مشاكل الخطوبة

مش متقبلة خطيبي كحبيب

انا فتاة عمرى 22 سنة مخطوبة لابن خالتى وعمرى كنت اتخيل فى يوم من الايام انه يكون خطيبى هو محترم وتدين والمستوى الاجتماعى والثقافى متقارب وكانسان انا شايفاه كويس لكن كحبيب مش عارفة اتاقلم معاه او بمعنى اخر انا بحس ان حبى ليه وقتى وهو كمان مسافر مش معايا كان اهتمامه بيا قليل بحكم سفره ونزل اجازة شهرين قربتله بنسبة 50% بس بردة احساسى باهتمامه بيا كان مفقود وبردة حبى ليه كان وقتى يعنى لما يكلمنى او نخرج مع بعض بحس انه قريب ليا وبحس ان حبى له بيزيد وهو دلوقتى سافر وبردة الاتصال بينا يكاد يكون منقطع وانا كدة بقالى سنة مخطوبة انا مش بكرهه بس فى نفس الوقت مش حاسة انى بحبه زى مثلا ما كنت اتوقع انى احب شريك حياتى خصوصا انى مجربتش الحب قبل كدة كان حب من طرف واحد وانتهى بسرعة جدا وحسيت بعدها انه كان اعجاب اكتر من كونه حب وبصراحة بالنسبة لخطيبى احساسى بحبه وقتى وتفكيرى فيه بردة وقتى وانا كلمته فى كل حاجة بتضايقنى لكن هو كان رد فعله انه بيدينى الحق فى حاجات كتير لكن كش عنده استعداد يتغير ومسالة القرابة دى فى حد ذاتها مشكلة انا بصراحة حاسة انه صعب اوى ان الموضوع ينتهى من ناحيتى يعنى تقريبا الوقت فات ومش حاسة انى عاوزة ابعد عنه لانى حاسة انى مش هلاقى احسن منه ومش هسلم من كل اللى حواليا لو نصيبى جه فى حد وحش انا مؤمنة ان كل شئ نصيب لكن انا خايفة ومعنديش الشجاعة انى اقدم على هذة الخطوة انا سورى انى بتكلم كتير بس انا حسيت انى حابة افضفض معاكم وتقولولى اتصرف ازاى يعنى اتعامل معاه ازاى اطنشه ومهتمش بيه زى ما هو بيعمل ولا اقرب واحاول معاه بس انا مش عاوزة اظلمه ومش عاوزة اجيب غلط عليا ومش عاوزة اظلم نفسى اتفضلوا وقولولى رايكم بصراحة شديدة جدا ومن غير ما ازعل بس فى حدود الاحترام وقولولى يعنى انا مكبرة الموضوع ولا عندى حق وقولولى كمان المفروض اتعامل معاه ازاى

مشاكل وحلول ذات صلة

اضيف بتاريخ: Monday, January 22nd, 2018 في 05:34

كلمات مشاكل وحلول: , , , ,

3 رد to “مش متقبلة خطيبي كحبيب”

  1. ابوالبتول
    23/01/2018 at 10:38

    شوفي ياحبيتي الحب الحقيقي ياتي بعد الزواج صدقينى والشاب خطيبك ابن حلال كويس ومتدين وعلى خلق ومحترم ويعاملك باحترام وتقدير احمدي الله على كده واهتم به وتقرب منه ودام انه مسافر تواصل معه عبر الموبايل او النت وبادليه المشاعر والاحاسيس ده خطيبك وهيكون زوجك حرام تعامليه بالشكل ده وكمان ابن خالتك قريبك هيكون احن عليك من اي احد ثاني استهدي بالله وبطل الافكار والاوهام التي هتدمر حياتك وتخرب عليك واهتم بخطيبك واسالي عنه وعامليه كويس ولاتبخل عليه بالمشاعر والعواطف وربنا يتمم لكم بالخير ويجمعكم على خير وتفرحوا قريبا بالزواج وتكونا اسعد زوجين في هذالعالم وتلاقوا الخيروالسعادة والاستقرار طوال حياتكم

  2. هيما
    22/01/2018 at 13:06

    الاجمل فى الحب اللى هيجى بعد الجواز والمهم تتاكدى انه انسان كويس وهيعرف يحافظ عليكى وفى بيتكم الامور هتتغير واحنا فى الغربه عموما محتاجين دعم والله العيشه بعيد عن الاهل صعبه اوى بنتعب ونمرض ونمر بمشاكل ومحدش جمبنا ادعيولو واقفى جمبه وهو بعد الجواز هتلاقى شخص اخر

  3. saif
    22/01/2018 at 12:22

    الحمدلله رب العالمين والصلاة والسلام علي خير المرسلين الصادق الأمين الذي قال ( استوصوا بالنساء خير), اختي الكريمة انتي عرضتي في مشكلتك ان خطيبك شخص ملتزم وكحترم و أنكم مازلتم في مرحلة الخطوبة وقد يكون هذا سبب كافيا عن ان لا يعرب لكي عن مشاعرة بشكل صريح لان تلك المرحلة لا يجوز فيها التعبير عن صريح المشاعر لانها مجرد وعد بالزواج وليست زواجا وان كان هذا هو السبب فاحمدي الله حمدا كثيرا علي مثل هذا الرجل وتمسكي به كثيرا فإن مثلة من يصون الاعراض ويحفظ حقوق النساء ,اما ما تقولين عن ان حبك له وقتي فهذا شئ طبيعي يبدو لي لانك كنتي تهييئنفسك لسماع الكثير من كلمات الحب والغزل ولكن خطيبك لم يفعل ذلك فقد يكون هذا سببا وخصوصا اذا كنتي تسمعي من رقيقاتك قصص عن حبهم مع خاطبيهم ,, اذا كنتي تري انك تقبلين هذا الشخص ويوجد لديكي قبول العيش معه وانه شخص محترم وعلي خلق فإن الحب العميق سوف يأتي بعد الزوج غن شاء الله ,, وانتي استوثقي منه في ذلك وإسألية إن كان لا يقول كلام الحب ولا يفرط في الاهتمام بسبب أنه لايجوز الأن فإذا كان جوابه نعم فهذا خير ,,ان كان انه لا يعلم كيف يفعل هذي الامور فسيكون عليكي أن تعلميه هذا ولكن بعد زواجكم او كتب كتابكم علب الاقل ,, واسأل الله لكي التوفيق والسداد في الامر

اترك رداً أو حلاً لهذه المشكلة