تأخر الدورة الشهرية عن ميعادها فى فترة خطوبتى

أنا شابه مخطوبة من 10 اشهر وملتزمة واعرف دينى الاسلامى وتعاليمه كويس بدأت فترة خطوبتى اول شهرين بكل التزام وخطيبى ايضا شاب محترم واخلاقه عاليه وفى حاله مالوش فى موضوع البنات قوى لكن هو فكره زى معظم الشباب ما بتفكر دلوقتى ان فترة الخطوبة هى فترة تعارف اكتر وتعود قبل الزواج علشان ما ابقاش خايفه منه لما نتزوج لكن هو قريبى وانا واثقه فيه كويس قوى وكان طلب مننا كتب الكتاب لحد مايخلص شقته لكن والدى رفض فهو قالى انا عملت الصح وهما ما وافقوش وانا مش قادر اصبر ولما باشوفك مش باقدر امسك نفسى قالهالى بكل صراحة المهم اول شهرين كنا عاديين خالص بعد كده بدأ يمد ايده على جسمى ولما يتركونا الاهل لوحدنا تطور الامور وانا باحبه بصراحه وكنت باضعف قدامه وحصل كمان علاقة واحنا بهدومنا دا غير طبعا القبلات والحاجات دى وانا الدورة الشهرية كانت منتظمة معايا لحد اخر مرة كنا سوا، ودلوقتى انا مش عارفه ايه اللى حصل هل هى اتلخبطت للسبب ده ولا ايه الموضوع بالظبط مع العلم اننى ما زلت بكر وان كل ده بيحصل من فوق الملابس واشكركم جزيلا والسلام عليكم ورحمة الله وبركاته

مشاكل وحلول ذات صلة

• خطيبى اكتشف علاقاتى
• ام زوجي واخته مستقصديني وانا لسه عروسة
• مخطوبة واحب رجل متزوج
• هل فقدت القدرة على الحب
• خطيبي بعد ما حبيته بدأ يستقل بيا
• متردد في الخطوبة وغير راضي عن خطيبتي تماما
• اريد هذا الشخص ووالدي رافض تماما