انا اتقرت فاتحتي من سنة تقريبا و لبسنا دبل علي الضيق في البيت اخواته و اخواتي بس طبعا باقي العيلة زعلو و كنا متفقين
هيجمع فلوس الشبكة و نعمل حفلة في قاعة و نعزم العيلة كلها و اصحابنا
دلوقتي خطيبي مش عايزني اعمل حقلة و عايز بابا يعمل معاه الفرح بالنص و نلبس الشبكة في البيت برضة رغم ان المكان ضيق و هنرجع لنفس المشكلة ان باقي الناس هتزعل لتاني مرة و لما اشتكيت لبابا قالي هو معاه حق و ان هو موافق يعمل معاه فرح بالنص مع العلم ان لسه فاضل سنة علي الفرح انا مضايقة و حاسة ان هما بيضيعو فرحتي لتاني مرة و مش عارفة اعمل ايه
مشاكل الخطوبة
اعمل شبكة و لا فرح كبير
اضيف بتاريخ: Saturday, October 21st, 2017 في 18:28
كلمات مشاكل وحلول: الخطوبة, بنت, شاب
والله انا مع والدك جدًا
اعزمي اللي منك بس اخواتك واجوازهم وعم واحد وخال واحد ده لو في
وكذلك من عند العريس برده
وهتتلم وهيكون يوم جميل برده
والدك وراه كتير هيتجاب لسه
هو اولى باللي يدفع دلوقتي
والفرح بالنص
انتم حرين فيها بصراحه
لكن المعازيم مش بيهمهم حاجه
على رأي مثل مصري ( أكل ونقورة)
يعني مش هيعجبهم برده
هذي فلوس فرحك دي
واطلعي انتي وهو رحله تنسيكم الدنيا كلها
ده لو اتبقت فلوس طبعا بعد التزاماتك والتزاماته
هو ايه لازمة حفلة الشبكة مادام ها تعملوا فرح وعادي لما ابوكي يشاركو يعني ويساعدو في مصاريف الفرح لانه اصلا حفلة الزفاف بتتكلف كتير وملهاش اي لازمة انتي عايزة تنبسطي بيها اتحملي شوية مسئولية وبلاها حفلة الشبكة لا ها تزود ولا ها تنقص والخمس دقايق اللي ها تبلبسي فيهم الشبكة البسيهم في الفرح