليها كانت هتيجى امتى قولتله اتحرجت اسال قالى خلاص كلميها بس واعتذريلها على اللى حصل منك بس مش تقولى لمامتك او لبابااكى علشان مش يزعلوكى قولتله ماشى كلمتها وصالحتها واعتذرتلها على سوء التفاهم والموضوع انتهى يوميها واتصافينا
لاقبت بابايا بيتصل بيا من شوية بيقولى هيا الحاجة حماتك زعلانة منك قولتله عرفت منين يابابا قالى كلمتيها قولتله مين بس اللى قالك قالى صاحبة حماتك قالت لعمتك وعمتك جت قالتلى قولتله اه كلمتها وصالحتها والموضوع انتهى قالى ماشى بس بعد كدة المفروض تسالى هيجوا امتى علشان مش يحصل زعل بس اوعى تقولى لمامتك قولتله حاضر
المشكلة بقا ف ان حماتى كدة بتحكى كل حاجة لصاحبتها دى وبكدة مفيش حاجة بتستخبى عندها وخطيبى كان قالى اوعى تقولى لحد ومامته هى اللى عرفت صاحبتها وصاحبتها عرفت عمتى وعمتى وصلت لبابا
فهل اقول لخطيبى اللى حصل ولا اكتم جوايا علشان هو ف غربة ولا اعاتب مامته ولااعمل ايه بس
اسفة للاطالة بس ياريت تنصحونى
يابنتي الحبيبة حماتك دي تعمل كدا معاك وانتم لسه على البر امال اذا تزوجتم هتعمل معاك ايه في كل صغيرة وكبيرة في حياتكم هتدخل فيها اي نعم خطيبك كويس وابوه واخواته لكني مش مستريح لحماتك دي وخايف عليك منها عايز اوعيك انك ماتخليها تدخل في حياتكم بعد الزواج وتفهم خطيبك الكلام دا وربنا يؤفقكم ويتمم لكم بالخير ويسعدكم في حياتكم الجايه
بصى هوا الموضوع عادى ويمكن يا ستى صاحبة حماتك دى صحبتها المقربة ممكن وهيا قالت لعمتك عشان تصلحوا الغلط دة أهم حاجة هما ناس كويسين ومامته ست طيبه وكويسه ووالده وأخته وخطيبك أكيد وسيبها على الله ربنا يجعل ليك الخير فيهم أنشاء الله
الافضل متقوليش لان الراجل فى غربة ربنا عالم بيه مش فاضى للكلام الفاضى دا