انا مخطوبه بقالى4 شهور مكنتش اعرف خطيبى قبل الخطوبه اول شهر من الخطوبه يعتبر كان تعارف وكان كويس وكلامه كويس بعد كدا اكتشفت انه مش بيصلى حتى يوم الجمعه مش بيصلى لدرجه انا اوقات بفضل ارن عليه يوم الجمعه يمكن عشرين مرة عشان يصحا يصلى وفى الاخر مش بيصحا ويقولى اصلى نايم متاخر ولما بكلمه عن الصلاة يقولى لازم يكون عندى النيه مينفعش انى اسمع كلامك كدا وخلاص وحتى مفيش مرة اتكلم معايا وسالنى انا بصلى ولابصوم ولا كدا خالص واكتشفت طريقه كلامه واسلوبه مع اصحابه وسمعته اكتر من مرة بيكلم اصحابه بالشتيمه واسلوب فى الكلام وحش جدا ولما كونت بتكلم معاه يقولى دى حاجة عادية وانا بتكلم مع كل واحد على حسب وضعه ومكانته لدرجه مامته مرة كلمتنى وقالتلى بصحيه من النوم شتمها وقالها كلام وحش ولاحظت الاسلوب دة فيه وبعرف انه بيعاكس البناتا ولما ارجع اكلمه واقوله ليه كدا بيقولى دى حاجة عاديه المهم انتى بالنسبالى ايه ودايما يقولى انا شاريكى وبحبك وعاوزك بس انا بصراحه مش بحس كدا وبحس انه يتكلم كدا وخلاص وكل همه لما يتكلم يتكلم عن الحب والكلام دة وبس ولما اتكلم فى اى حاجة تانيه فى مستقبلنا ناوين نعمل ايه او نخطط لاى حاجة مع بعض القيه يغير الموضوع وبجد انا تعبت ومش عارفه اعمل معاه ايه وزهقت من الكلام معاه.
دا شكله شخص مستهتر ومش بتاع مسؤلية انتي افسخي خطوبتك منه لانه واضح انه انسان مش كويس وصلي صلاة استخارة لاستمراك معاه لان الشخص اللي مش بيصلي بيبقا مش كويس وكمان الجمعة اللي مش بيصليها مش بيورد علي جنة وربنا يهديلك احوالك
نصيحة منى وباختصار هذا الشاب مستهتر ولو ارتبطى بيه هتتعبى معاه .ياريت تفسخى الخطوبة وترتبطى بانسان راقى ومتدين
لازم تتزوجي رجل يكون متدين ويخاف ربنا ويكون مطيع لوالديه وبار بيهم لان الرسول صل الله عليه وسلم قال فيما معناه من جاءكم من ترضون دينه وخلقه فزوجوه …
يابنتي العزيزة كل تصرفات خطيبك ده تؤكد انه شخص مايخاف الله عزوجل ولادين عنده ولاخلاق ولاخير فيه افسخ الخطوبة منه قبل فوات الاوان وتاكدي انك بتعمل الصح وتسعي لرضا الله عزوجل وربنا بيعوضك ويكرمك خير منه ان شاء الله شخص لايصلي ويكلم بنات والسب والشتم على لسانه حتى مع اقرب الناس له لاخير فيه لك ولايستاهل ان يكون زوجا لك
يابنتي العزيزة