انا بنت عندى 23 سنة مخطوبة واشعر انى وحيدة لاافرح بجهازى زى اى بنت او عروسة ديما زهئانة بسبب الخلافات بين اصحابى .. وخطيبى مش فاضى خالص ديما مسافر وكل ما اكلمة بيكون عندة شغل رغم ان انة بيكلمنى باسلوب كويس سعات بيزعل علشان بكلمة فى اوقات هو مش فاضى فيها بس هو عندة حق علشان انا بظهرلة انى بكلمة لما بكون مش لقية حد اكلمة غيرة هو حاسس بحاجة زى دة علشان كدة بيتعصب عليا لانة بيحس انة اخر واحد فى حياتى
مشاكل الخطوبة
الملل فى الحياة لاجديد في فترة الخطوبة
اضيف بتاريخ: Sunday, November 28th, 2010 في 12:28
كلمات مشاكل وحلول: اصحاب, بنت, عروسة, فترة الخطوبة, مخطوبة, مشاكل الخطوبة
يااختي العزيزة انت زهقانة ليه ماانت كويسة اوي واحسن من غيرك من البنات مخطوبة وعلى وشك الجواز لازم تكوني فرحانة وسعيدة بكدا وتهتم بخطيبك وتتواصل معاه وتخليه اول اهتمامتك بدلا من صحابتك وعايزك تختاري الاوقات المناسبة للكلام معه مش كل مرة تتصل وتشغليه عن عمله برضو الراجل يكون معذور وعنده ارتباطات بشغله مش فاضي للكلام واذا كان زعلان حاولي تراضيه وتطيب خاطره وتحسسيه بوجودك معاه ولاتكثري من طلباتك عليه او نقل الاخبار الوحشة له او مشكلة تافهه حصلت بينك وبين اهله اعرفي كيف تتعاملي مع خطيبك بشي من الكلام الحلو والرومنسي والمشاعر الصادقة وربنا يجمعكم على خير ويسعدكم في حياتكم القادمة
امممم … اولا السلام عليكم.. والله يا اختي افضل شي انك تتقربي لخطيبك بدل ثحباتك… انانا عكس مشكلتك… انا وخطيبي نتكلم بالمسجات بس حاسه بفراغ كبير والسبب اني متعلقه فيه كثير وحاجزه يومي كله عشانه ولو غاب عني كم ساعه ازعل ودمي يفور.. انا غلطي اني مخليته كل اهتمامي ومالي شغله غيره.. حاولت اشغل نفسي بس ارجع اسيب كل شي وادور عليه .. مرة ما اتحمل يغيب عني .. ادعولي ربي يرزقنيظيفه واريحه واريح نفسي لحد ما ربنا يحلها …
انا اصغر منك انا عندى 18 س و مخطوبة عن حب ( جدا ) بس بعد ما اتخطبتلو اتغير معايا في حجات كتير و مبقتش عارفة اتصرف ازاى لحد ما بقيت بسيبو يعمل اللى هو عايزو لحد ما هو زهق من تصرفاتو و بدأ يتعدل ..
يــــــــــــــــــــــا حبيبتي
انا نفس مشكلتك معرفش السبب في الملل ده
ان احنا راسمين شخصية معينة و مش بنلقيها
بس كل الرجالة مش زي بعضها لو اقتنعنا بكدة اوي هنبقى سعداء
هذه الفترة من الحياة بينكما هي فترة تعارف و تقارب وكلاكما يتهيأ لان يقوم بدوره الحقيقي تجاه من سيشاركه الحياةويكون علي قدر المسؤلية التي من اجلها خلق الانسان. كلاكما نشأ في محيط وظروف مختلفة وتطبع بطبائع قد تكون مختلفة لذلك الخطوبةيجب ان تنجب بينكما التناغم الذيعلي اساسه تنجح حياتكما معا.
الطبيعي ان الرجل من مسؤلياته الاساسية انتي يعني يجب ان تتعودي ان يكون ملجاك الاول ولن ينفعك في هذا الا والدك او والدتك لتتاكدي من ان اي تفاهم بينكما رده عليكي سليم ام لا حتي تكونين واثقة منه في ردوده. الاصدقاء لن ينفعوكي مثل والوالدين.
اختير وقت الاتاصال هام جدا. تكللموا في الحاضر و المستقبل بما يرضيكما معا اتكوا الماضي الي ما مضي. احثي معه نقطة تلاقي و هكذا في جميع الامور. لا تناما ليلكما الا و كلاكما راضي عن الآخر. اعتصما بالله واجعلا في حديثكما نوع ووقت اذكر الله حبي – اظهري مشاعرك حتي ولو كانت غضب واكن بلطف عرفيه اسباب غضبك وكل موضع اجعلا له نهاية لا ترجعوا اليهاطالما اتفقتما عليه. و رجاء ان تخرجا اي ثالث لكما في كل اموركم. آخر نصيحة (الرجل الزايدة يفاسة يحاسدة)ربنا يسعدكم يارب ويتمم لكما علي حير ويجنبكما الشيطان و يجنب الشطان ما يرزقكما.
يعني غاوين وجع قلب هو لازم يكون فية مشاكل علشان تحسي انك مخطوبة علي فكرة انا كنت زيك كدة وفي النهاية انفصلنا لان اول مشكلة بيكون حلها صعب ومتستعجليش المشاكل ربنا يجنبك المشاكل صغيرخا وكبيرها قربي من والدتك وسيبك من صحاباتك فكري في نفسك ولازم تفتحي معاة مواضيع بس تستفيدي منها وشكر
انا هقول راي ويارب يفيدك اولا قربي من ربنا سبحانه وتعالي انا مثلك في الوحده بس انتي ارحم شويا انتي ليكي حد يسأل عليكي حتي لو كل سنه مش مشكله المهم استحمليه وحاولي ماتتصليش كتير لحد ماتوحشيه وهو يتصل وتتكلموا مع بعض وتتفاهمهوا ولازم التفاهم يكون من البدايه قبل الجواز وتفضفضي ليه علشان هو يحس بيكي لازم يحس بيكي لو حس بيكي هيهتم بيكي لو بيحبك بجد وانا مش راي محمد بغداد في ان الخطوبه مشاكل واسئله كتير مجربه بس احنا لو نظرنا للواقع هنلاقي ان مشاكل الخطوبه وال بيحصل فيها حتي لو كانت وصلت لدرجه كبيرة اهون بكتير من مشاكل الجواز وما بعد الجواز فلازم تتفقوا علي طريقة تتعاملوا بيها مع بعض في ايام الخطوبه اتفقي معاه علي موعد مناسب ليكي وليه علشان تتكلموا مع بعض ماتكلموهوش في اوقات شغله اسأليه بيفضي امتي شوفي بيحب ايه بيكره ايه قربي منه اتفهموا قبل الجواز حسسيه انك وحيده من غيره قوليله كل ال في قلبك من وحيده بس بالعقل مش بالعصبيه وربنا يصلح حالك………
لازم تصاحبى مامتك واتكلمى معاها بدل من صحابك بجد مافيش حد حترتاحى معاه ف الكلام غير مامتك تتكلمى معاها بدل ما تتكلمى معاه على الفاضى وعلى المليان وكمان حاولى تدورى على مصدر للسعاده غيره بس طبعا يبقى هوه مصدر السعاده الاول بس ممكن تلخمى نفسك باى حاجه تانيه يعنى لو لسه طالبه زاكرى لو خلصتى حاول تعملى اى شغل يدوى زى الخياطه مثلا ما تركزيش كل حياتك عليه عشان ما تتعبيش ف النهايه
انا كمان تعبانة اوى انا كتبة كتابى وكنا بنحب بعض ف الجامعة ولما اتخرجنا اتخطبنا وبعد كدة كتبت كتابى على اساس ان الفرح بعد 3 شهور بس حصلت ظروف اضطرينا نأجل الفرح سنة انا بحبة جدا جدا ودايما انا اللى بكلمة الاول ودايما يبقى مش فاضى لو عندك حاجة مهمة قوليها انا حبقى اتصل بيكى يقولى مش لازم نكلم بعض كل يوم بيجيلى كل شهر ولما يتأخر واقولة يقولى مش فاضى لما افضى والظروف تسمح عصبى مش عارفة اعمل اية ردو عليا انا تعبانة اوى
المسلم للمسلم كالبنيان يشد بعضه بعضا انه يحبك جدا فتحمليه ولا تبدى له اى من الزعل تجاه ولا تتخذى قرار وانتى غاضبه فانه من الشيطان فتحمله وتكونى انتى الانسانه التى يرتاح معاها فى الكلام دون احد ولا تعطى سركم لاى احد حتى لا يدخل طرف ثانى معكم فيدمر كل شىء ونظرا لظروف المعيشه تحملى ولازم يكون بينكم روح التفاهم وبعد الجواز اكيد هتغير للاحسن باذن الله ووفقككم الله وجمع بينكم فى الخير وعامللك معامله حسنه
اولا السلام عليكم ورحمه الله وبركاته بصي يا عسل انتى ما عندكيش اي مشكله واللي بيحصلك دا والله انك مش حاسه بالفرحه دا والله دلع منك وانتى تلاقيكي من جواكي طايره بيه ونفسك فرحك يكون نهالرده قبل بكره والدليل علي كدا انك دايما بتتصلي بيه دا يدل انك مشدوداله وبعدين انتى ليه يكون عندك وقت فراغ اشغلي وقتك بحاجه مفيدة تعود بالفايده عليكى دنيا واخره وما تضيعيش وقتك هباءا لان كل لحظه انتى بتعيشيها دلوقتى انتى مسؤله عنها قدام ربنااعملي لنفسك ورد قران تحفظيه كل يوم ولو صفحه وبكدا هتلاقي حبيبك هو اللي بيتصل عليكى وانتى مش فاضيه ملحوظه:ما تسرحوش مع بعض في الكلام لانه لسه اجنبي عنك ما تنسينيش من دعواتك واسفه علي الاطاله
اختى فى اللة السلام عليكم اولا وقبل اى كلام مشكلتك انتى حلتيها لانك عارفة السبب واكتر شئ ممكن يكون كويس انك حسيتى حبيبك وعرفتى انة بيشعر انة اخر واحد فى حياتك من غير ما يقول بوصى الولد بطبعة بيحلم زيك تمام بس الفرق ان البنت بتحلم بيوم الفرح لاكن الولد بيحب فترة الخطوبة لانة حاسس انها بتبقى فترة كلها حب وحنان والا ذالك قبل ما يدخل مرحلة المسؤلية الحقيقيةلاكن احساسة انك بعيدة عنة ممكن يسببلة مشاكل ممكن يطر يبص لغيرك اذا لقى الراحة اللى مش لاقيها فيكى حاولى تحسسية انة اهم حاجة فى حياتك كلمية كتير لما يقلك اقفلى قوليلة لا عايزة اتكلم معاك اد اية بيحس بسعادة قربى منة احكيلة اى مشكلة حتى لو كدة وكدة وحاولى تشركية معاكى هوة هيبقى مبسوط لاكن موضوع صحابك خليكى انتى اجدع منهم تعالى على نفسك بس فى الاخر دول اصدقائك يعنى كرامتك تهون فى سيبل ارضائهم والواحد من غير الناس والصحاب ولا شئ وربنا يارب يهديكى لة ويهدية ليكى ويتمم عليكو بخير ويرزقة الزرية الصالحة
انا كمان بحس بكده ومعنديش ولا صاحبة كويسة اثق فيها وافضفض معاها تعبت اوى من كل اصحابى ادى الاهتمام لخطيبك هو اولى بيه من اى حد فى الدنيا وربنا يوفقك
انا من راءى انك تستحملى لحد ما تتجوزو وهيبقى فيه معامله تانيه احسن من الخطوبه هى دايما فترة الخطوبه كلها مشاكل واسئل مجرب
ربنا يوفقك الراجل ديما يحب يكون الاول فى نظر اللى بيحبة بينيلة انة كل حاجة فى حياتك ومتخابيش عنة اى حاجة واى مشكلة ليكى خدى راية على فكرة انا كمان مخطوبة وكانت نفس المشكلة معايا بس هو مش مسافر كنت بحس انة شخص عادى بالنسبالى بس انا غيرت من طريقتى معاة والحمدلله انا سعيدة جدا معاة ربنا يسعدك انتى كمان ويوفقك معاة يارب
من كلامك فهمت ان فيه حب متبادل ده كويس
لكن عليك ان تجدى اهتمامات في الحياة تعيشى من أجلها بجانب الحياة الاجتماعية لأن الحب والزواج ليس كل شيء في الحياة خذي هذه الحكمة منى: ليس كل الفراغ يملأ بالحب والزواج …الخ نعم الحب والزواج يملأ فراغا لكنه ليس كل الفراغ هناك نشاط اجتماعي سياسي علمي……الخ حسب كل شخص
المفروض يبقى اول واحد فى حياتك وحاولى تكسبيه دلوقت لان فى الخطوبه اسهل من بعد الجواز
حاولى تحسسيه انه الاول فى حياتك بتصرفاتك وافعالك معاه مابيقتنعوش بالكلام بس حاولى تساليه عن شغله عن اللى نفسك تعملوه فى حياتكو حسسيه بحبك وحنانك وكذلك قوليله يحسسك بكده علشان حياتك بعد كدهماتبقاش فاضيه وتحسى باهتمامه كمان بعدين وربنا يوفقك ويوفقنا جميعا يااااارب
بصى يا اختى انا وخطيبتى كنا عكسك انت وخطيبك
انا كنت احيانآاتصل بخطيبتى وما تردش او ترد وتتعصب عليا وما تكلمنيش باسلوب كويس لانى كنت بكلمها فى اوقات مش مناسبه بتكون مشغوله فى مصالح البيت او بتزاكر او معاها حد او اى حاجه
الحل بقى نك تعملى مع خطيبك زى ما انا كنت مع خطيبتى
انا اتفقت معاها انها تختار الوقت المناسب اللى تكون فاضيه فيه وترن عليا وانا اتصل بيها ونكلم بعض على قد ما نقدر وكان كلامنا فى الغالب بيكون بالليل بعد ما تكون بقت فاضيه او اثناء ماهى ماشيه فى الطريق رايحه او جايه من مشوار وبكده كنا بنراعى مشاعرنا وبنوفر وقت وبنتكلم باسلوب كويس وكده
فانتى قوليلوا انك تتصل بيا فى الوقت المناسب ليك
وعشان ما يحصلش حاجه تضايقوا قوليلوا انا لو ظروفى تسمح هارد عليك ولو ظروفى ما سمحتش مش هينفع ارد عليك الا فى وقت تانى ولو ما عرفتيش تردى ممكن لو استطعتى تبعتيلوا رساله تتآسفيله انك ما ردتيش عليه وتعرفيه السبب
وكمان تقوليله لو هو متفق معاكى على يوم ووقت معين يتصل بيكى فيه وما سمحتش الظروف انوا يتصل يبقى يبعتلك رساله يعتذرلك ويطمنك ويعرفك سبب عدم اتصاله
كمان هقولك على حاجه كنا بنعملها انا وخطيبتى اننا كنا بنرن على بعض رنات مش اكتر وهى ما بتاخدش وقت ولا جهد
ودى فايدتها انها بتقربنا من بعض وبطمنا على بعض وتحسسنا اننا فاكرين بعض دايمآ ومش مشغولين بحد تانى وكمان بتصبرنا لحد ما نكلم بعض فى الوقت المناسب
ويبقى احسن لو كل واحد فيكم اختار للتانى رنه للموبايل تكون معبره عن مشاعره ناحية التانى
وساعة ما يرن تشعرى بمتعه وبفرحه وده كانه نص المكالمه اللى انتوا بتتكلموها
ويا سلام بقى لو اتفقتوا تبعتوا لبعض رسايل كل يوم والتانى مثلا تبقى حياتكم روعه
(ملحوظه)
ياريت المكالمه تبقى على حسب الظروف يعنى لو مبسوطين تبقى المكالمه ضحك وهزار ومناقشه واسئله وتعارف وتفاهم وكده يعنى
ولو فيه حد منكم مثلآ متضايق او زعلان من حاجه او متعصب تبقى المكالمه تدور حول معرفة هذه الاشياء فلكل مقام مقال
على فكره دى تجربه حقيقيه وجابت نتيجه كويسه وكانت سببآ فى حب حبيبتى لى واهتمامها بى ولهفتها عليا لان النظام ده من فوايده اننا كنا بنراعى مشاعر بعض وبنبين خوفنا واهتمامنا على بعض
وربنا يوفقكم ويسعدكم يارب ويقدملكم اللى فيه الخير
ومستنى ردك
(سيد العاطفى)
مصر__بنى سويف
تقربي الى الله وصلي الفروض في اوقاتها وربنا هيكرمك ان شاء الله