مشاكل الخطوبة

الفرح قرب وبفكر اكمل مع خطيبى ولا اسيبه

انا هتكلم باختصارعن المشكله ويارب تساعدونى فى حلها
انا بنت عندى 25 سنة ومخطوبة من فتره حوالى 7 شهور وكان فى شخص بحبه بس اهلى رفضوا الموضوع علشان مؤهل متوسط وبلد ارياف مع العلم ممكن نتخانق ونرجع نتكلم مع بعض عيد ميلادى يجيب ليا خاتم دهب وكان بيفرحنى واتقفل المووضوع بتاع حبيبى المشكله ف خطيبى رضيت بقى بخطيبى وقولت هنسى كل حاجه وهو هينسينى حبيبى اتخطبنا ومش بيخرجنى نهائى مش خرجنى غير مرتين وحصلت بقى مشاكل بينا بدنا نجهز الشقة والعفش طبعا ف حاجات صغيره تحصل وبحاول اعديها مثلا جبت صالون بدام اما اجيب اطفال علشان هم قالوا انى اخدت الارخص مع العلم ان هو موظف ومن عائله كبيره وكبرت دماغى حتى الحوض قال انى اجيب الحوض والمراتب بحس انه عايزين يمتصونى وخلاص المشكله بقى اى خلاف يحصل لازم طرف تالت يدخل من اهله ف امشكله وانا فيا عيب رخم انى مش بعرف اسكت لحد وبرد عليهم دلوقتى حجزنا القاعه وقبل اما احجزها قولت نستنا شوية علشان الدراسة بتاعتى وبرضه قال لا واتحجزت القاعه وقبل اما تتحجز كنت بعيط وهم شايفين انى بعيط وحجزوها برضه وفضلت اعيط طول اليوم لحد اما بالليل بقوله ناجل الفرح زعل بقى قولت خلاص ع ميعادنا وقفلنا ع كده تانى يوم رنيت عليه برضه مش بيرد حتى حماتى مش بترد برضه وبعد كده خالته بقى اتصلت بيا انتى كسرتى فرحته انتى جرحتى ابنى انتى وانتى يارتنى خطبت له حد تانى وبرضه انا لسه متمسكه بيك وحاجات كده وقعدنا بعدها بيوم مع بعض انا وهو وجوز خالته واختى وهو كان متعصب جدااا ومفيش فايدة حتى اقترح جوز خالته ان يروح معايا الكليه علشان نقرب من بعض ونفتح صفحه جديدة رفض برضه وفضلنا بقالنا اسبوعبن مش بنتكلم وكان جايب ليا خط باقة مش دفع الفاتورة وسحب الخط منى هم هيجوا بكره يقعدوا مع ماما واختى واخويا الكبير مع العلم ان اخويا الكبير ده ف بينا خلافات بسب الميراث يعنى بعد اما يمشوا هيفضل يزعق ويقول لسه هتشوفوا وكده علشان كده مش بحب ادخله ف مشاكلى الشخصية علشان بييعارنى بيها وخطيبى برضه ساعات بيصلى وساعات لا و مش بيحترم اخواتى البنات اما يتصلوا بيه خلال الاسبوعين مش بيرد عليهم وخالته قالت ليا انى همضى ع شروط ف عقد الزواج لو حبيت اطلق او قصرت فى حقوقى الزوجيه او حبيت نقل من المكان للى عايشة فيه مش ليا اى حقوق وكنت بقوله ع القائمه ل مثلا جبنا الحاجات 90 نقفلها ل 100 عمل ليا بقى مشكله مع انى مش اشترطت عليه انا كنت بقترح بس مش بحس انه بيحبنى خالص عايز يتجوز وخلاص مش مهم انا بقى اجى ع نفسى بقى واتجوز وزى ماهو عايز الشهر ده مع ان لسه ناقص حاجات ودراستى بقى تبوظ ولا اسيبه بقى بعد كل ده ولو سبته ارجع للى كنت بحبه هو حنين عليا اوى مع ان حصل بينا مشاكل كتر بس دايما بنرجع لبعض وبيستحملنى لو اتجوزته هعيش ف بلد ارياف اوى وشغله قطاع خاص
مع ان ماما قالت لا مش هتلاقى زى خطيبك عائله معروفه وموظف وشقة تمليك احمدى ربنا بس بحس انه بخيل مش بيجيب ليا حاجه غير فين وفين والخروج مرتين بس بحجة لا يجوز شرعا مع ان حصل بعض التجاوزات بينا وهو بيشرب سجائر انا عارفة انى غلطت ف التجاوزات ديه بس مش كررتها تانى علشان حرام ع فكره هو باس رجلى وبحس انه بيكون مبسوط معايا انما انا لا اتجوزه ولا اسيب والمشاكل الكتير للى بتحصل ديه انا صليت صلاة الاستخارة كذا مره وبرضه مش بيكون ف حاجه بس انا خايفة اتجوزه علشان المشاكل ومش ليا سند مليش راجل دلوقتى كل الناس للى حولى عارفين اننا متشاكلين من خالته انا تعبت اوى وكل شوية اعيط ومحدش حاسس بيا حاسه انى غلط ف كل شئ

مشاكل وحلول ذات صلة

اضيف بتاريخ: Monday, January 29th, 2018 في 05:21

كلمات مشاكل وحلول: , , , , , , , , ,

ردود to “الفرح قرب وبفكر اكمل مع خطيبى ولا اسيبه”

  1. ابوالبتول
    31/01/2018 at 20:36

    اختي العزيزة مبروك عليك الخطوبة وربنا يتمم لكم بالخير ويؤفقكم ويسعدكم في حياتكم القادمة طالما انو الشاب خطيبك يحبك وحنين عليك ويعاملك كويس فلاداع للخوف والقلق ابدا ومش عاوزك تكبري الموضوع وتبعدي عن الافكار والتخيلات اللي هتخرب عليك سعادتك تقربي من خطيبك وعامليه كويس وخصوصا ان فرحكم قرب موعده ولاتخلي احد يعكر عليكم حياتكم وسعادتكم ابدا والحب الخقيقي ياتي بعد الزواج هتكون سعيدة ومرتاحة معو وهتلاقيه يخرجك ويفسحك ويبسطك كثيرا وعمرو مايبخلش عنك باي حاجة دعيك من كل تلك الاوهام والافكار اللي تبوظ عليك حياتك ومسالة شرب السجائر ان شاء الله هو يبطلها ويقلع عنها اذا شافك تساعديه على ذلك وتحرصي على صحته وسلامته ومهتمة به جدا واتمنى لك دوام التوفيق والخير والسعادة الدائمة طوال عمرك وربنا يوفقكم ويسترعليكم

اترك رداً أو حلاً لهذه المشكلة