صحيح إن أنا فى سنة خامسة بالجامعة بس عمرى فى حياتى ما كلمت بنت ولا أعجبت ببنت وكنت دايما بقول ان حكاية انك تعجب بواحدة ده هبل واتريق على اللى يقعد يقول الحب من اول نظرة وف لحظة كل شئ اتغير لما خدت كورس معاها وشوفتها اعجبت بيها وانا معرفش عنها اى حاجة ولا حتى اسمها لأنها فى جامعة غير جامعتى وبدأت النظرات بينا وهى كمان كانت بتبصلى فجيت فى يوم اتجرأت جامد ومش عارف عملت كده ازاى
استنيت لما بقت لوحدها ووقفتها قولتله اوانا طبعا متمالك نفسى بالعافية :السلام عليكم انا اسمى كذا وكنت …..عايز اعرف اسمك
بإرتباك مع ضحكة خفيفة قالتى :لأ وبدأت تمشى بعد ما كانت واقفة
قولتلها وانا ماشى جنبها انا معجب بيكى…..وهى ما بتقولش غير: لأ
قولتلها عشان اطمنها انا عايز اخطبك ومعرفش حاجة عنك ولا اعرف انتى مخطوبة ولا لأ وهى ما بتقولش غير نفس الكلمة اللى صدا صوتها فى ودنى لحد الآن :لأ
قولتلها طب دنا حتى ما اعرفش اسمك وكان نفس الرد :لأ
أنا مش عارف اعمل ايه دلوقتى؟ ولما اشوفها تانى اعمل ايه؟ وهل اللى انا عملته ده غلط ولا صح ؟ ارجو الإفادة
مشاكل الشباب مع البنات
رفضت تتعرف عليا رغم ان غرضي شريف
اضيف بتاريخ: Thursday, December 21st, 2017 في 18:33
كلمات مشاكل وحلول: الجامعة, الحب, بنات, بنت, حب, شاب, مخطوبة
اعتقد اي بنت بتسوي نفس رده الفعل حاول تكلمها ثاني او اسال عنها و فكر بجديه اكثر ان كنت تحبها من صدق
السلام عليكم ورحمة الله وبركاته
الاجابة من الاخر روح بيتهم واسال عن ابوها واعرف منه كل شي هتوفر على نفسك مجهود كبير
لا تحاول تكلمها ثانيا حتي لا تصدم برد فعلها او اهانه غير منتظرة اول مرة اكتفت بلا وربنا ستر
المرة الثانية لازم تعرف انك جاد وتوصل لها كدا عن طريق ابوها انت رجل الان ولست فتى تصرف كتصرف الرجال وادعوا الله ان يبارك لك
لوكنت فعلا قصدك شريف وترى ان البنت دي هي الزوجة المناسبة لك تجي حسب الاصول وتطرق الباب مش تروح تكلمها وعايز تعرف اسمها هل ده تصرف انسان عاقل ومحترم هل تقبل على اختك كده انو احد يعاكسها ويتكلم معاها والبنت محترمة فعلا واللي كانت فضحتك امام كل الناس وسمعتك كلام مش كويس في طرق كثيرة تقدر الوصول اليها ان كنت فعلا قصدك شريف وترغب في الارتباط بالبنت مثلا تخلي احد من خواتك البنات تروح معاك للجامعة وتتعرف على البنت دي وتقولها بصريح العباراة اخوي معجب بك وغرضه شريف يريد الارتباط بك وتعرف منها اسمها واهلها مين وهل الفتاة مخطوبة ام لا وبعدها البنت تكلم اهلها امها اقرب ناس لها وتقول في شاب زميلي في الجامعة اسمو كدا عايز يجي هو واهله يتعرفوا عليكم والحاجات متعارف عليها بين الاهل ان كان لك نصيب مع البنت دي سوف يكتبه الله لك مافيش نصيب خلاص كل شئ قسمة ونصيب وتصرفك اكيد غلط مليون مرة وتمنى اكون افدتك بهذا الموضوع وتحياتي لك