المفروض هنتجوز كمان شهرين ويمكن من اول ما بدات اجهز الحاجات وانا مابقتش مبسطة .. خطيبي بيحب كل حاجة تبقا مظبوطة في البيت مش عايز يكروت نفسة وعايز يفرح هو واهله وجة في مرة قالي لو ابوكي مش عايز يعمل حاجة مفيش مشكله بس يستناني لحد ما اكون نفسي… ومن جانب اهلي معرفش لية بقيت حاسة انهم بقوا واقفين علي الوحدة ليهم فجاءة كدة مع اني والله بحاول اريحهم بشهادة صحابي … مع ان اهل خطيبي وخطيبي عمري ما شوف منهم حاجة وحشة واي موقف باخد راي اللي حوليا يقولولي عمرك ما هلاقي زي الناس دي اتمسكي بيهم !! والجدير بالذكر ان كل ما يحصل مشكله مع ابويا ويحسوا انه مش عايز يعمل الحاجة دي هما بيعملوها من سكات عشان عايزني لابنهم وعايزين يفرحوا .. والجانب التاني مش بشوف اهلي بيحولوا يعملوا حاجة عشان يشوفوني مبسطة !! مع العلم ان ابويا غلط في اهل خطيبي 3 مرات وهما عدوا الدنيا محدش فيهم رد علية …
مش عارفة اتصرف ومش عايزة ابعد عن خطيبي بس مش لاقية حل ومحدش يقولي اتكلمي مع اهلك لان مبقاش فيا نفس اتكلم .. مش مبسوطة ولا حاسة بحاجة وكل ما اعدي خطوة اتعب اكتر !!
مشاكل الخطوبة
بفكر اسيب خطيبي وعارفة اني هندم
اضيف بتاريخ: Tuesday, April 24th, 2018 في 14:16
كلمات مشاكل وحلول: الحب, الخطوبة, بنت, حب, شاب
