خطيبى متدين وبحبه جدا كل حاجه كنت بوفقه عليها مش بقول لا فى اى اقتراحات بيكلمنى فيها عشان كل حاجه بتكون جميله فى افكاره وانسان متدين يعنى عمره محرجنى وقالى بحبك يعنى وانا حسه ان هو محرج وهو بيقولها ليه بس حصل غلطه ومش هى مشكله فعلا ولا هو كبرها قوى فى واحد زميل لية فى نفس الشغل متزوج وعنده اولاد بس كان بيطردنى فى كل مكان وكان بيحاول يكلمنى بس كنت ببعد عنه لحد معرف رقم الموبايل وبدا يرسل رسائل معاكسات غيرت الرقم تانى عرفه مره تانيه من زميلى يعنى كنت بحاول ابعد عنه وفى مره خطيبى جبلى موبايل هديه اول متعرف عليه فى رسالة اتسجلت على الهاتف من الرسائل المعاكسة وحصل مشكله للموبايل وطلبه ان يصلحه وشاف الرسالة هى كانت رسالة عديه مش فيها حاجه غلط وانا اول ما اتخطبت غيرت رقم الموبايل بس رسالة مكنتش فى دماغى ونسيت امسحها اول ماشفها اتغير كتير قوى وكل شويه يوجهنى وكنت بتكسف اصرحه كلمت بابا وصرحته بالكلام ده وقولت بابا يحكيله على كل حاجه طلب فسخ الخطوبة من رسالة شفها ومكنش فى حاجه بنا ومش عرفه اعمل اى كده مكنش بيحبنى اناحسه بكده بس انا مقدرش استغنى عنه مش عرفه اعمل اى دايما كنت ققوله نفسى نتخانق عشان اشوف انت بتزعل ازاى وطلع زعله وحش جدا وهنسيب بعض اعمل اى انا غلطانه ان كنت طيبه ومش نمروده ذى البنات دى
مشاكل الخطوبة
خطيبي طلب فسخ الخطوبة بسبب رسالة موبايل
اضيف بتاريخ: Tuesday, November 23rd, 2010 في 13:04
كلمات مشاكل وحلول: الخطوبة, خطيب, رسائل, رسائل موبايل, زميل, مشاكل البنات, مشاكل الخطوبة, معاكسة, موبايل
كنتى قولتيلة ان فى حد عاوز يكلمك ونتى بترفضى وغيرتى رقمك كذا مرة منها هتبقى ارتاحتى ومنها تبقى اتأكدتى ان ثقتة فيكى ذادت اكتر معلش خلينا فى دلوقتى انتى تخلى باباكى يكلمة ويفهمة ولما يقتنع ان شاء اللهّ ابقى اقعدى معاه وفهمية براحة وعرفية اى حاجة تحصل تانى زى كدة هتقوليلوا على طول
عفوا رجاءا محدش يزعل من تعليقى مع احترامى لصاحبة المشكلة
انتى مخطوبه لواحد اى واحدة من كلامك تتمنى ترتبط بية
وخجول فى اخراج كلمة بحبك
وانتى ليكى زمايل وبيبعتولك رسايل
وبتقولى نسيت امسح الرسايل ده معناه انك معتادة الاستلام فى بريدك الدنيوى
الذى اعتقد انه لن يتوقف عن الاستلام حتى بعد الزواج لو بتحبية ساعديه على الانفصال
وانتى ممكن تلاقى نمرود يقبل مثل هذة التصرفات اللامسئوله منك وممكن تكون عندة عادية
لا اله الا الله بجد انا حاسس انك فى حاجات انتى لم تظهريها بداخلك
ونصيحتى لكى عندما تعزمين على نشر مشكلتك لاتظلمين الطرف الاخر فى مشكلتك
وتوضحى الامور كويس
ادعوا الله ان يهديكى ويصلح من حالك ويهديكى الى@الحل الامثل@ وتحياتى واحترامى للجميع وادارة الموقع
خليكى قوية جدا وواضح انه غيور اوى ومش عايزة اقول شكاك والراجل الشكاك دا بيبقى مشكلة ممكن حياتك تتدمر بعد الزواج بسبب شكه دا وانا اقترح انك تسيبيه من دلوقتى بدل ما تسبيه وتبقى مطلقة
المشكلة مشكلة سؤ فهم مش رسالة موبايل.
اذا اصر خطيبك علي فسخ الخطوبة قوليلو من حقك تفسخ بس من حقي انك تفهمني صح انا بنت ناس ورتبي موعد تستعيني فيه بمحامي قوي ليدافع عنك فهو اقوي في اظهار الحجة وانت ضعيفة وابوك ضعيف
لو اي بنت تجيلها رسالة معاكسة تفسخ خطوبتها يبقي ماحدش حا يتجوز.
خطيبك فهم انكسافك خطا و العقد المشكلة انو حس انك خايفة ، فبدأ يشك.
خليك صريحة مع نفسك انت عملت حاجة غلط مع الراجل اللي بطاردك ده… اذا كان لا ما تخلهوش ينتصر عليك ويخرب بيتك .
الحل :
الصراحة مع خطيبك ، بس مشكلتك انك ضعيفة جدا امامه لدرجة انه ممكن يفهم ضعفك ده غلط.
دافعي عن نفسك او كلمي ابوك يدافع عنك ، قوليله اذا كان عاوز تفسخ أفسخ بس الاول تفهم صح و انت ظالمني وحسبي الله علي الكان السبب.
اهم حاجة انك ترفعي راسك وانت بتكلميه ، وتقوليله بص في عينيا و ارميلو يمين انك مش مجرمة. قوليلو انا ما صدقت القاك علشان تحميني من الكلاب تقوم ترميني للكلاب.
اذا كنت صادقة ربنا حا يدافع عنك ويقوي حجتك
خطيبك مجروح لان رسالة المعاكسة كانت في الجهاز الجابلك اياه وحس انك علي علاقة مع غيره
وانت كنت سلبية لم تنفي هذه العلاقة وابوك لم ينفيها له ابوك ايضا ضعيف ولم تخبريه انها رسالة من طرف واحد.
لو كنت مكانك لقلت له ، انا عاوزة الرسالة علشان اخرب بها بيت اللي خرب بيتي ، هو عاوز يحس بصدقك و ببراءتك ، ما تنكسريش امامه علشان ما يفهمش غلط ، واذا سالك حا تعملي ايه قوليلو حا افتح بلاغ . لا بد ان يقف معاكسك عن هذا الامر .
كلمي الكان بعاكسك بحدة وقوليلو فوقك الجبار القهار ، الله اكبر عليك ، خربت بيتي ، يمين الله لو ما وضحت لخطيبي الامر لادعو عليك دعوة مظلوم ليس بينها وبين الله حجاب بخراب بيتك.
ممكن تستعيني بمحامي صديق تشرحيلو الامر علشان يوضح لخطيبك ويدافع عنك ويساعدك في حل سؤ الفهم الحاصل ده الممكن يدمر علاقتك مع خطيبك.
علي العموم الاختبار لعلاقتكم كان قاسي و انكسارك فهم خطا ولك الخيار بين ان تدخلي مواجهة شرسة تخرجي منها مبراءة منتصرة او تسمحي لسؤ الفهم ان ينتصر عليك.
وفقك الله
لابد ان يدخل حد بينكم ويكون بياثر علية ولازم لو هو بيحبك هيسمعك لان الدين السماحة والرحمة وهو متدين زى ماقولتي وان شاء الله المياة تعود الي مجاريها وتتجوزو
انتى صح بس المشكلة كلها انك مش صاريحتية من الاول مع انك عملتى الصح انك بقيتى تخبى علية وعلشان مش ينجرح او يزعل بس بردو الصراحة جميلة وبتريح كتير انتى غلطانة وفى نفس الوقت مش غلطانة بس الصراحة من الاول نعاة كانت احخسن
السلام عليكم ورحمة الله وبركاته إستهدى بالله وماتكونيش متوتره كده باين عليكى التوتر من الرساله الأمر سهل إن شاء الله (أولآ) فيه حاجه عاوز أقولك عليها إنك غلطتى غلطه كبيره حبتين إنك ماصرحتهوش من الأول إنتى عارفه إن زميلك دا كان عاوز يكلمك أو بيتعرضلك بأى صوره من الصور كان من الطبيعى إنك ترمى الكوره فى ملعبه إنتى اساسآ رافضه إنك تكلميه إترددتى ليه كان من الطبيعى إنك تقولى لخطيبك الموضوع ده وهوا يتصرف حتى لو زميلك دا إتصل على التليفون مش رسايل. (وثانيآ) خطيبك من إحترامه وتدينه ملهوش تجارب فى الحياه بالدليل إن موضوع صغير زى ده إتصرف فيه بشكل مش تمام وأنا مش معاه خالص فى التصرف ده الخطوبه والجواز مش لعبه مش علشان موقف وياريته كبير قوى لو لسه فيه كلام بينكم إطلبى منه إنك تقبليه وتكلميه حتى لو بره البيت مش مشكله طالما إنه خطيبك وإشرحيله وجهة نظرك وكمان عنفيه شويه بس براحه عليه قوليله أنا ماكنتش أتوقع منك التصرف ده أنا كده عرفت قدرى عندك وعمرى ماهغصبك على حاجه إنت مش عاوزها بس فيه حاجه واحده نفسى تعرفهاوالله أنا بحبك ومخلصه ليك لأبعد الحدود بس انا معرفتش أصارحك بالموضوع ده علشان ماكنتش عارفه رد فعلك ممكن تروح تتخانق معاه وتعمل مشكله إنت فى غنى عنها وشوفى هيكون رده إيه لو كشر وكلمك بإسلوب مش كويس وسابك وقام يبقى فعلآ عاوز يخلع بالطريقه وماصدق لقى أى حوار علشان يمسك فيه ويكون سبب ولو لقتيه بدأ يهدىء ويتكلم بصوت فيه هدوء شويه ماتقطعهوش فى أى كلام يتكلمه حتى لو كان فيه تجريح ليكى بدافع إنه بيحبك وبيغير عليكى إستحملى شويه ربنا يعمل الخير وتوكلى على الله طالما إنك مش غلطانه وعوزك تعرفى كمان إن دائمآ وأبدآ الراجل كرمته بتوجعه قوى فى المواضيع دى أسف على الإطاله وبالتوفيق ( أخوكى محمد وبقى طمنينى عملتى إيه
هو متدين وفقد ثقته فيكى ومهما تعملى مش هيصدق كلامك …وحتى لو اتدخل حد و رجعتوا لبعض هتبقى حياتكم عذاب..انتى متعمليش حاجه ولا تكلميه تانى و هو لو لسه عنده ثقه فيكى ممكن يرجع تانى …لكن اعتقد انه كان بيحبك جدا و طبيعى ان الراجل يكون غيور على خطيبته حتى لو كانت علاقه مش رومانسيه ..قصدى حتى لو زواج تقليدى .. انا عن نفسى مش بحب اقول كلمة “بحبك” .. مش لازم الواحد يقولها ..المهم ان تصرفاته تدل على كده..وبعدين الزمن ده والظروف دى مش بتخلى حد رايق عشان الكلام ده…متق وليش حاجه..وانتى غلطانه اساسا لانك ممكن كنتى بتكلمى زميلك باسلوب ناعم شويه وطبعا بما انه مش محترم فهو ظن انك متساهله..وبعدين القران امر المراه الا تخضع بالقول وتتكلم باختصارو بحدود..المهم انك مش بايدك تعملى حاجه
بجد انتى لو كنتى بتحلولى تبعدى عنالشخص اللى بيعكسك تبقى انتى
بجد محترمه وبجد قولى لخطيبك انك احسن من غيرك كتير
وبالنسبه له اتكلمى معا وشوفى ايه اللى يرضيه واعمليه حت لو طلب منك تسيبى الشغل ده
او امشى من غير موبيل وريحى ديماغك