مشكلتي انا حاتخطب لواحد مش بحبه هوا شخص محترم وكويس ومستقبله كويس يعني عقليا مايترفضش بس هوا مش مهتم بمظهره ولبسه لقيته فرحان بيا وعايز يعملي اي حاجة بس مشكلتي بقا اني مش بحبه ومعرفش ازاي الموضوع اتطور اوي رغم اني رفضت كتير ومشكلتي انا اني بحب واحد متجوز ظهر في حياتي وانا اهلي رافضين اني اتجوز واحد متجوز رفض تام وانا كمان رافضة لاني حاطة نفسي مكان مراته حتي لو ليه الحق انه يتجوز تاني هيا صعبانة عليا حاولت ابعد كتير بقرب اكتر وهوا بيقربني منه اكتر في عيلته حتي ف الشغل اتعرضت عليا شغل جديد وفوجئت انه هوا السبب اني اشتغل فيه ولقيته شريك في الشركة الي اشتغلت فيها وبقيت بشوفه كتير رفضت العريس دة عشان حسيت اني ممكن بس صعبت عليا ماما الي قالتلي اني كسرت فرحتها لقيت ان من حقها تفرح بيا وانا بحاول اتقبل العريس دة زوجا مستقبلا بس مش جاي معايا خالص مش متقبلاه انا مش عارفة خايفة اتجوزه واظلم نفسي وخايفة ابعد عنه اظلمه واكسرفرحت ماما وخايفة اتجوز الشخص اللي بحب اكسر مراته انا تعبت من كتر التفكير علي فكرة انا صليت صلاة استخارة بلاقي الموضوع بيتسهل بتاع العريس بس انا ماحبتهوش بردو ولا عارفة احبه ولا عارفة اشيل اللي بحبه من دماغي
اختي انسي راجل متجوز ع فور بلا تفكير خالص وانتي طيبة وبنت حلال لهاي الله بعتلك واحد شاريكي واذا ع مظهر اكييييد انتي بشطارتك تتحكمي في لبسو اهم شي يحبك شاركي وانتي صوني كوني وفيه ومخلصه وحتحبي موت ربنا يتمم عليك بالخير ان شاءالله
نصيحه مني بلاش الراجل المجوز ده لأن اكتر الناس اللي بتجوزو راجل متجوز بضربو نفسهم جزم … انتي تنسيه خالص و تبعدي عنو وتغيري رقمك و أي حاجه يعرف يوصلك بيها ولو اتعرضلك لازم تصديه وتقوليلو انت ليك حياتك وانا لازم يبقى ليا حياتي و بيت و زوج و أولاد أما بنسبة العريس طالما صليتي استخارة والأمور بتتسهل معنى كده هو كويس أما بنسبة للبسو و مظهرو انتي و شطارتك بعد الخطوبة قوليلو بطريقة لزيزة انك عايزة تنزلي معاه وهو بشتري لبسو وتنقيلو عشان تبقي معاه ف كل حاجه وهو هيفرح اكيد و تحطي فبالك أن القصة القديمة خلاص و أن لازم تتقربي من العريس و تحبيه
عزيزتي صاحبة المشكلة
السلام عليكم ورحمة الله وبركاته
عاوز اقول لك رأيى كاخت
تحمل المسؤلية والاحترام والإنصاف في الزواج أهم من الحب
دي حقيقه
وبعدين مسألة المظهر تقدري تطوريه حسب رغبتك وهو راح يقبل لأنه بيحبك وعايز يرضيكي حسب كلامك
أما المتزوج اتركيه أفضل لأنك حقيقي هتظلمي نفسك تاخدي نص راجل لو هو عادل وهتظلمي زوجته وأولاده في كل الأحوال
رأيي الشخصي اللي متقدم لك أفضل وخصوصا انه شاريكي
وربنا يوفقك