السلام عليكم ورحمه الله وبركاته
اولا انا الحمد لله من بيت ملتزم جدا والله اول مره احب حد كان خطيبي ومخطوبين بقالنا 8 شهور وكانت دايما تحصل بيننا خلافات عشان شخصياتنا مختلفه عن بعض بس كانت بتعدى ومع مرور الوقت حصلت تجاوزات بالرغم من اننا والله كنا بنحفظ قران سوا وبنقيم الليل ومحافظين على صلاتنا بس للاسف الشديد الشيطان ضحك علينا احنا الاتنين اول مرة مسك ايدى كنت تعبانه بس مكونتش حاسه بحاجه هو اللى قاللى وبعد كده كنا زعلانين وجه يصالحنى مسك ايدى بردو بالعافيه وابتدا من بعد اليوم ده يطلب منى حاجات تانيه وانا والله عمرى ماكنت بسلم على اى ولد باايدى حتى ايام الجامعه ولا عمر حد قربلى وانا والله كنت بمنعه دايما انه يقربلى لدرجه انى كنت بعيطله هو يزعل ويضايق ويقولى انتى مش واثقه فيا يقولى والله ده من حبى ليكى وابتدا يقنعنى بكلامه لانه شخصيه مقنعه جدااا وكنت دايما بهرب منه عشان ميقربليش واقوله حرام لحد ماخلانى استسلمت حضنى فى مرة وكنا واقفين لوحدنا واحنا للاسف مفيش حد بيقعد معانا وماما كانت اغلب الوقت بتقعد بره لانها بتعمل حاجات وكده واخواتى كلهم صغيرين مبيرضوش ييجوا يقعدوا معانا وبابا فى الشغل المهم لما كنا لوحدنا ابتدا حضنى بس والله بالعافيه وبعديها قعدت اعيط جامد وهو يقولى والله مش بتقلى من نظرى خالص وانتى وانتى وفى كل مرة نقول مش هنعمل كده تانى وبردو بنرجع تانى وللاسف بقا المشاكل كانت كل مدى بتزيد وانا كل مرة اقوله وافكره انى بعيط كل يوم لربنا واستغفره ع اللى حصل هو يطمنى يقولى دى معصيه نستغفر عليها لكن مش كبيرة كنت بصدقه للاسف بس بردو مش مطمنة والموضوع طبعا كان على التليفونات كلام كله للمتزوجين وبعد مانتجوز هنعمل ايه وكده ؟؟ والله جرانى اوى وحيائي كان كل مرة بيروح ربنا يسامحنى ويتوب عليا يارب المهم اخر مرة بقا كان مجاليش بقاله كتير اووووى فاابتدا يلمس رجلى بس طبعا كنا قاعدين بملابسنا عادى وكنت لابسه جيبه جينز وهو بنطلون عادى ولمس رجلى من فوق وقعدنى على رجله بس كنت بحس انى بغيب عن الوعى لما بيقربلى انا ربنا عالم انى توبت وندمت على كل حاجه فمن فضلكم مش عاوزة تجريح ولا عتاب ولا كلام جارح لانى حاسه بقيمة غلطى ورجعت لربنا بس انا خايفه جدا ليحصلى حمل عشان سمعت ان البنت ممكن تحمل من غير فض غشاء البكارة (الحمل العذرى) بعد كده علطول الدورة الشهرية اتاخرت كانت بتجيلى اخر الشهر وكانت اول مرة تتاخر جاتلى اول الشهر ده بصراحه انا قلقانه وخصوصا ان فى الفترة دى حصلت مابيننا مشاكل كتيرة جدا وده طبعا شؤم المعصيه وربنا يتوب عليا ويغفرلى وخلاص هنسيب بعض بس مش بسبب التجاوزات عاوزة اقولكم كمان انه دايما كان يحلفنى انى مقولش اى حاجه لااى حد عشان مصلحتى مش عشانه وانا طبعا مش هقدر انطق انا متضايقه اووى وخصوصا ممكن ربنا يعاقبنى ومتخطبش تانى وحاسه انى هظلم خطيبي التانى باللى عملته ده لو اتخطبت تانى بالله عليكم تدعولى ربنا يغفرلى لانى مكونتش حابه ان اى حد فى الدنيا يلمسنى غير زوجى بس وتفتكروا هرجع تانى زى الاول لو توبت وربنا هيقبل توبتى ولا لاء كل يوم انام واقوم على الاستغفار ادعولى ربنا يسامحنى ارجوكم فيدونى
مشاكل الخطوبة
خايفه اكون حامل وخطيبي سابنى
اضيف بتاريخ: Wednesday, October 25th, 2017 في 22:20
كلمات مشاكل وحلول: الجامعة, الخطوبة, الدورة الشهرية, بنت, شاب, غشاء البكارة
عليك بالاستغفار ومن يتق الله يجعل له مخرجا وكل شئ نصيب ولا تقلقى من شئ تاخر الدوره نتيجه الحاله النفسيه عودى الله ربك واستغفرى فباب الله مفتوح لكل صاحب ذنب
شوفي يابنتي ماحصل بينكما دي امور محرمة ولاتجوز اثناء فترة الخطوبة من الاحضان والبوس والكلام في الجنس لازم تبعدوا عنها فورا وتستغفري الله عزوجل من المعاصي والذنوب وبالنسية لما قلتيه فعاوز اطمنك انك سليمة ومافيش حامل ولاحاجة من دي ابدا طالما انو مافيش اي اتصال جنسي حصل بينكما كوني صادقة وصريحة هل حصل بينكما علاقة جنسية مثلا دخل عضو في فرجك او نزل منه السائل داخل مهبلك عندها بيحصل الحمل ام غيركدا فاستحالة يكون فيه حمل وتقدري تعرف ذلك اذا ذهبت للطبيبة لاجل تتاكدي ويطمن قلبك وانتما الان فسختم الخطوبة وكل منكما راح لحاله ربنا بيكرمك بخيرمنه هتلاقي نصيبك مع ابن الحلال اللي يستاهلك ويقدرك ويسعدك نصيحتي لك ماتقوليش للشخص اللي متقدم لك على اللي حصلك مع خطيبك السابق استري نفسك واحمدي الله على انه لم يحصلك شي وعيش حياتك وتمنى لك التوفيق والسعادة مع الانسان اللي يستاهلك ويسعدك في حياتك القادمة