مشكلتي اني حبيت زميلتي في الجامعة وبعد اما اتخرجت روحت خطبتها علطول لكن بعد الخطوبة اما دخلت بيتهم لاقيتهم غير حياتي خالص
انا صعيدي واهم حاجة عندنا العيلة والعزوة واللمة وهي من بحري وميعرفوش الكلام حتى اللهجة مش بتفهم كلام اهلي وكمان مشاكلها كتير وتافه جدا لو يوم ما اتصلتش بيها تعمل مشاكل كتير ورغي كتير واشتكيت لابوها لاقيته مش بيعمل حاجة خالص عاوز اسيبها لان بجد حياتي معاها بقت تقيلة اوي على قلبي بس مش قادر اقولها كدا هي صعبانه عليا نفسي الاقي حل بجد عاوز اسيبها ومش عارف
ياريت اللى مر بتجربة شبه تجربتي يقولي اعمل اية
مشاكل الشباب قبل الزواج
حياتي مع خطيبتي بقت تقيلة اوي على قلبي
اضيف بتاريخ: Sunday, August 26th, 2018 في 07:31
كلمات مشاكل وحلول: الجامعة, الخطوبة, بنت, حب, شاب
واضح انك مش مقتنع تماما بالارتباط بيها
يبقى متطولش اكتر من كده وتظلمها لانك بتضيع وقتك ووقتها وممكن تعلقها بيك اكتر .. مفيش احلى من الصراحة قولها انا مش مبسوط معاكي بسبب كذا وكذا وربنا يوفقك وخلص الموضوع متعقدهاش ومترتكبش خطا اكبر
مش عارف اللي خلاك تفكر في الارتباط بالبنت دي وخصوصا انك صعيدي ومتمسك بالعادات والتقاليد اللي متعارف عليها في بلدكم الصعيد غير ان بنات بحري عندهن تحرر زايد عن اللازوم تجد الواحدة منهن حتى وهي مخطوبة ولا متزوجة تتكلم مع رجال اخرين وتقول دول اصدقاء او زمائل ولاتعتبر التصرف ده خيانة اتمنى انك استوعبت كلام ده وتنهى خطوبتك من البنت دي وربنا بيكرمك بحسن منها بابنة الحلال اللي تستاهلك وتشرفك وتسعدك طوال حياتك