ضيعت عمرى معاه اخلينى مع خطيبي وخلاص

السلام عليكم انا بنت عندى 27 سنه مخطوبه من 3سنين عن حب قوى من جهه خطيبى فضل يحبنى ويعاملنى كويس لحد لما خلانى احبه واتعلق بيه اهلى فى البداية مكنوش موفقين عشان ظروفه الماديه صعبه اوى المهم فى الاخر اقتنعوا ودخل الجيش وخرج وانا مستنياه و دلوقتى المفروض اننا هنجهز ان شاء الله للجواز وهوه عنده شغله الخاص يعنى عامل مشروع مش بيشتغل فى مكان ودى حاجه حصلت بعد لما البلد حالها اتنيل ومبقاش فى اى شغل واهلى برضه كانوا رفضين بس مع زنى عليهم وفقوا بس المشكله انى حاسه انه متكاسل ومش متحمل اى مسئوليه على طول ينام ويصحى براحتوا متاخر ينزل المكان بتاعه ده و لما اقوله انت مالك مكبر لكل حاجه يقولى ده شغلى وانا ادرى منك حصلت امبارح مشكله انه كان هينزل يشوف شقه عشان جوازنا والمفروض يصحى بدرى طبعا لا صحى ولا عمل وجيت اساله مصحتش بدرى ليه زى متفقنا يقولى مقدرتش ويروح قالب الدنيا وعامل اى مشكله بحس اوقات انه بيتلقق مع العلم انى سألته اكتر من مرة لو عاوز نفركش يقولى انتى اجننتى لا طبعا وهو بيحبنى وانا واثقه من ده بس معرفش ايه اللى جراله لما دخلنا فى الجد ارجوكم ساعدونى اعمل ايه اوقات بقول اسيبه بس برجع اقول اهو واحد وخلاص انا كبرت وفرصى هتقل وخايفه من كلام الناس بعد 3سنين وبعد لما ضيعت عمرى معاه اخلينى وخلاص معاه ولا اعمل ايه بالله عليكوا ساعدونى انا مبنمش من كتر التفكير

مشاكل وحلول ذات صلة

• اقول لماما على حبيبي ولا استنى شويه
• ارجع ثقتي في خطيبي تانى ازاى
• ليه البنات والشباب اصبحوا منحلين
• مش بحب خطيبي وبابا رافض اسيبه
• خطيبي قال اني غاوية نكد بسبب الغيرة
• رفضت تتعرف عليا رغم ان غرضي شريف
• احساس بالقلق والبرود منه كيف اتاكد من حبه الي