انا بنت 22 سنه مخطوبه اهلى مسافرين وعايشه لوحدى ومحافظه جدا وحافظه قران حصل بينا انا وخطيبى حاجات مش كويسه حرام حاجات سطحيه هو شايف ان ده عادى اما حسسته بالذنب قالى المفروض ماكنشى حصل كده بجد انا نفسى اعمل اى حاجه عشان ربنا يغفرلى ويسامحنى وخطيبى ده انا مش طايقاه مش عارفه اكمل معاه ولا ده يبقى حرام عليا مش عارفه انا عارفه انى استاهل الحرق بس بجد ضعفت ساعدونى وهو شجعنى انا بقيت خايفه من عذاب ربنا اوى ياترى ممكن ربنا يسامحنى والانسان ده اتصرف معاه ازاى
لو هتأفورى أكتر من كده يبقى فعلا تستاهلى الحرق … لمى الدور و خلاص على كده اللى فات فات
كان كمّل معاك للآخر لكن واضح انه مش مسئول ومعندوش ذرة تقدير لنفسه لان من كلامه ” قالى المفروض ماكنشى حصل كده” هو كدة سقط في الامتحان خلاص كونك تختبريه انه يحس بالذنب شيئ فطري لانك مش حاسة معاه بالأمان وانتهى الموضوع .انا لو بحب البنت الي قدامي دي ماخليهاش خايفة كدة . إي منطق يخليني أظلم غيري بحجة اني بخاف من ربنا دة اسمه تلاكيك بيتلكك .فاهم الدين غلط . الانسان دة تعامليه ازاي ؟ ادخلي معاه في موضوع الجواز اختبار تاني بقى وانت أدرى بها من أي شاب لأن حواء بتفهم أكتر . تعرفي مستوى ثقافته ازاي اسلوبه في التعامل ازاي . لغة الجسد بيقدم نفسه للناس ازاي . انت أدرى ودة امتحان كبير لو سقط فيه يبقى موقفك منه رفض لكن بدون إهانة وبعد الرفض المحترم وان معندوش الصفة المعنوية الي تتمنيها يبقى التوبة من أي ذنب بينك وبين ربنا بس بشرط الاخلاص وعدم الاصرار ولا انجراف في المسائل دي . استفيدي من صحباتك لان التعلم من أخطاء الغير عامل مساعد برضه . وشكراً لوقتكم .
لاداعي لذكر انك حافظة كتاب ربنا .. انتي مش فوق البشر طلاما انتي غلطيتي ومعترفه توبي لربنا وادعيله يسامحك وبعدين الحمد لله ان محصلش حاجة اكبر لو شايفه ف نيته الزواج والفرح مش هيطول يعني شهور خليكي معاها الموضوع فيه سنة واتنين فرقشي بس اوعي تكرري وتقولي ضعفتي صوني نفسك دي امانة تسلميها لزوجك ف الحلال مش خطوبة وربنا يسعدك
الاخت العزيزة طالما انك معترفة بالخطا اللي عملتيه وتوبت لربك واستغفريته ونادمة على ماحصل منك فالله هو الغفور الرحيم يقبل توبة عباده الخطائيين ويغفر الذنوب جميعها ماحصل منك انت وخطيبك في لحظات ضعف شيطانية ربنا يغفرها ان شاء الله المهم انكم ماترجعوا تعملوا ذلك وتحرصي انت بالذات على شرفك وسمعتك وسمعة اهلك وترفضي الخلوة معو والقبلات والبوس والاحضان في فترة الخطوبة لانها تودي الى عواقب وخيمة لاتحمد عواقبها وربنا يتمم لكم بالخير ويسترعليكم ويسعدكم في حياتكم القادمة
اختي
بما انك اعترفت بخطئك فانتي في الطريق الصحيح
لن الومك لاننا بشر وخير الخطائين التوابون
ممكن في لحظة ضعف استسلمت له وقد تضعفين مرة اخرى ان لم تضعي حد له وهذا كله يعتمد عليك
اتمنى منك عدم تكرار هذه الامور لان عواقبها خطيرة ممكن اليوم بوسة وبعدها جماع ثم حمل ثم هروب الخطيب وفي الاخير انتي الضحية
ان طلب منك مرة اخرى اخبريه بان هذه الامور لن تحصل الى بعد كتب الكتاب وان هده الامور حرام