خطيبي محيرني معاه وبيزعل من اى حاجة

انا مخطوبه لابن خالي بقالي سنه وثلاثة اشهر وخلال السنه دي من بدايه الخطوبه وكان فيه مشاكل بس كانت ممكن تعدي لو اتنازل شويه بس كنت انا اللي بتنازل حتي لو مش انا اللي غلطانه كنت ممكن اغلط نفسي لاني بحبه اووي والايام اللي مش بيكون فيها مشاكل بنكون كويس جدا ممكن اللي يشوفنا في الوقت دا يقول احنا مافيش بينا مشاكل ابدا انا مش كنت بفكر في اي حاجه غير مافيش حاجه تسوي لحظه نكون كويسين مع بعض فيها حتي لما كنت بزعل منه في حاجه كنت بسامحه بسرعه جدا ممكن دقيقتين زعل انما هو يومين, تلاته, عشره, شهر الا لو كلمته ولما المدة بتزيد اهلي بيعرفوا طبعا ان في حاجه بينا فبيتدخلو المهم المشكله ماقبل الاخيره صدر شئ مني كنت انا غلطانه وقولتله انا عملت الحاجه دي عاتبني جامد وطبعا قولت انه عنده حق انه يزعل بس عتابه وصل لكلام صعب جدا لدرجة انه قالي اعتبري الخطوبه مفسوخه طبعا ماكنتش متخيله ان ممكن يقول الكلمه دي في يوم من الايام ورغم انه قالي كدا انا ماقلعتش دبلته من ايدي لغاية لما اهلي واهله اكلمو وحكيتلهم ع اللي حصل كان ممكن يزعل ويتضايق بس مش يقول الكلمه دي لاني واثقه هو بيحبني اد ايه بس استغربت ازاي يتخلي عني في وقت غضبه بسهوله كدا المهم رجعنا لبعض تاني وكنا كويسين والحمد لله
وبعدين هو سافر من شهرين وكنا بنتكلم ع النت وفضلنا في شهر ونص كويسين واخر مرة اتكلمنا كنا طبعا كويسين وكنا مش اتكلمنا بقالنا فترة لان النت كان فاصل وكان واحشني جدااا وكان نفسي اسمع صوته اووي بدأنا الكلام
“ازيك ؟وازيك؟وعامل ايه؟وكدا
وبعدين انا كنت بعمل حاجه فقولتله ثواني قالي اوك
مافتش غير دقيقه ورجعت كلمته تاني
قالي انتي سايبني
قلتله لا انا مش سايباك”طبعا انا بتكلم بدلع زي ما اي واحدة بتتكلم مع خطيبها”
قالي لا انتي سايبني ومش بالكلام ع فكرة
قلتله انا بردو مش سايباك انت اللي سايبني وروحت السعوديه”مثلا”
لاقيته سكت شويه
فسألته انت زعلت ولا ايه؟”وكنت بسأله وانا بدلعه بأسمه”
قالي عندك حق وقالي انا هقفل دلوقتي
سلام
ولاقيته قفل وماستناش ارد عليه حتي
بعتله مسج ع الفون وقولتله افتح ومش تزعل وقولتله انك فعلا سايبني علشاني وعلشانك ونكون مع بعض
ومافتحش بردو رغم اني بحرص ان مش يضيع لحظه واحنا زعلانين وهو بكل سهوله قفل وانا بكلمه ومافكرش في حاجه وهو بقاله ع الحال دا اسبوعين لا بيكلمني ولا بيتصل ولا حتي بيبعت رساله يطمني عليه رغم اني فتحت تاني وكلمته وكان بيكلمني بطريقه اللي هو زعلان يدوب الكلام ع اد الرد وفتحت الياهو مرة تانيه علشان اطمن عليه ماكنش اعد فضلت ساعه ونص اعد مستنياه ع الياهو ومش جه فقولتله لما تيجي طمني عليك وطبعا ماطمنيش ولا اي حاجه
انا شايفه اني مازعلتهوش في حاجه ولا كان في حاجه تستدعي اللي حصل دا وانه باعد اسبوعين مش يتكلم فانا معتش بكلمه وكنت بكلم مامته كل اسبوع واسأل عليها ومعتش بكلمها بقالي فترة وطبعا محدش سأل عليا مش بتصل ليه ولا اي حاجه وهو مش بيكلم مامتي لان حصل سوء تفاهم ماما اعطيته شئ وهو اخي الكبير كان جايبه من برا لاخويا الصغير فاخويا مش لبسه خالص مامتي اعطيتهوله ع انه ابنها ومافكرتش ابدا انه ممكن يزعل لو عرف انه اخويا اللي باعته لاخويا الصغير فهو شاف ان دا اهانه لكرامته رغم ان مامتي بتعمله انه ابنها مش خطيب بنتها واكتر من ابنها كمان وهي عمته اصلا
بس احنا في اي وقت غير الزعل بنكون كويسين جداااا مع بعض بس في وقت الزعل مابيحاولش يتنازل ابدا علشان نكون مع بعض وحياتنا تمشي وانا عاوزة احس منه انه هيكون جمبي في وقت زعلنا اكتر من اي وقت تاني وانا مش حاسه بدا منه
قولولي اعمل ايه ؟وهل انا غلطانه معاه في حاجه؟
واسفه اني طولت عليكم

مشاكل وحلول ذات صلة

• بحب خطيبى اوى وخايفة اسيبه
• يا ترى انا ظالمه خطيبي
• فترة الخطوبة بتبعد بينا
• استخرت الله بحبيبتي وحصلت بعض العقبات
• حاسة ان خطيبي عايز يسيبني وخايف بس على زعلي
• افكر بالإرتباط بشخص لديه اعاقة بسيطة
• ازاي اسيب خطيبي من غير ما اجرحه