انا عندى 23 سنة ومخطوبة بقالى سنة ونص وبحب خطيبى اووووى اكتر ما اى حد يتصور وكنا مرتبطين قبل الخطوبة سنة يعنى انا معاة بقالى سنتين ونص ومتعلقة بية جدا وهو كمان نفس الحكاية المهم انى واقعة فى مشكلة كبيرة خطيبى ومن ست شهور كان متفق مع ماما انى ننزل ندور على الشقة وبعدين اول سوال سالنا انت مقدرتك اية قال 15000 الف نزلنا ودورنا انا وماما واعدنا حوالى شهرين ندور ولما لقاينا شقة بنفس المبلغ اللى هو قال علية قال لى ماما بصراحة انا مش معايا الا مبلغ 8000 جنية ماما زعلت منة اعد يقولها معلش ياماما انا والله داخل جمعيات وانا مش هقدر ادفع الايجار دلوقتى معلش نستنى لما الجمعيات تخلص واللى هتدفعة ايجار اكمل بية حق الشقة وكان تقريبا فاضل ست شهور والجمعيات تخلص ماما اديتة فرصة المفرض انة شايل الفلوس مع مامتة الــ8000 جنية + 1000 جنية لمدة ست شهور وكانت المفاجئة انة مش معاة من الفلوس الا 3000 جنية اذا كملة لانة كان عندة سنترال وكان واخد الفلوس فى الشغل وخسر ودلوقتى المفروض اننا ننزل نجيب الشقة ومحدش يعرف الكلام دة الا انا والمفروض لما كنت اعرف كدة اسيبة بس عشان بحبة مقدرتش وقررت اقف جنبة بس بعدين ابتدى يقولى لازم اللى عندة فى البيت لازم يوفقوا على الشقة اللى هياخدهاانا اعدت قولتله انى دى حاجة تخصنا احنا واحنا اللى نختار واللى يعجبنة هو اللى نجيبة وبعدين ابتدى يقولى اصلى انا مش معايا الفلوس اللى تكمل فهما هيسعدونى عشان كدة انا عاوز اشاركهم انا معنديش مانع انو يشركهم هما اهلة وليهم حق بس المشكلة انى المفروض القرار يكون قراره هو وانا فى الاول والاخر ولا اهلى ولا اهلك لانى تدخل الاهل بيخرب الدنيا وبعدين انا ابتديت ادور على اد مقدرتة عشان مفيش حد يساعدة فى حاجة المهم انا لقيت شقة عقد مفتوح فى نفس امكانيتة انا شوفتها انا وهو وعجبتنا بس هو مستنى قرار اهلة انا بجد تعبانة اوى وحصلت ومشلكة بسبب الموضوع دة انا نفسى فى شخص ياخد قراراتة من نفسة من غير ما حد يقصرلا علية عشان انا هتجوزة هو مش اهلة انا بجد مش عارفة اعمل ومحتارة كتييييييييييير بالله عليكم ساعدونى انا بحبة اوووى ومش عارفة اعمل اية !!!
الجواب واضح من عنوانه مثلما يقولون ده شخص كداب ومخادع ولاهو قادر على تحمل المسوولية ليه عاوزه تربط مصيرك بواحد هكذا صدقيني ياعزيزتي هتكون ندمانة جدا على زواجك منه وعمرك ماتبقى سعيدة معو طوال حياتك استمع لكلام المنطق والعقل وافسخ خطوبتك الشوم من ده الشخص والف من يتمناك ياست البنات الدنيا مليانه شبان ولاد حلال وقادرين على تحمل اعباء الحياة وربنا بيكرمك بواحد منهم ان شاء الله
تحبيه يبقا استحملي ماجرى لك واللي هتشوفيه منه بعد الجواز يابنت الناس كبري دماغك الشخص ده مش قادر على ايجاد شقة لك وماعندوش حاجة بصريح العباراة مالو اي لزمة من الاول وثاني حاجة كل شوية يقولك اهلي واهلي مايقدرش ياخذ قرار في حياته الخاصة بدون اهله وموافقتهم لوحصلت بينكما مشكلة بعد الزواج ممكن اهله يقولوا له طلقها فييروح مطلقك فورا ويرميك في الشارع ماتزعليش ده مش راجل ولاعنده ذرة من الرجولة وسوف تتبهدل معاه الجواب مبين من عنوانه نصيحة لك من شخص مثل ابوكي افسخ خطوبتك منه وكل واحد ينام على الجنب اللي يريحه وهتلاقي نصيبك مع ابن الحلال اللي فعلا يستاهلكي ويقدرك ويصون مشاعركي ويسعدكي طوال حياتكي