السلام عليكم
بجد حبيت الموقع اوى ومبسوطة انى لاقيت حد احكى معاه وافضفض لانى بجد مش عارفة اعمل ايييييييه ؟؟؟انا كنت فى اولى جامعة لما اتعرفت بالشاب ده بجد حد كويس ومحترم واتعرفنا فى جمعية خيرية بعدها كنا فى رحلة تبع الجمعية الخيرية وقالى انو عاوز يتقدملى ..بس بجد انا وقتها مكنتش جاهزة لحكاية الخطوبة خالص كنت لسه 18 سنة فقولتله مش وقته خالص لما اخلص دراستى وبعدها اتكلمنا مرة وقطع خااااااااالص ..فاتت سنة ….وفاتت بعدها كمان سنة ..اتقدملى انسان محترم واخلاق جدا فوافقت واتخطبت الحمد لله وخطيبى بيحبنى وبيحترمنى جدا السنة دى انا فى سنة رابعة ..ومخطوبة بقالى 5 شهور ومبسوطة جدا الحمد لله..المشكلة ان هو لقييييييييييييييته بعد السنتين دول راجع من السعودية واشترى الشقة والعربية وحتى الشبكة ووظيفة كويسة وكلمنى وقالى انو خلاص سافر عشان يحققلى كل اللى انا عاوزاه بس لازم نتخطب وفوجىء انى اتخطبت ….وبيحسسنى انى مذنبة وانى خونته وانى لازم افسخ خطوبتى …واتجوزه هو ..وانو هييجى يتقدم لبابا بس المشكلة انى بحب خطيبى ..وهو مصمم انى اسيبه وارجعله لان سافر وتعب عشانى مكنشى لازم اسيبه وانا خايفة خطيبى يعرف وبابا كده هيحصل مشاكل ارججووووكم ساعدووووونى ولكم منى كل شكر واحترام
مشاكل الخطوبة
انا وهو وخطيبى … ساعدوووونى
اضيف بتاريخ: Wednesday, December 1st, 2010 في 16:47
كلمات مشاكل وحلول: خطيب, شاب, فترة الخطوبة, فسخ الخطوبة, مشاكل الخطوبة
ياحببتي اوعي تسيبي خطيبك مادام انتي بتحبيه وهو انسان محترم وده ملهوش عندك اي حقوق ولو راح لباباكي باباكي هيقوله انك مخطوبه ومعتقدش انه لو حكي لباباكي حاجه باباكي هيصدقه وهو طالما كان عايزك تستنيه مقلكيش ليه ولا انتي بتشمي علي ضهر ايدك يعني اوعي تسيبي خطيبك وربنا يوفقك ياقمر
بصي هو ملهوش حق يلومك لانه اصلا مقلكيش انه هو بيتعب عشانك او مستنيكي عشان علي الاقل تستنيه ومتقبليش حد غيره انتي خليكي مع خطيبك لان من الصعب تلاقي حد يحبك بجد او انتي حتي تحبيه بجد
لا لا لا
الغلطة الوحيدة منك إنتي
هو دلوقتي قطعت أخباره سنيين .. يبقي ميتكلمش كلمة واحدة معاكي و يقول خونتيه
لانك كدة بتخوني خطيبك الحالي
و البيه ده لما عرف انك اتخطبت المفروض كان يقولك ألف مبروك و شكرااااا
مش يتكلم علي انه يخطبك علي خطبة خطيبك الحالي
و حلك انك تصديه بإسلوب راقي شديد في نفس الوقت “أنا حالياً مرتبطة بإنسان و مينفعش إني أتكلم مع حد بدون علمه .. لكن مضطرة أقفل المكالمة و حمد الله علي سلامتك من السفر ,أتمني متتصلش مرة تانية عشان كدة ميصحش لاني مخطوبة”
لو كان بيحبك مكانش قطع خالص لمدة سنتين من غير ما يعرف عنك حاجه او تعرفى عنه حاجه
كان على الاقل يقضل ع اتصال بيكى باى وسيله ويعرفك اخباره وانه بيتعب عشانك
عشان انتى كمان تبقى عارفه فى حد بيعب عشان يتقدملك لكن هو سافر وقال عدولى..
خليكى مع خطيبك اللى بتحبيه وبيحبك وربنا يوفقكم
وعاوزه اقولك حاجه مفيش واحد بيبنى مستقبله عشان واحده!!ولو مخدهاش يبقى مش هيبنى مستقبله
كده كده هو لازم هيتعب وهيبنى مستقبله عشان فى يوم م الايام عاوز يستقر
سواء ارتبط بيكى او بغيرك ؟؟
لا تتركى خطيبك طالما انك تحبية مهما كان مع الاخر مال ولا تتكلمى معة ابد وغيرى رقم موبايلك
اسمحيلى ااولك انك غلطى لمجرد انك قبلتى الكلام على فكرة دى تعتبر خيانة لمجرد انك تتناقشى حتى مع شخص فكر فيكى انك تكونى زوجة لية ارجعى لخطيبك الى بيحبك وارضى بنصيبك و ما تسبيش الشيطان تخليكى تفتكرى تعملى مقارنة او حيرة بين خطيبك وبين الشخص دا
اولا : من الخطأ الكبير جدا انك وعدتية بعد الدراسة
ثانيا : محدش بياخد مرات حد تانى كل واحد بياخد مراتة
ثالثا : كلامك مع اللى سافر حرام واكبر حرام ان لم تكن خيانة والعياذ بالله
رابعا : الانسان اللى سافر دا ورجع ان كان فعلا انسان كويس مكنش كلمك انك تسيبى خطيبك وترجعيلة لان الرسول صلى الله علية وسلم فى حديث فيما معناة ( لايخطب احدكم على خطبة اخية ) صدق رسول الله صلى الله علية وسلم
احفظى جوزك ربنا يصونك ويعفك من دخول اى شيطان بينكم والعياذ بالله
وعلى فكرة لازم تعاهدى رب العباد على انك متكلميش الانسان دا لانة………………. والله
تعالى اعلم
اولا سلام عليكم انا من راي المتواضع انك تكملي حياتك مع الا اختارك وينسبك وازي هو بيحبك وفضل طول فترة السنتين مايتصلشي بيكي او يسال عنك وبعدين مافيش ذنب ولا اي حاجة بس سفر اية الا يجيب شقة وعربية وكمان وظيفة والله كويس بس خليكي مع خطيبك وسيبك منة واقطعي كلامك معاة نهائيا
الشخص الاولاني لو كان بيحبك بجد مكنش هيقطع معاكي حتي لو سافر وطالما انتي لقيت الانسان اللي بيحبك ويحترمك في غيابه يبقي مينفعش تكلمي الاول اصلا لانها هتعتبر خيانه لخطيبك
يعني با ختصار ربنا قدم اللي فيه الخير
محسسك انك مذنبة يعنى اكيد انك وعدتية انك هتستنياه ودلوقتى اتخطبتى لانسان بيحبك وبيحترمك وانتى كمان بتحبية دى مش محتاجة راى غير انك تفضلى مع خطيبك والتانى تعرفية انك بتحبى خطيبك واذا فعلا قالحد فهو طلب يتقدملك زى اى حد ما عجبة حد وعرض علية الارتباط ورفض انتى مش عملتى شئ غلط ولا تخافى منه وربنا يوفقك
متصرحيش خطيبك بحاجه يا اختى اوعى تعملى كده علشان متندميش طول حياتك وبصراحه انا مش شايفه اى مشكله انتى انخطبتى وخلاص وكمان بتحبى خطيبك متخليش الشيطان يلعب بيكى كل اللى انتى فيه انك فرحتى لما حسيتى ان هناك شخص كان بيشتغل وبيتعب علشانك وعمل ده كله علشانك فحسيتى انه بيحبك علشان كده ابتدى الشيطان يلعب بعقلك وبعدين مفيهاش حاجه انه اشتغل وجاب عربيه وشقه اهو كل ده مصلحه ليه وبعدين كل علاقته بيكى انه كلمك مرة او مرتين وبعد عنك سنتين يعنى مش هيكون متعلق بيكى اوى هو بس شايفك انسانه كويسه واخلاقك كويسه علشان كده اتقدملك لكن واجب عيله لو عنده دين ميخطبش على خطبه اخيه المسلم انتى مكنتيش زوجته وسبتيه ولا حتى خطيبته وفركشتى الجوازه وانخطبتى لغيرة ابدا انتى مغلطيش خالص ومتسمحيش ليه يتصل بيكى ثانى مترديش عليه وخلى بالك عصفور فى اليد خير من الف على الشجرة طالما خطيبك كويس واتعودتى على طبعه ليه تسبيه وانتى متعرفيش اللى جاى ايه يمكن تكون اخلاقه صعبه او فيه فى طبعه حاجه مبتحبهاش
اختى العزيزه
واسمحى لى ان اقول اختى لانى هنصحك نصيحة الاخ لاخته
القلب صعب انه يقبل شخصين فى مكانه واحده اى مكان العاطفه ولاكن ارى فى كلامك عن العربيه والشقه وجايه من السععوديه هناك لمحة اخرى وهيا الماده والاخ الفاضل لو عمل ده علشانك ليه بعد عنك ومش بيسال الا بعد سنتين هوه كان ناسى هوه هدفه ايه وراء الى بيعمله وافتكر
لا يا اختى اذا بتحبى خطيبك اوعى تعمليها لان لو ظلمتيه علشان الاشياء الى ذكرتيه ربنا انتقامه هيكون اشد بلاش تجرى وراء البريق وصدقينى الاستاز لو عمل ده علشان كان على الاقل هيسال عنك طوال الفتره السابقه ولو لقى واحده وعجبته مكنش اصلا جه ولا فكر حتى
اسف اذا كان اسلوبى لازع او غير مقبول لاكن يعمل الله هيا الحقيقه
خليكي مع خطيبك وصلي استخاره كتير
والله يا اختى اولا لا تكلميه عشان لو كلمتيه من ورا خطيبك اللى انتى بتحبيه وعرف خطيبك ممكن يزعل ويفهم حاجة غلط ثانيا لو كلمتيه قوليله ان كل شى قسمة ونصيب وانتى خلاص اتخطبتى وبتحبى خطيبك ومادام انتى لم يصدر منك معاها اى شى غلط تخافى منه يعنى صارحى خطيبك واحكيلة ومادام انتم متفاهمين وهو بيحبك وبيثق فيكى هيقف جنبك ويساعدك وبعدين يعنى ايه سافى السعودية 2 سنة جاب دة كله يعنى دى مش داخلة دماغى كان بيشتغل ايه فى السعودية ربنا يوفقك ويرشدك للصواب
انا مش عارفه اقولك ايه انتي كده ظلمتي الاتنين بس ال اقدر اقولهولك انك لو بتحبي خطيبك كملي معاه ولو مش بتحبيه وبتضحكي علي نفسك افسخ الخطوبه وارتبطي بال اتقدملك لكن لو بتحبي الاتنين من قلبك بجد يبقي مافيش غير حل واحد لان المشكله بجد صعبه هي انك تصلي صلاة استخاره واسألي الله والخير ربنا هيقدمهولك لصعوبة المشكله ماحدش يقدر يفيدك لا انا ولا غيري هو ربنا سبحانه وتعالي هو ال هيهيألك الطريق المستقيم فأسألي الله تبارك وتعالي وربنا يريح قلبك ويصلح حالك…………