اتعرفت علي خطيبي وحسيت ان بسرعه اتعودنا على بعض ولقينا كتير حجات متشابهين فيها وحبينا بعض وبعد شهرين كلم بابا واتقدملي
انا واهلي عايشين برة مصر وهو كمان معايا هنا وليه اختين كمان متجوزين وعايشين كمان هنا
بس مامته بمصر
وتمت الخطوبة واخواته زارونا وكل ده عادي بس مامته ولا مرة كلمتنا من اول الخطوبة لحد يمكن 5 شهور وجتلنا زيارة وعشان نعمل فرحنا
حصل موقف بيني وبينه بسبب اهله وكلامهم على اهلي ان مفروض احنا نتصل وبيعاتبونا اننا مش بنسال مع ان المفروض العكس
كل ده عادي انا فرحي كمان كام اسبوع
من يومين لقيت في تلفونه كلام بينه وبين اخته بمعناه ان مامته ابدا مش بتحبني وانها بتحاول تقنعها ان مدام ابنها بيحبها خلاص ومش تبيني ليها حاجه
مدايئني ان كدب علي لان كتير كان بيقولي العكس
ولسه مدايئة من خناقته معايا ان بيحاسبني بالمفروض ومن الذوق نتصل على اهله مع ان انا وماما ابدا مش مقصرين وكنا دايما بنكلم مامته بكل المناسبات وهي في مصر وهي ولا مرة اتصلت
هو بيحبني بس مش بشوف انه بيقدرني او يعمل حاجه تتبين بس كلام بحسه
حاسة مش مرتاحه اوي بس بحبه
مشاكل الخطوبة
اكتشافي ان ام خطيبي مش بتحبني
اضيف بتاريخ: Monday, January 5th, 2015 في 04:44
كلمات مشاكل وحلول: الحب, الخطوبة, بنت, شاب
