في البدايه السلام عليكم ورحمة الله وبركاته
انا بنت شابة عندي 23 سنه
اتخطبت لاحد اقاربي من سنتين
والمشكله اني مابحبوش ووافقت عليه عشان العيله لان رفضي هيكون سبب في التفرقه والقطيعه بينهم
ومشكلتي معاه من واحنا صغيرين كان دايما بيتعمد يضايقني
حاولت افتكر له حاجه واحده حلوه بس مش لاقيه
كان على طول بيبقى مبسوط وانا بعيط
واول مايشوفني هاديه وقاعده فحالي لازم يجي ويعكر مزاجي
بيدور على الحاجه اللي بحبها عشان يبوظها والحاجه اللي بكرهها بيجيبها لحد عندي
حتى لما كبرنا فالعمر هوه فضل زي ماهوه
معاملته ماتغيرتش
يعني لو اتجمعت العيله واتقابلنا كل وحده من البنات بتطلب اي حاجه عادي بتتنفذ
ولما اتكلم انا واقول عاوزه الحاجه دي
يدخل فالموضوع ويقول عشان عاوزه دي بالذات مش هتخديها
واول مايسمعني بقول يمين يقول شمال
مع كل ده اتقدملي انا احترت فيه جدا
مش عارفه ليه بيعمل كدا
وكل ماحولت اني انسى اللي بيعمله الاقيه بيزودها
من واقع خبرتي في الحياةاقول لك الشاب يحبك صدقيني ومايفعله من تصرفات معك تدل على انه يحبك لكن فيه نوع من الولاد يكونو رومنسين جد وفيه ولاد يكونو رومنسين لكن يقلبوهالرخامةواستظراف وخفةدم حاولي تقربي منه اكثر واعطي قلبك فرصةيحبه وشاركيه الكلام والمزاح والاستلطاف وسوف تلاقين نفسك حبيته وتموت فيه احسن لك تتزوج واحدفرفوش ومرح والا تتزوج واحدنكدي ومكشر بوشه طوال اليوم وكانه شايل الدنياعلى دماغه في واحدةقريبةلنا كانت ترفض العرسان اللي يتقدموالها وفجاةتزوجت من راجل زي صاحبك ده ويمكن اكثرمن رخامةوخفةدم وظرافة والكل اجمعواعلى فشل زواجهامنه لانهامتعلمةوبنت عيلةكبيرة لكن البنت حبته من كل قلبهاوتموت فيه وتتفاخرقدام الناس بزوجهاوبالسعادةاللي هي فيه وجابت منه الاولادوالبنات وفي الاخرالزواج قسمةونصيب وماحدش عارف نصيبه فين واللي مع مين
حبيبتي استخيري ربك واهم شي لو مش مقتنعه بيه لو علي رقبتك ماتتزوجهوش اهم شي اقتناعك انتي بيه وقلبك مستريح ليه ولا لالا هو في اولاد تبقه رخمه موووت بس مش بزياده اكده فكري واستخيري ربك وهو احن واحد عليكي وادعي ربك بس لو مش مقتنعه بيه وتزوجته بعد الزواج هاتضربي نفسك جزم
بصي انا كنت زيك كنت مخطوبة لابن عمتي ومكنتش بحبه خالص او مكنتش متخيلاه زوج بس وافقت عشان ماما كانت بتضغط عليا وتقولي عمتك ختزعل وكنت فاضلي اسبوع علي الامتحانات وبالرغم من كده ماما مقدرتش اني في ثانويه عامه فوافقت عشان اريح دماغي بس بعد الخطوبة ب10 اشهر قولت لا باعلي الصوت وانا اللي فتحت الموضوع معاه وقولتلوا انا مش هرتاح معاك في الزواج وان احنا مش متفقين وهو اتقبل الموضوع
شكرا لاهتمامكم وردكم
بس انا مش لاقيه اي تغيير بين معاملته في الطفوله
وبين معاملته واحنا كبار
واللي مخوفني منه انه عارف اني مابحبوش وبتضايق لما اشوفه
وبتعمد ابين الحاجه دي
عشان يطلعني من دماغه
بس بتصدم انه واخدها ضحك ولا على باله خالص
مش عارفه هل هوه برود زايد عن حده
والا استخفاف بيا
والا ايه بالضبط
والله ياجماعه انا خايفه مش عارفه حياتي هيبقى شكلها ايه
لما نعيش تحت سقف واحد
ولو بيحبني بجد مش بيسبلي فرصه احبه ليه ؟
ده حتى في يوم كنت خارجه معاه ومع اخته واختي عشان نتفسح
وكنت هاديه جدا ومش عاوزه اتنرفز
وقعدنا نتمشى عالكورنيش وراح يشتري لب وياكل ويتف عليا القشر
وطبعا اتعصبت وخانقته وردت فعله كالعاده انه بيعمل نفسه مش شايفني اساسا
وده اللي بيغيظني لما مايردش عليا ويتخانق
اتصرف ازاي ؟ ومحدش يقولي امسك اعصابي واحاول ابقى بارده لاني مااقدرش
انا طبيعتي كده بتنرفز واكره حاجه عندي الاستفزاز
وهوه مستفز لابعد الحدود
وشكرا ليكم
فى شباب بيحولوا ينغشوا الى معاهم بس هو بيحبك
يعني انت عاوزاه يغير معاملته ولا مش عاوزاه خالص
في بنات عاوزة النوع ده وبتعرف ازاي تتعامل معاه
لو كان عامل زي تيمور يبقي بحبك (فلم بطولة مني زكي و ….. اسمه ….. وتيمور )
مثلا اذا عاوزة تروحي يمين قولي شمال وهو حا يقول يمين ….
اعكسي كلامك …
بلاش كلمة علشان العيلة وما بحبوش والحسابات الخالية من اي حاجة حلوة …. لانك اذا صدقت هذا الكلام مش حا تفتحيلو قلبك خالص
انت انسانة هادئة وكتومة و عنيدة وخيالية وزاكرتك قوية وهو شخص مشاكس يريد ان يحسسك بوجوده حولك ويلفت انتباهك ….
هنالك اختلاف بين علاقة الناضجين وعلاقة الطفولة
مثلا من سنتين خطوبة
تقدري تقولي انه لا يغار عليك
تقدري تقولي انه لا يخاف عليك
تقدري تقولي انه لا يهتم بصحتك
عيدي اكتشاف نفسك وعيدي اكتشافه
ربنا يوفقكم
بيحبك يا عبيطه فى نوع من الولاد كده لما بيحب بدل ما تقلب معاه رومانسيه وموافقه على كل الطلبات بتقلب معاه رخامه على حبيبته .. نصيحه حاولى تسمعيه