ممكن البعض يفتكروا ان مشكلتى هايفة لكن انا شابفاها صعبة خاصة عليا لانى معنديش خبرات كبيرة وحياتى كلها مكنش فيها خيارات كتسرة تحدد مستقبلى ومعداش عليا خيار غير لما اخترت الكلية اللى بدرس فيها ودى اخترتها بالعقل والحمد لله اختيار كويس لحد دلوقتى ……..طول عمرى بشغل مخى جدا قبل كل خطوة اقوم بيها لكن لما الاختيار شقع فى المجهول مش عارفة مخى وعقلى فى حيرة ………انا عدى عليا سنة مخطوية اتخطبت لقريب ليا وهو محبوب من الجميع والكل موافقين عليه يعنى فى ظل الظروف كلية قمة يعنى متوافق معايا وشغل ثابت وشقة معقولة يعنى الماديات كويسة والاخلاق الحمد لله كويسة وان كانت فى بعض العيوب بس سطحية نتيجة التنشئة يعنى الفاظ او غيره ودى دلوقتى ومن كتر كلامى فى الموضوع ومن حرصه على انه يتغير للاحسن فعلا الصفات الوحشة اتغيرت وده بقى واضح جدا للناس كلهم يعنى تاثسرى الحمد لله كان كويس لحد دلوقتى بس اللى مخوفنى جدا ومخلينى دايما قلقانة هو اننا بقلنا سنة وكل شوية فوق وتحت وتحت وفوق يمعنى انا بشوف كل المخطوبين منسجمين وكل الناس يتقولى ان فترة جميلة ومثالية وده مش حاصل معايا احنا اتخنقنا كتير جدا جدا جدا فى الاول كنت نا اللى بفتعل المشاكل لانى كنت مش عايزة اكمل وخايفة من اختلافنا لكن تمسكه بيا الشديد خلانى اتشجع واخدت بنصايح اللى حوليا وبدات اركز على المميزات واعتقد انى حاليا مرتاحة جدا لكن اول ما انا هدات بدات مشاكل من نوع اخر وكلها من عنده اكتشفت اته يقف على التفاصبل وعايز يسمع كلام حلو وانا مش عارفة اقول كده ومش عارفة اتخيل انى اقول كده حاليا فى الفترة دى وه مش صابور وبالتالى تقوم خناقة على حاجة تفهة جدا الموضوع اتكرر وكل ما يقتنع بوجهة نظرى يرجع ينسى كل اللى اتقال وتتكرر المشكلة ……….الفكرة كلها انى بدات افكر انى تكون دى اشارات اننا منفعش مع بعض مثلا مش عارفة رغم انه كلام تافه لكن انا طموحى كانت اكبر من كده من ناحية دماغ الراجل اللى حعيش معاه كنت بحلم براجل راكز وعقله كبير ومتدين وملتزم لكن انا مش متدينة بالدرجة الكافية اللى تخلينى ارتبط بواحد ملتزم تفتكروا المشكلة الحقيقية فيا صحيح وخاصة ان كل اللى حوليا بياكدولى ان الرجالة كلهم كده ومخهم مش كبير وعاملين زى الاطفال ولا تكون دى فعلا علامات اننا مش ننفع لبعض وازاى اعرف اذا كنت حعرف عيش معاه ولا لا انا عايزة اسمع رد الناس اللى فهمت كلامى واللى عندهم خبرات …………..اسفة للاطالة
شوفي يابنتي الغالية انت الان مخطوبة والحمدلله غيرك من البنات مش محصلين دي الفرصة ويتمنوا الارتباط والشاب كماقلت كويس ومحترم ومن كلية قمة واخلاقه كويسة فدي نعمة كبرى ربنا اعطاكي اياها عايزك تبطل الهواجس والاوهام اللي في دماغك دي والتي هتخرب عليك وتدمر سعادتك ليه ماتهتم بخطيبك وتعامليه كويس وتبادليه نفس المشاعر والاحسايس ده هيكون زوجك في المستقبل ولست معاك في كل ماتفعليه مع الشاب خطيبك واي واحد مكانه ممكن ينهي تلك الخطوبة معك ولايستمر في هذة الخطوبة لان كل تخيلاتك في غير محلها وليس كل الرجال عقولها مش كبيرة وزي الاطفال كما تظني كما ان البنات ليسوا زيك كده متناقضات ويفكروا بالشكل ده انت عاوزه حجة والسلام علشان تفسخ خطوبتك من الجدع ده وقد يكون احد ثاني في حياتك فبلاش تظلم الشاب من البداية صارحيه بالحقيقة قبل فوات الاوان وفي الاخر الزواج قسمة ونصيب ولاحدش يجبرك على الاستمرار مع شخص لا ترغبي فيه