انا بنت عندى 19 سنة مخطوبة لشاب عندة 26 سنة هوة متدين ومحترم وطيب اوى المهم هوة اتقدملى وخطبنى وسافر احدى الول العربية المشكلة انى مش عارفة احبة هوة لما اتقدملى وقعدت معاة محسيتش بالاحساس دة انى معجبة بية او فرحانة بس كل الناس كانوا بيقولوا انى غلطانة وكمان هوة جسمة مليان شوية ومابيهتمش بطريقة لبسة وانا على العكس تماما باحب اهتم بشكلى ومظهرى ودى حاجة مش بسطانى بية اتصرف ازاى اكمل الخطوبة واجى على نفسى ويمكن الحب يجى بعد الجواز انا معرفتش شباب قبل كدة ودة اول راجل يدخل حياتى ولا اتكلم معاة بصراحة واقولة انى مش عارفة احبة وننهى الموضوع على كدة ارجوكم قولولى رايكم وساعدونى
قصتك دي حصلت مع اختى تقدم لها شاب محترم جدا وعلى دين وخلق ولكنها رفضته بحجة انه تخين ولايهتم بمظهره وطريقة لبسه وحاولنا معها عشان توافق عليه فرفضت وانتهى الموضوع وبعدها تقدم لها شاب اخر على قدر من الوسامة والشياكة ولكنه غير ملتزم في الدين وسئ الخلق فالاول رفضوه الاهل لكن بعد فترة تقدم ثاني وهي أصرت على الزواج منه واقنعت الاهل بذلك وانه تغير وصار يحافظ على صلاته ويقرا القران وحسنت خلاقه حتى وافقنا عليه وتمت الخطوبة بينهما وبعد فترة تم الجواز وكانت سعيدة جدا بهذا الزواج ولكن سعادتها لم تدم طويلا فقد ظهر الشاب على صورته الحقيقية بلادين ولاخلاق ومعاملته سئية مع كل الناس اصبح يترك زوجته وبيته ويسهر مع أصحابه خارج البيت ويشرب الخمرة ويسافر مع صحابه للخارج وبتاع بنات وسيرته على كل لسان فندمت اختى على قبولها الزواج منه وتمنت الموت على العيش معه وحصلت بينا وبينه مشاكل كثيرة ولم نتركها حتى تطلقت منه وكانت تلوم نفسها وتندم على انها رفضت الشاب الأول اللي كان تقدم لها وكيف قبلت بالزواج من الشخص ده وقعدت في حالة صعبة من الحزن والكابة والندم وحمدنا الله انها استعادت عافيتها بعد اللي حصل لها وصار بحالة جيدة وربي كرمها بالزواج من احد اقاربنا ابن خالتها شاب محترم جدا وطموح ومجتهد في حياته وتزوجت منه ورزقهم الله ولد وبنت وهم في اتم الخير والسعادة ولاستقرار في حياتهم الزوجية
يابنتي المهم في الراجل دينه واخلاقه وده موجود في خطيبك فدي نعمة كبرى ربنا رزقك بها فقولي الحمدلله والشكر على دي النعمة واياك ان تتركيه ومسالة انك ماتشعري بالحب معه فالحب الحقيقي يكون بعد الزواج وحتما هتحبيه ولو طريقة لباسه مش عاجبك فطلبي منه ان يعتني بمظهره والاعتناء بطريقة لباسه وهو بيعمل الشئ اللي يرضيك طالما انه يحبك وتقدري على تغير أسلوبه في اختيار ملابسه ومظهره حتى يكون بحسن صورة امامك وامام كل الناس وتمنى لكم التوفيق والخير والسعادة في حياتكم الجديدة
الرجل مش بشكله ولابمظهره انما بدينه واخلاقه وعمله انت تفكيرك غلط احمدي الله على النعمة اللي انت فيها وخطيبك فيه كل الصفات الحسنة اللي تتمناها كل بنت وتقدري تخليه يهتم بنفسه وبشكله ومظهره والحب الحقيقي ياتي بعد الزواج وربنا يسعدك ياحلوه
شوفي يااختى انا من راي الاخت -ام يوسف – طالما انو الشاب متدين ومحترم جدا وطيب فدي نعمة كبيرة غيرك يتمناها في الانسان اللي عاوز يرتبط بها استمري معه واحمدي الله على كدا ومسالة شكل جسمه واللباس فتقدري انت بعد الجواز تغييريه للافضل وتخليه يخفف من وزنه التقيل ويهتم بطريقة لبسه صدقينى كثيرا من الزوجات عملن كدا مع ازواجهن وكانوا مثل خطيبك ده وبعد فترة من الزواج اصبحوا بصورة جيدة واحسن من الاول والزوجة لها تاثير كبير على حياة الرجل وتغيير سلوكه وطباعه
يابنتي الحبيبة اهم حاجة في الزواج ان يكون العريس على دين وخلاق وده الاصل احمدي الله انو خطيبك فيه كل الصفات الحسنة اللي تتمناها اي بنت وصدقيني الحب الحقيقي ياتي بعد الزواج وهتلاقي نفسك تحبيه اكثر من اي وقت مضى استهدي بالله وماتخربي على نفسك وتواصل مع خطيبك دام انه مسافر ومتغرب علشان يجهز لك العيشة الكريمة واسالي عنه واهتمي به وبادليه المشاعر والعواطف وربنا يحنن قلوبكم على بعض ويتمم لكم بالخير ويؤفقكم ويسعدكم معا في حياتكم القادمة ومسالة انك متضايقة من جسمه المليان وانه مايهتم بطريقة لبسه فدي مقدور عليها وتستطيع تخليه يخفف وزنه وانت تهتم بطريقة لباسه عندما يكون زوجك وتغيير منه للاحسن ده حصل معي في بداية زواجي كان جسمي تخين ومليان وماكنت اهتم بطريقة لباسي وعندما تزوجت مراتي وحبيتي ام عيالي استطاعت تغييري للافضل باهتماها الكبير بي وكلامه المعسول والجميل خلتني اخفف وزني واهتم بطريقة لباسى واكون بكامل الاناقة والشياكة فالمراة لها دور كبير في حياة الرجل وتستطيع تغيير نمط حياته من الاحسن للاحسن وربي يسعدكم ويؤفقكم
بصي ياحبيبتي الشخص مش بشكله خالص طالما هو محترم وكويس احمدي ربنا غيرك مرتبطة ومتجوزة من اللي شكله ومظره حلو جدا بس طالع عنيهم انتي غلطانة في تفكريك خالص انتي سنك صغير عشان كدا مش عارفة تقرري صدقيني انتي في ايدك تخليه يغير في شكله ومظهره بس لو فيه عيوب تانية مش هتقدري عليها فاحمدي ربنا وربنا يهديكي للصواب