مخطوبين من 6 شهور خدنا كل حاجه بسرعه اوى انا كنت ف الاول صعبه معاه دلوقتى بقيت متساهله شويه كل حاجه كانت حلوة بينا بس دلوقتى خلاص كان بيخاف انى انام زعلانه دلوقتى مبيحسش انه زعلنى اصلا ساعات كنت بقول له انت حتى مقولتليش حققك عليا بس مش كل مرة هاقول له صالحنى انا بحبه وحسه انه ملان جدا من الكلام والخطوبه قلت له مره نقعد كام يوم مش نتكلم خالص زعل وعمل موال كان دايما بيهزر ويضحك ويغلس انا كنت حابه كده جدا دلوقتى ملل بس انا مريحاه جدا مش بعمل مشاكل طبعه مشيت عليه من غير ميطلب اللى عاوزة بيكون من غير كلام بجد انا تعبت من معاملته ومش برضى ابين ليه حاجه لانى لو قلتله حاجه بيقعد يقولى لا اله الا الله انا بعمل كده ويخلص الكلام ع كده من غير حتى ميصلحنى غير انه اهملنى كبنت وحشتينى بقت بالطلب بحبك ف المناسبات بس مفيش كلمه حلوة والله تعبت ومش عارفه الحل ياريت حد يساعدنى
يابنتي لازم تعرفي ازاي تتعامل مع خطيبك لاتكوني مندفعة نحوه او مدلوقه عليه الثقل صنعة يابنت الناس دام هو مش سال فيك ولامعبرك ولافي اهتمام من ناحيته لك فاعملي زيه تماما ولاتجريش لاجل يقولك ياحببيتي وحشتني ومن الكلام ده خليه يعرف قيمتك وامال خاطبك ليه اذا كان مش مهتم فيك ولامعبرك خالص ولامقدر مشاعرك الخطوبة ماجعلت الاعشان التفاهم والارتياح واذا ماحصلش ده وصار في فتور اوبروداوملل في العلاقة سوا منك اومنه دون اي اسباب فالافضل انهاء تلك الخطوبة فورا وكل منكما ينام على الجنب اللي يريحه وربنا يصلح لكم الحال ويسترعليكم
انا هرد عليكي بكل أمانة
لان مشكلتك تقريبًا نفس مشكلتي بس مع خطيبتي
في البدايه تقريبا بيكون يحاول يوصل معاكي لجو رومانسي
على أمل التجاوب بتاعك وبيحاول يفرغ طاقته في انه يجتهد انه يوصل لحب او معامله ترضيكي لكن الجمود اللي قابله في البدايه على ما انتي قربتي شويه كان هو خلص كتير وبدأ يوصل لحالة الملل اللي في نفس اللحظه انتي بديتي تقربي
والسبب منه
انه حس في لحظه ممكن يكون موقف تافه او سبب بسيط
ياخذ خطوه التجاهل دي ومع قليل من تقربك التجاهل زاد منه وبدأ ينشغل بحاجات تانيه دخلت حياته غير انشغاله واجتهادة في اهتمامه بيكي. وده من غير قصده على فكرة
وبعد كل ده بديتي انتي تقربي منه كان هو فقد متعة احساسة بيكي بقى حاسك عادي وخصوصا انك بتطلبي
الحل
انك تبدأي تشغلي فراغه شويه بسيطه وتزيدي بفن مش بالطلب
تخليه يزورك بالبيت وتقربي منه في الحديث اي كلام ويكون لطيف
وخصوصا التليفون ياريت المكالمه تنتهي بطريقه لطيفة مش مرة واحده كده (معلش هقفل معاك) بتكون حاجه تقفل النفس فعلا
وياريت تنهي المكالمه لو الكلام خلص علشان الموضوع هيقلب كده بأي حاجه تاني وهيكون العواقب رخمه
وحطي في بالك انه بره البنات السهله مفيش اسهل منها
ويا حظك السيئ لو خطيبك عرف قبلك اتعود انه يسمع
ويجي يخطب ويبدأ على نظافه حياة جديدة
تيجي انتي بطريقة التقل دي تكرهيه في الخطوبه واللي خطبها
واعيدلك نفس الكلام انه كان بيجتهد ليكي في البدايه