مشاكل الخطوبة

خطيبي بيكدب عليا ومبقتش مرتاحة معه

انا مشكلتى كبيره اووى معلش على الاطاله بس ارجوكم انا محتاجه حل
انا عندى 18 سنه ومخطوبه واتخطبت جواز صالونات وفى اول الخطوبه حبيته لانى مكونتش اعرفه بس لما قربت منو اكتشفت حاجات غير الى هوه كان بيحكهالى حسيت انو كدااب ومكونتش اعرف انو بيشرب غير السجاير لقيت انو كان بيشرب خمرا وحشيش عشان هوه مكنش فى مصر وهو طيب جدآآ وبيحبنى اوووى بس مشكلته ان انا من كتر المواقف الى عملها معايا مبقتش مرتحاله هوه كان بيحب بنت عمه قبل ما يعرفنى وقبل مانتخطب وهوه قالى وانا قولت ده كان صغير وحب شباب وعديتها وقولت الموضوع خلص فتحت الاكونت بتاعه على الفيس بوك لقيه بيكلمها وقاعده تحب فيه ويحب فيها عملت مشكله معاه وقالى انا مش عارف انا عملت كدا ازاى بس جرحه لسه فى قلبى لانى فعلا انجرحت من الى حصل وبعدبها بفتره بفتح الاكونت بتاعه بتاع الياهوو وجيبت الارشيف والكلام القديم وقريت الكلام بتاعه هوه وخطيبته الاولنيه لقيت انو واحد ووحده لو متجوزين مش هيقولوو كدااا بردوو واجهته وقالى انا جربت الموضوع ده ولقيت انو حاجه مش كويسه ودى فتره وانتهت وبعدها افتح اللاب بتاعه الاقى انو لسه اسم خطيبته موجود على اللاب ولقيت صور البنات الى كان بيكلمهم قبلى انا مقولتش حاجه على البنات دى لانى عارفه ان كل الشباب بتكلم بنات انا قلبى شال منووو اووى ومش عارفه اعمل ايه هوه وقف قدام اهله عشانى وقالوله يسيبنى وهوه قالهم مش هسيبها هوه بيحبنى اووى بس انا مبقتش مرتاحله لانو كان عاوز يستعمل معايا نفس الاسلوب الزباله الى كان بيستعمله مع خطيبته الاولنيه كانو بيتكلمو فى كلام مش كويس وكانو بيعملو كل شىء مع بعض هوه حاول يعمل معايا كدا صديته انا مبقتش حاساه مبقتش مرتاحه حاسه انو كان عامل صوره قدامى بس هوه متمسك بيا وبيحبنى وماما بقى كل شويه تقولى حرام عليكى ده طيب ده بيحبك يابنتى انتى ظالماه انا اعرف مصلحتك اكتر منك

انا اسفه انى طولت عليكم بس بجد كل دى مواقفى معاه غير المواقف الضغيره الى انا بعديها ومش بدقق عليها بجد انا لو سيبته هكون صح ولا غلط مع العلم ان الحاجات الى كان بيشربها دى كان وهوه مسافر بس ولما نزل مصر ربنا هداه

مشاكل وحلول ذات صلة

اضيف بتاريخ: Saturday, October 28th, 2017 في 18:44

كلمات مشاكل وحلول: , , , , , ,

3 رد to “خطيبي بيكدب عليا ومبقتش مرتاحة معه”

  1. البرنس
    15/09/2019 at 14:23

    يابنتي انتو لسه على البر وطالما انك عرفت البلاوي دي اللي بيعملها فلازم تفسخ خطوبتك منه واوعي تصدقي انو ممكن يعتدل او يتصلح حالو ذيل الكلب عمرو مايتعدل ولن تكوني سعيدة ولامرتاحة معو طوال حياتك ده يخونك مع البنت خطيبته السابقة وفي بينهما تواصل ومش بعيد تلاقيه يقابلها وعلاقتهما مستمرة لاتكوني عبيطة وساذجة بالشكل دا الامور واضحة وجلية ومش محتاجة توضيح الشخص دا مايستاهلك ابدا ولايصلح لك انهى خطوبتك منه فورا وربنا بيكرمك بحسن منو ياست البنات الف من يتمناك

  2. أميرة
    29/10/2018 at 14:07

    انتوا بكل صراحة من المستحيل تكملوا مع بعض. أغلبية الشباب اللي بيسفروا بالخارج بيعيشوا حياة مختلفة تماما، ماتتوقعيش منه انه يرجع مقفل لإنه مستحيل، طعم الحرية حلو و لما بيذوقوه صعب التخلي عن تذوقة. للأسف الولد الشرقي بيقنع نفسه ان يلبي امنية أهله من الرجوع لبلده و الزواج من بنت ملتزمة مصرية خاصة بعد اعطاءه فرصة الحرية بالخارج. شوفت حالات زي حالتك كتير و حتى لو اتجوزه اخرتها انفصال و اللي بتخسر جامد هيه البنت اما هو فسوف يكون علاقات اخرى و حيلعن زواجه ببنت محافظة. هوه فاكر ان نصيحة اهلة هي الطريق الوحيد لكتم زنهم. بصاراحة الأهل ضيعوا جيلنا، ارجوكي ارتبطي بواحد طباعة من طباعك. بعد ماحيتجوزك حيبقى بره مع “اصحابة” اغلب الوقت، شوفتها حصلت لأجمل و أطيب البنات، متظلميش نفسك.

  3. سعيد
    28/10/2017 at 19:25

    هقلك شيء وانتي تختاري اذا كان الشخص متدين وبيصلي وعلي خلق مثل ما قال النبي عليه افضل الصلاة والسلام فكملي معاه واذا كان عكس ذلك فانصحك انك ما تكملي معاه

اترك رداً أو حلاً لهذه المشكلة