انا بكتبلكم هنا بجد من باب النصيحة واسال ربنا اني فعلا اقدر اقدم نصيحة وتكون خالصة لوجهه سبحانه وتعالي
اخواتي ارجوكم لما ربنا يكرمك وتتخطبي مهما كنتي بتحبي الشخص ده اياكي اياكي اياكي تخليه يقرب منك زيادة عن اللزوم
الموضوع بيبدا ببوسة وبعدين حضن وبعدين الله اعلم هيبقي فيه ايه تاني
وقتها هتحسي انه بيحبك اوي وهو هيفضل يقولك انتي مراتي ومش هرضي بغيرك زوجة ليا وهسيبك لمين انا بحبك والكلام ده
صدقيني الراجل مش زي البنت الراجل بيبيع بسهولة ومش بيبكي والبنت في الاخر هيا اللي بتتاذي ويتتضر
متخليهوش يلمس اي حاجة فيكي ولا يبوسك حتي لو يبوس جبينك ولا يحضنك حتي لو في الاسانسير مثلا او حضن بسيط
حبيبتي والله صدقيني مهما حصل اياكي تصدقيه اياااااكي
لان ببساطة الولاد مش بتبكي زي البنات
الولاد بيبيعوا بسهولة ولو جيتي قولتيلوا واللي حصل بيننا هيقولك عادي او انتي اللي رضيتي او كلام كدة
ولا قدر الله الشيطان شاطر وممكن الموضوع يوصل لفض البكارة او اي حاجة تانية
بالله عليكي حافظي علي نفسك لاخر لحظة
ومش شرط كلامي اني اقصد العلاقة الجنسية كاملة او كدة
لا طبعا بس صدقيني مجرد اللمس لاماكن معينة مثلا صدرك او مؤخرتك كدة
او مجرد انه يبوسك من خدودك او من شفايفاك او من جبينك
مجرد انه يحضنك اوي ويقربك منه اوي
صدقيني هتنزلي من نظره اووووي صدقيني حتي لو بيبحك بيبقي ممكن يبيعك بسهولة
تعرفي ليه كمان؟
علشان لو لا قدر الله محصلش نصيب متحسيش نفسك رخيصة واتلمستي قبل كدة او اتباستي او اتحضنتي
الحاجات دي بتبقي حلوة اوي لما بتحصل من حد واحد العمر كله
صدقيني احساس وحش اوي انك بنت مستعملة ارجوكي خللي بالك من نفسك
ونصيحة تانية بجد اياااكي اياكي اياكي تفيضي بمشاعرك زيادة عن اللزوم او تبكي عليه وهو بايعك
صدقيني بجد اتقلي حتي لو هتموتي عليه بس اتقلي عشان يحس بقييمتك ويحبك بجد
خليه يلحس التراب عشان يوصلك وقتها هيقدر قيمتك
اياكي تتساهلي معاه في اي حاجة اياكي
حتي لو كانت مجرد بوسة علي الجبين زي ما قولتلك لان بجد البنت حاجة زي دي بتاثر معاها اوي وبالنسبة للولد عادي
وقتها مهما قال انه بيبحك فعلا بس اقسملك بالله انها بتبقي شهوة مش حب
لان اللي بيحب بيحافظ علي حبيبته بجد
لكن بتبقي شهوة عند الراجل ويقول للبنت اصلي بحبك وبحب اعمل معاكي انتي كدة
رغم ان في الحقيقية بيبقي نفسه ان هو يعمل كده وبس
ارجوكي حبيبتي واختي ال مخطوبة او حتي مرتبطة مع اني ضد الارتباط اساسا
بس ارجوكي حافظي علي نفسك اوي عشان تضمني انه هيبقي ليكي
وصدقيني اي واحد حتي لو خطيبك وسمحتيلوا بمجرد بوسة صغيرة هتنزلي من نظره وهيبيعك بسهولة اووي
بالله عليكم احذروا يابنات
والله انا كتبتلكم الكلام ده لاني بجد خايفة علي كل البنات من العسل المسموم اللي الولاد بيقولوه
كلامهم بيبقي فظييييع بس صدقوني هما من جواهم مش بيقدروا قيمة الكلام ده ولا قيمة مشاعر البنت
ربنا يحفظكم يارب ويحفظ كل بنات وشباب المسلمين ويسترها علينا جميعا ويقدملنا كل خير
بحبكم في الله
الاخت العزيزة بارك الله فيك وجزاك الله كل الخير على تلك النصيحة العظيمة التي بعثت بها لكل البنات واتفق معاك في كل ماذكرتيه فيهذة النصيحة والاخطاء التي تقع فيها اغلب البنات المخطوبات مع خطابهن ومن تجاوزات محرمة وغير اخلاقية تحصل بينهما في فترة الخطوبة واتمنى من كل بنت تستفيد من تلك النصيحة القيمة وتعمل بها طوال حياتك لاجل تحافظ على دينها و شرفها وكرامة اهلها وسمعتهم والله يصلح احوال كل البنات ويسترعليهن اجمعين