انا فتاه عندي 20 سنه اتعرفت على شاب من 5 سنين وسيبنا بعض في الفتره دي كتير جدا بس اخر مره رجعنا فيها لبعض جه اتقدملي وكتبنا الكتاب على طول على اساس ان احنا اتعرفنا على بعض بما فيه الكفايا احنا خلاص ها نتجوز كمان شهرين بس هو اتغير معايا اوي على طول بينتقدني في كل حاجه بعملها بيتريق عليا وبيعمل مشكله وبزعل على حاجات هايفة جدا والمصيبه بقى ان هو من دلوقتي بيقولي انا هتجوز عليكي انا مميكفنيش واحده ولما زعلت منه وعدني ان هو مش هيقول كده تاني وعلى طول بيقولي انه حاسس ان حابتنا مع يعض هتبقى نكد وخناء على طول انا كنت على طول بتأسفله حتى لو هو اللي غلطان بس الفتره دي خلاص اتخنقت وبقيت اقوله ننفصل من دلوقتي احسن لكن هو بيقولي انا بحبك ومقدرش اعيش حياتي من غيرك . واحنا متفقين من الاول ان احنا مش هنعمل فرح في قاعه يعني هنعمل فرح عائلي صغير كده هو جي الايام دي كمان يقولي انا مش هجبلك فستان فرح احنا خلاص كتبنا الكتاب انا بجد مستغربه من المعامله انا لما بقيت ازعل منه الفتره اللي فاتت دي كان بيصلحني ويقولي متستنيش حاجه مني حلوه في الفتره دي واصبري لما نتجمع في بيت واحد وانا هعملك كويس على قد ما ربنا يقدرني مع العلم ان هو انسان طيب اوي والناس كلها شيفاه كده وكويس جدا مع اهله انا خايفه جدا ليفضل كده وكمان انا مش هعيش معاه في مدنتي فالموضوع ده مخوفني لاني مش هبقى قريبه من اهلي فياريت تنصحوني اعمل ايي
اتفق مع الاخت -ماجدة- في كل ماذكرت لصاحبة المشكلة وهو الراي الصحيح اتمنى انك تعملي به وربنا يصلح حالك ويسترعليك ويوفقك
هو بيتلكك ولا ايه قوليله هات من الاخر .. ايه لازمة الحركات النص كم دي وكل يوم بحجة اسأليه مشاعره ناحيتك اتغيرت ولا زي ما هي عشان ما يقعدش يلف ويدور