انا بنت عندى 22 سنة مؤهل عالى بيتقدملى ناس الحمدلله كويسين ماديآ وفى نفس لوثت مش بيرضو يجيبو شبكة “كفرحة ليا مش اكتر والله” والحمدلله بيتبهرو بأخلاقى وطيبة اهلى ومع كدا مش بيتنازلو عن شروط بسيطة تفرح البنت .. انا بقا متقدملى واحد عنده 32سنة مؤهل متوسط شغلانة كويسة وعنده شقة وطالب الزواج خلال شهرين او ثلاثة مع العلم انى معرفهوش ولا هو يعرفنى قبل كدا .. ف رفضنا المدة القصيرة دى ف قال خلاص نكتب الكتاب ونعد 6 شهور على الزواج على ما انا اشترى حاجلتى كعروسةواعرفه وافهم صفاته بس طبعا احنا معندناش كتب كتاب الا يوم الفرح ودا مبدأ عند والدى وفى عيلتى خوفا من لقب مطلقة .. هو طيب ومحترم بس هوكان خاطب مرتين وفشل ف مش عايز يكرر التجربة فى تطويل مدة الخطوبة وخايف على سنه عشانه بيكبر بس انا حاسة انه مش ذنبى.. انا محطوطة بين خيارين اصعب من بعض زواج سريع جدا او كتب كتاب علطول ..ممكن مساعدتى عشان هو مستنى رد
جزاكم الله خيرا مقدما
مشاكل الخطوبة
العرسان المتقدمين لى
اضيف بتاريخ: Monday, October 30th, 2017 في 06:31
كلمات مشاكل وحلول: الخطوبة, الزواج, بنات, بنت, زواج, شاب
شوفي يابنتي اذا كان العريس على دين وخلق ومحترم فايه يمنع انكم تتزوجوا خير البر عاجله وخصوصا انه جاهزومستعد للزواج وعنده شقة جاهزة فلاارى سببا لتاخير الزواج وربنا يتتمم لكم بالخير ويوفق بينكما ويسعدكم في حياتكم القادمة
ف التاني السلامة متظلميش نفسك خدي وقت اعرفوا بعض كويس وبعدين 6 شهور وانتو كاتبين كتابكم ايه المشكلة تبقي خطوبة ولو ف نصيب تتجوز مجتش ع ستة شهور لم يبقي 32.5 مثلا اوعي تتسرعي دا عمر وحياة ليكي وليه وربنا يسعدك